مكتبة القصص هنا هتلاقى قصص كتير فى مختلف المجالات فى الحياة...



إضافة رد
 
أدوات الموضوع انواع عرض الموضوع
قديم 08-10-2011   #21
G.h.a.l.y
.:: مـرشــح للإشـــراف ::.
 
تاريخ التسجيل: Apr 2010
الدولة: فى ذكرياتى
المشاركات: 2,394
إرسال رسالة عبر مراسل Yahoo إلى G.h.a.l.y
Heart مسلسل حبك احيانى

الحلقة الثانية :
______________





تاني يوم ف الجامعه:

(بعد ما المحاضره الاولي ابتدت ودخل الدكتور فعلا ... تخبط ملك بكل رقه ع الباب وتعتذر للدكتور وتستأذنه ف الدخول فيأذنلها)
ف الوقت ده يوسف كان قاعد ف مكانه المفضل ..اوول بنج وطبعا شافها .

يوسف :: يااااااااااالله نفس البنت !!!...انتي طلعتيلي منين بس
امممم كده بقي تبقي اكيد معانا ف الدفعه .. بس ازاي عمري ما شفتها قبل كده غريبه فعلا
احمد :: بتقول حاجه يايوسف ؟
يوسف ؟؟ يوووووووسف ايه رحت فين؟

يوسف :: هه ايه يااحمد ف حاجه؟

احمد :: ف حاجه !! الله عليك ..انت سرحان ف ايه يابني ؟ اكيد طبعا ف الاتحاد والاسره ما انا عارفك

يوسف :: اه اه طبعا الاسره والاتحاد ربنا يسهل

احمد :: طب ركز دلوقتي احسن ونبقي نفكر كلنا مع الجماعه بعدين مينفعش كده

يوسف :: اه والله عندك حق مينفعش كده استغفر الله العظيم

((ف سره:: يارب اهديني يارب وشيل من الافكار دي سامحني يارب استغفرك ربي واتوووووووووووب اليك ))

وف نفس الوقت :
________________
كانت ملك راحت قعدت ف مكانها المفضل ف ااااااااخر بنج مع نهي
ملك :: احم احم ازيك يانهي.
نهي :: الحمد لله ازيك ياملك ... ايه مش عوايدك تأخير كده ومن اول السنه

ملك :: معلش معلش هقولك بعد المحاضره
ملك :لنفسها)يااااااااه الحمد لله وصلت قبل ما الدكتور يطول فى الشرح
يارب اعرف افهم
مش اللي قاعد ف اول بنج ده هو اللي شفته امبارح ... لا وقاعد ف الاول عشان يفهم
شكله دحيح ههههه...
امممممممم بس باين عليه مؤدب اوي شيك كمان امممم وبصراحه برضو وسيم منكرش
بس طبعا برضو باين عليه محترم اوووووي مش زي الشباب التافهه اللي بشوفهم كل يوم ف شلة ساره عزام
ايه ده ... الله يسامحك ياملك
ايه اللي بتفكري فيه ده ... الدكتور عمال يشرح وانتي بتفكري ف شلة ساره عزام واللي قاعد ف اول بنج
ياستي محترم محترم لنفسه ملكيش دعوه .. ركزززززززي بقي
بعد المحاضره ....
_____________

نهي :: ها ياملوكه اتاخرتي ليه النهارده ع المحاضره قلقتيني يابنتي

ملك :: مفيش ياحببتي متقلقيش بس اصل عمي اتصل بينا الصبح بيقول جدتي تعبانه جداااا ولازم ننزل البلد النهارده

نهي::ياخبر ..معلش حببتي ..الف سلامه عليها

ملك:: الله يسلمك .. المهم تقريبا هنقعد حوالي اسبوع بالكتير لغاية بس ما نطمن عليها

نهي :: ماشي حببتي ربنا يشفيها يارب
متقلقيش انا هسجلك كل المحاضرات

ملك :: ايوه بالله عليكي يانهي ربنا يكرمك ياحببتي يارب

وسافرت ملك ع البلد
اخدت كل حاجه
بس نسيت حاجهه مهمه
نسيت تاخد قلبها ...
اللي مبقاش ملكها


وف خلال الاسبوع
________________

يوسف يحضر محاضراته عادي ويجتمع مع الاسره ... اسرة جيل العزه ... عشان يتفقوا ع البرنامج اللي هيقدموه السنه دي
بس لما كل ده يخلص ويرجع بيته ويقفل عليه باب اوضته ويبقي لوحده يلاقي طيف ملك يجي يونس وحدته
جرب كل حاجه ... استغفار... قيام ليل ... دعاء
برضو مفيش فايده ...يبعد عنه خيالها شويه ويرجع تاني يسهره الليل
يوسف :ع سجادة الصلاه) يااااااااااااارب يارب انا مش عارف ايه اللي جرالي
مش عارف بفكر ف البنت دي كتير كده ليه
عارف يارب انك اكيد زعلان مني ... بس وعزتك ياربي ما قادر عملت كل حاجه ومفيش فايده
يارب لو اختبار منك دا اختبار صعب اووووي ساعدني يارب اتخطاه
برحمتك يارب
(وفجاه يسرح)
ايه ده .. طب هي راحت فين .. انا من ساعت ما شفتها لما جات متاخر مشفتهاش تاني
ياتري يكون حصل لها حاجه ... او حد عندهم حصله حاجه
ياااااااااااااااارب استرها يارب
(وفجاه فاق ... قام من مكانه فتح الشباك بص للقمر والسما الصافيه وغصب عنه نزلت من عينه اصدق دموع ... دموع من قلبه)
يااااااااارب شفت يارب بفكر فيها ازاي وانا بين ايديك
سامحني
يااااااااارب خليك جمبي يارب
.......

اما ملك فكانت ف البلد:

كل يوم بعد ما تطمن ع جدتها تقعد شويه مع قرايبها وبنات عمها تضحك وتهرج وتحكيلهم عن الجامعه واللي فيها
بس بعد شويه كله يستأذن ويروح ينام ويسبوها لوحدها ف جو هادئ متلقيش حاجه تسلي وحدتها الا القمر ف السما
وصوت العصافير بتنادي ع بعض عشان تتجمع ف العش
ووسط كل ده ... تلاقيه هو ... هو وبس معاها مش بيفارقها
كان مستني لما كله يمشي عشان يقعد معاها براحته ومحدش يزعجهم
هو ... طيف يوسف وخياله
ملك :: هو انا ليه بفكر فيك كده كتير ... ما ترد عليا ؟؟
معقول اكون حبيتك من اول نظره زي الافلام
بس ازااااااااي ... دا انا حتي معرفش اسمك ايه
يووووه ياربي ع التهيؤات دي ...انا هقوم افتح التلفزيون احسن
وتفضل تقلب تقلب تقلب
كل القنوات دي مش عاجبها
الا دي.... اغاني عبد الحليم ... ع قد الشوق.. جبااار ..نعم ياحبيبي نعم

ملك :: يااااااااااااه ... بقي انا اللي كنت بتريق ع اي حد يسمع الاغاني القديمه دي ..يجي اليوم عليا واسمعها انا
وعشان مين ... عشان واحد معرفش حتي اسمه
معقول يكون هو ده الحب من اول نظره ؟ !!! طب ازاااااااااااي
يااااااااااااه يارررربي
ف اخر الاسبوع .. ف الجامعه
_____________________
احمد :: يوسف ..يوووووسف انتي يابني

يوسف :: ايوه يا
احمد عاوز حاجه
احمد :: يوسف انت مش عاجبني اليومين دول بأدئ السنه كده مش مركز وع طول سرحان ... ف ايه بس حب جديييييييييييد ؟؟ :)))))

يوسف :: حب ؟؟ لا لا لااااااااا مش حب .. مش حب لأ

احمد:: طيب طيب براحه عليا ..ايه يابني ما انا عارف انا بس بهزر معاك اصل احوالك مش عاجباني

يوسف:: لا لا اطمن كله تمام .. ادعيلي انت بس

احمد:: انت عمال تدور ع مين ؟؟ عينك عماله تدور ف المدرج
يوسف :: لا عادي .. بس كان ف بنت كده شوفتها مرتين ف اول السنه وبعد كده مشفتهاش خااااااالص ولا اصلا شفتها طول السنين اللي فاتوا مش عارف راحت فين
احمد:: ولا شفتها قبل كده ولا بعد كده ... لا اطمن ... تبقي شيح هههههههه

يوسف :: انت متعرفش تتكلم جد شويه

احمد :: ما انت اللي بتقول كلام غريب ... وبعدين ملها يعني البنت ؟
يوسف :: احم احم لا لا لا ابدا ...اصلي حسيت انها ممكن تنفعنا ف الاسره وخصوصا اننا محتاجين بنات كتير معانا
احمد :: اهاااااا طيب
ملك::ماما هو احنا مش المفروض كنا هننزل النهارده؟
ام ملك :: اه المفروض .. بس ابوكي قال نخليها بكره عشان لسه هيسلم ع ناس وكده
ملك :: يوووووووووه لسه بكره
ام ملك :: معلش حببتي هانت ..ايه الكليه وحشتك اوي كده
ملك :: اه طبعااااااا وحشتني واكيد دخلوا جامد ف المحاضرات وانا خايفه معرفش الم اللي فاتني
وبعدين نهي وحشتني
والجامعه وحشتني
واصحابي وحشوني
(وف سرها)
وهو كمان وحشني
وحشني اوووووووووي

? ? ? ? ? ?

..........................​.....
ونكككككككككككككمل الحلقه الجايه
استنونا :) :)




الحلقه الثالثه ....... ًًََُُ مسلسل حبك احيانى ًََُ






رجعت ملك من البلد وذهبت الجامعه كل همها تشوفه هو ... هو... الطيف اللي سهرها اسبوع كامل من غير حتي ما يريح بالها ويقولها اسمه ايه..

وصلت ملك المدرج ..بس كان زحمه اوووي اصل كل الاسر فى الكليه اجتمعت النهارده عشان يعلنوا عن ترشحهم بشكل رسمي ويوضحوا البرنامج الخاص بيهم..

ذهبت ملك لمكانها المفضل مع نهي طبعا وبعد السلام الحار والقبلات

بدات ملك تحكلها كل حاجه حصلت ...الطبيعه الخلابه فى البلد والهدوء واولاد عمها اللي لسه الدنيا مقدرتش تخفي برائتهم ... وبس كده

جايز تكون نسيت تقولها عليه هو ... او بتحاول تنسي

وبدا البرنامج الخاص بكل اسره:
________________________

نهي :: ملك يلا نخرج نلف شويه فى الجامعه عقبال ما يخلصوا

ملك :: لا لا لا استني ... عاوزه اسمع البرامج

نهي:: اشمعني يعني ؟؟ ايه ناويه تنضمي مثلا ؟

ملك :: وفيها ايه.. انا بصراحه خايفه اخرج من الجامعه واندم اني منضمتش لنشاطات فيها وبعدين خلينا نسمع الاول ونقرر

وتقعد ملك مش مهتمه بكل اللي بيتقال ... اسرة حورس ... اسرة شباب بتتحرك ... اسرة كذا وكذا وكذا

نهي :: لما انتي مش مركزه وعماله تقلبي ف الشنطه يمين وشمال مقعدانا هنا ليه

ملك :: لا لا مركزه صدقيني استني بس

(وف اللحظه دي)
______________

يوسف طلع يقدم نفسه بصفته مسؤل عن اسرة جيل العزه
ملك :: بسسسسسسسسسسسسسسسسسسسسس استني يانهي خلينا نسمع

وسمعت يوسف وهو بيقدم نفسه.

ملك ::ياااااااااااااه اخيرا لقيتك وشفتك قدامي .... مش طيف ولا خيال دا حقيقي
دا بجد حقيقي .... الله ....الله ع ضحتكك
ضحتك جمييييله وملامحك هاديه ... تعبيراتك رقيقه
الله عليك
واسمك يوسف .... الله اسمك حلو اوووووي

انا بقي مش همشي النهارده غير لما اعرف انت مين .. وعاوز مني ايه بالظبط ... وليه كل يوم تبعتلي طيفك يسهرني الليل

ملك :: احم نهي انتي قلتلي انك تعرفي يوسف ده صح ؟؟ طب تعرفي عنه ايه

نهي:: لا معرفوش اوي يعني ... بس هو مسؤل الاسره دي من سنه اولي وبيطلع من اوئل الدفعه وكده فمشهور يعني
ع فكره اللي واقف جمبه ده صحبه عمر .. جاركم .. معاكم فى نفس الشارع

ملك :: اها عمر ... صح انا اسمع عنه كتير

نهي :: وانتي بتسألي ليه ياملك ؟؟

ملك:: لا ابدا ... اصلي بفكر انضم للاسره دي

نهي :: نعم يااختي ... بقي تسيبي كل الاسر التحححححفه اللي عدت دي
واسرة حورس اللي كل الدفعه هتموت وتنضم ليها بعد ما قالوا على كمية الخروجات والفسح اللي هيعملوها بسعار رمزيه
دا غير الحفلات والحاجات الجميله دي
وتقوليلي اسرة جيل العزه ... جيل عزة مين ...لا متهزريش

ملك :: بطلي بقي التفاهه دي وبعدين احنا نجرب ياستي معجبناش نخرج منها
يلا بس بسرعه نروح نفهم منه الوضع ..انا مصدقت لقيته :)))




يوسف :: ياااااااااااااااه الحمد لله ربنا وفقني وقدرت اقول افكار الاسره ..ربنا يسهل بقي وناخد الاتحاد السنه دي
ايه ده ؟؟؟!!!!! دي هي .... ايوه هي
مش خيال زي ما احمد بيقول
اهي واقفه بعيد
راحه فين بس استني متمشيش
ياربنا ...دي بتقرب عليا
يارب متكونش عاوزه تكلمني انا ... خايف عيني تفضحني وتقولها اني خلاص كل يوم بحلم بيها وبتمني اشوفها
ياااااااااااااااااااااااار​بي استر يارب


ملك :: السلام عليكم
ازيك يابشمهندس ... بشمهندس يوسف صح ؟؟
يوسف:: وعليكم السلام
ايوه يابشمهندسه انا يوسف ... تحت امرك
ملك :: بصراحه يابشمهندس احنا عاوزين ننضم ليكم ف الاسره ان شاء الله
بس مش عارفين ازاي ننضم وكده
يوسف:: تمام .... اولا بجد يشرفنا انضمامكم لينا ... بس الاول معلش الاسم بس

ملك:: انا ملك محمود ... وهي نهي احمد

يوسف:: (ملك ,,,, فعلا) احم طب تمام ...اتشرفنا طبعا
عموما احنا فعلا محتاجين بنات معانا ف الاسره ... وده الجروب اللي شغالين عليه ع النت بنتواصل فيه ونبلغ بعض بكل جديد
وعموما مسؤلة البنات هي (البشمهندسه ايه حسني) هي للاسف مش موجوده النهارده لكن ده رقمها وايميلها وتقدروا تتواصلو معاها وباذن الله نبلغكم بكل جديد
استأذنكم .... السلام عليكم

ملك ونهي:: وعليكم السلام ورحمة الله وبركاته



يوسف:: غبيييييييييييييييييييييييي​ ايه اللي عملته ده .. اكيد خدت بالها
يعني لما انت ف الاخر قلتلهم ان فى بنت مسؤله عن البنات يبقي كان ايه لزمته تعرف اسمها

يووووووه اهو اللي حصل بقي ... يارب متكونش خدت بالها
بس فعلا دا انسب اسم عليها ... ملك .. الله عليكي
يااااااربي طلعتيلي منين بس ياملك...ينفع اللي بتعمليه فيا ده
دا انا لمحتك مرتين ... سهرتيني اسبوع وليل نهار خيالك محاوطني
دلوقتي هعمل ايه وانا شفتك فعلا من قريب واتكلمت معاكي وسمعت ارق صوت من اجمل مخلوقه ف الدنيا
يووووووووه استغفر الله العظيم يارب ... يارب سامحني
ااااااااااااااااااه اما نشوف اخرتها معاكي ياست ملك




وباااااااااليل

يوسف :: احمد ... هو الحب حرام يا احمد؟
احمد:: الحب ؟؟ لا طبعا مش حرام ...مين حرمه
الحب ده اجمل وارقي وارق شعور ف الدنيا
بس حرام لما يتمللك ويبقي اللي بتحبه احب عندك من ناس تانيه اهم
يوسف:: تقصد ايه؟

احمد::اقصد مثلا لو واحد حب واحده مثلا ... ايه المشكله ؟!! .. لكن بقي لو هي بقت كل حياته
خلته يحبها اكتر من نفسه اكتر من ربه اكتر من دينه واهله وناسه
يبقي ساعتها دا الحب الحرام عشان حبها خلاه يجي ع حق ناس كتير ..

فاهمني؟؟ انما ايه اللي خلاك تتكلم ف الحب ياعم الرومانسي؟

يوسف:: لا ابدا ... اقولك بصراحه
اصلي ...اصل يعني... بصراحه كده
انا حاسس اني بحب ... الخيال اللي قلتلك عليه قبل كده
مطلعش خيال دا واقع واحلي من احلي واقع

احمد:: ههههههههه ماشي ياعم الشاعر ... المهم متخليش الحب ده يجي على حق ناس تانيه زي ما قلتلك ولا على حساب مستقبلك ودراستك .. وسيب كل حاجه لوقتها ..

وانا عارف ومتاكد ان يوسف لما يحب هيحب اللي تقربه من ربنا مش العكس

يوسف:: ان شاء الله يااحمد
انا هروح بقي عشان الحق اظبط حاجات ع الجروب وكده وابلغ الاعضاء الجديده بهدفنا ورسالتنا وكده
يلا اشوفك بكره سلاااااااام
احمد:: سلاااااااااام





ورجع يوسف ع طول البيت
يفتح النت بسررررررررررررعه عاوز يشوف ملك كاتبت ايه..

وكانت المفاجأه ........ !!



استنونا بكرة علشان نعرف ايه اللى هايحصل وايه هى المفأجأه

معلش على التأخير
بسبب الجيش ونكمل معاكم وفيه مفأجات كتير
الحلقة الرابعه .. مسلسل حبك أحيانى
______________

انتهت الحلقة الماضية .. عندما رجع يوسف ع طول البيت
يفتح النت بسررررررررررررعه عاوز يشوف ملك كاتبت ايه..


فكانت المفاجأه ..

اول ما دخل لقاها فعلا موجوده ((تقريبا كانت مستنياه))ا

وهنا بقي بدأ الشيطان يوسوس ليوسف ..

الشيطان :: يابني عادي كلمها انت هتقولها ايه يعني ... ما انت عارف ان (آيه حسنى ) مسؤلة البنات فى الاسرة امش بتدخل اليومين دول
وانت بس هتفهمها ع نظام الاسره والبرامج وكده

يوسف:: لا لا لا مش هينفع ..احسن استني لما (ايه ) تدخل تعرفها هي النظام

الشيطان :: انت حر .. يلا بقي سيبها تزهق ان محدش عبرها
وتروح تشترك ف اسره تانيه ... والعدد يقل
ويروح الاتحاد عليكم ياخفيف
بس مترجعش تتندم ف الاخر
وبعدين انت هتكلمها يعني كلام مش كويس .. لا طبعا دا انت هتكلمها باسلوب محترم وتفهمها شويه عن الدين
وممكن كمان تنصحها وتعملها شير للمقاطع الجميله اللي عندك عن الحجاب
عشان زي ما انت عارف هي لابسه حجاب استايل شويتين تلاته
وده طبعا مينفعش
تخيل انت بقي لما تلتزم وتتحجب لما تسمع كلامك ... تخيل الثواب .. تخييييييييييييييييييييل
يلا يابني متضيعش وقت .... حرام كده
لازم تنصحها وتساعدها

يوسف:: ايوه صح كده
انا هنصحها بس وهنتكلم ف الدين مش اكتر


بعد ما قرر يوسف انه يبدأ كلام مع ملك ع النت عشان يفهمها نظام الاسره والانشطه
ويحاول يقربها من ربنا (زي ما الشيطان اقنعه بده) وابتدي بينهم الكلام عااااااااااادي

باسلوب يوسف..... الاحترام والادب والالتزام والاخلاق ف كل حرف بيكتبه

اصبح الكلام بشكل يومي بينهم ع الجروب
لكن ملك طلبت منه انها محتاجه تاخد راييه ف امور معينه صعب تقولها ع الجروب
فالافضل يبقي الكلام ع الايميل

فرح يوسف اووووي بالاقتراح ده لانه تقريبا كان هيطلبه (بس الحمد لله انها جت منها )ا
وبدأت ملك تاخد رايه ف امور شخصيه خاصه بيها او بزمايلها وقرايبها
منها الدينيه والاسريه والاجتماعيه

يوسف كان بيرد عليها وجوابه ديما بيريحها ... وده مش جديد هو ده يوسف معروف بطلاقة لسانه واسلوبه الراقي وارائه المنطقيه
لكن برضو كان بيحب يسمع رايها ووجهة نظرها ف كل موقف

الخلاااااااصه ان يوم بعد يوم بيذيد اعجاب وحب ملك ليوسف اعجابها بالتزامه واحترامه وشخصيته القويه

وبرضووووو يوم بعد يوم بيذيد حب يوسف لملك ويزيذ اعجابه بعفويتها والتلقائيه ف كلامها

وصفاء روحها اللي ظاهر ف كل حرف ف كلامها بس محتاج شوية تغيير خارجي .......
وبرررررررضو اعجب باستعدادها التام للتغيير وتقبلها لاي انتقاد


كبر الحب بينهم يوم بعد يوم ...
طول الوقت مع بعض ع الايميل .....وف الجامعه بيكتفوا بالنظرات
وبعد كده ملك مش بتلاقي غير نهي اللي تحكلها عن يوسف
ويوسف يحكي لأحمد عن ملك

ملك :: ياااااااااااااه يانهي ... قد ايه يوسف طلع انسان حساس اوووي ورقيق ومحترم فوووق الوصف دا غير التزامه وتدينه
وطول الوقت حاسس اني ممكن اتغير ومش بيحسسني ابداا اني اقل منه
ربنا يخليه ويكرمه يااااااااارب
انا نفسي اتغير عشانه ... نفسي ابقي احسن واحد ف الدنيا عشان اكون مناسبة ليه

نهي :: ايه ايه ؟؟ !! معلش كده اخر جمله تاني.... تقريبا مسمعتش كويس
عشان اكون مناسبة ليه ؟؟؟ !!!!!! ازاي يعني ؟؟
ملك :: يوووه بقي يانهي ... يعني عشان اكون مناسبة ليه ... هو انتي مش حاسه ولافهمه من كل اللي بحكهولك الفتره اللي فاتت

نهي::لا حسيت ... وبعدين استبعدت فكرة ان فى حد ممكن يخلي ملك تفكر التفكير ده
بس قلت دا مجرد اعجاب هياخد وقته ويروح
ملك:: مهما اقولك مش هتفهميني
اللي بيني وبين يوسف مش حب بيتولد مع الايام
لا دا حب اتولد من اول مره عنينا اتقابلوه فيها
لكن ده حب بيزيد يوم بعد يوم

نهي::الله الله ياعم الرومانسي .... اوعدنا ياااااااااااارب :)) بس المهم هو حاسس ناحيتك بايه؟

ملك:: مش عارفه بجد ... دا اللي هيجنني ... ساعات بحس انه بيبادلني نفس الشعور وساعات بحس العكس
مش عارفه جايز يكون بيعاملني كويس عشان انا جديده ف الجروب وكده فعاوز يكسبني معاهم

نهي:: هههههه لا لا يختي اطمني معتقدش ... والا انا قدامك اهوه جديده برضو معاهم ومحدش عبرني :)))ا
ملك :: هههه تصدقي عنك حق ... يااااااارب
فعلا يكون كده ويجعلنا من نصيب بعض يااارب
احم المهم بقي ياستي
جهزي نفسك بكره هننزل نشتري طرح طويله وجيبات واسعه كده
عشان هنغير استايل لبسنا ده خاااااااااالص
نهي::امممممممم طرح طويله؟؟ وجيبات واسعه ؟؟ وانا مالي ياستي .. انا ولا بحب ولا عاوزه حد يحبني
انا كده تمااااااااام :))
ملك:: متهزيش بقي يانهي ,, انا بتكلم جد
على فكره الاسره كلها طلعت محترمه فوق الوصف ومش معقديين زي ما كنا متخيلين

بالعكس بيهزروا ويضحكوا ويخرجوا ويتفسحوا بس باحترام والتزام بجد شعور جمييييل اوي
وبعدين احنا صحاب من يوم ما اتولدنا .... يعني اكيد يوم ما هحس اني هتغيير للاحسن
لاااااااازم طبعا اتمنالك التغيير ده واخد بأيدك ... وخصوصا اننا اكتر اتنين فاهمين بعض
واهو ياستي نساعد بعض مش اكتر
نهي :: امممممممم ماشي ياملك
نجرررب الطويل والواسع مفيش مشكله
واما نشوف اخرتها معاكي انتي والبشمهندس يوسف
:))))

وطبعا وسط كل ده ما زال الكلام بينهم بيزيد
والحب بينهم بيزيد ويزيد وييزيييييد
(وفى يوم)
__________
ملك :: يوسف معلش انا مش هعرف ادخل الفتره الجايه .... جدتي تعبت تاني
ولازم ننزل البلد ومفيش هناك نت


يوسف:: طب وبعدين ؟؟ .... انا لازم اطمن عليكي
اقصد يعني لازم يبقي في بينا اتصال وكمان عشان تعرفي اخبار الاسره اول باول كده
ملك :: انا عارفه والله بس غصب عني
اعمل ايه ؟؟ مفيش هناك نت
يوسف:: طيب امممممم ....بصي ياملك
احنا طبعا عادي بنتكلم عادي ف الجامعه
اعتقد مفيش مشكله لو اتكلمنا ع الموبايل
وانا ابقي اقولك اخبار الاسره اول باول ....ايه رايك ؟؟؟

ملك :: اه طبعاااا ياااااريت ... مفيش مشكله
ده رقمي .....
وقدر الشيطان يضحك ع يوسف المره دي كمان
وبدأ الكلام بينهم ع الموبايل
اول دقيقتين عن الاسره والجامعه
وساعاااااات طويله كلام شخصي عنها وعنه ... طموحاتهم ... احلامهم ... حياتهم الخاصه ....الخ الخ الخ

.............................
ياتري الوضع ده هيستمر كتير ولا يوسف هيفوق
وياتري احمد ونهي هيتدخلوا بينهم وويبقي ليهم دور ولا لأ
دا اللي اكيييييييييد هنعرفه الحلقه الجايه
ااستنووووونا


________________________

مسلسل حبك أحيانى .. تأليف سيف


الحلقه الخامسه .... مسلسل حبك أحيانى
------------



وصلنا قبل كده ان بعد ما اصبح الكلام بين يوسف وملك يشكل يومي وكل ساعه تقريبا

بدات ملك تتغير فعلا من جواها ... وتحاول تتغيير للافضل وتاخد بايد نهي معاها


بدأت ملك تقرب اوووووي من ربنا ويوم بعد يوم بتندم على ايام من عمرها ضاعت وهي بعيده وتتدعي ربنا يكرمها الايام الجايه ومترجعش ابداااا للي كانت فيه..

كان يوسف ليه دور كبير بعد ربنا فى تغير نهى وملك ..كان ديما ينصح ملك ويعطيها شرايط وكتب دينيه ويبلغها ببرامج على التلفزيون تسمعها زى برامج الاستاذ مصطفى حسنى والدكتور عمرو خالد وغيرهم وغيرهم .. فبدات تتغير حياة ملك للأفضل


نهي :: ملك حببتي ...بجد ربنا يجزيكي خير
قد ايه انا مبسووووطه اني الحمد لله بتغيير وبفهم ديني اكتر واكتر
ولسه عادي فرش زي ما انا مش معقده ولا حاجه هههههه

ملك :: الحمد لله والله يانهي .... تعرفي
انا زعلانه من نفسي اوووووي

نهي :: ليه خير؟؟

ملك :: اصل بصراحه الاول كنت بقرب من ربنا عشان يوسف يحبني ويقرب مني
اعمل كذا عشان يوسف قال كده... اسمع كذا عشان يوسف بيسمع ده
وهكذااااااااااا
لكن الحمد لله يوم بعد يوم لما بقرب اكتر من ربنا بعرف ان كان لازم ده يحصل من زمان
مش تفضلااا مني ...استغفر الله .... لكن لان ده حق ربنا عليا
ويوسف مش المفروض يبقي حاجه غير انه وسيله قربتني من ربنا مش اكتر


نهي:: مش مهم ياملك كنا ايه الاول ...المهم اننا الحمد لله عرفنا غلطنا وبنبقي احسن كل يوم عن اللي بعده
ويوسف ربنا يجاااازه خير يااارب ... هو لولا الكتب والشرايط الجميله اللي ادهالك وادهالي كنا بقينا كده
ربنا يكرمه ياااارب


ملك :: يااااااااااااااااااارب ويكرمني بيه يااااارب


نهي :: هههههههه يااااااااااااااارب يكتبلكم اللي فيه الخير ديماا يااارب
صحيح ...لسه برضو مفيش جديد كده ؟؟


ملك :: والله يانهي لسه ... زي ما بقولك ساعات بحس من كلامه انه بيحبني زييي واكتر وساعات بحس اني ولا فارقه معاه
مش عارفه بجد انا هتجنن


نهي :: باذن الله خير ... اطمني ...ربنا يسهل ويكتبلك الخير
بس بصراحه ياملك انا عاوزه اقولك حاجه
ومكسوووفه بجد منك
يعني ازاي انتي اللي اخدتي بايدي وشدتيني لطريق ربنا ويوسف كمان هو السبب برضو
ازاي بعد كده اجي انا واعلق عليكم او اقولكم رايي ف حاجه ؟؟


ملك:: لا ياحببتي قولي اللي انتي عاوزه ... متتكسفيش
ها تقصدي ايه؟؟


نهي:: بصراحه ياملك ..انا مش مستريحه لوضعكم ده
لو تفكتري الشريط عن الحب اللي يوسف ادهولنا ف الجامعه
لما سمعته بيتكلم عن الحب والكلام من وجهة نظر الدين فى الحرمه والحلال

معلش سامحيني ...بس حسيت ان وضعكم كده مش صح
مقصدش حاجه والله حببتي ... بس انا عليكم يكون ده وضع شبهه


ملك :: اها تمام بس يانهي الكلام اللي بينا الحمد لله بمنتهي الاحترام والاخلاق
متقلقيش انا سمعت الشريط ده
ولو كنت حسيت ان ف حاجه غلط صدقيني كنت قفلت الموضوع من نفسي
اطمني يانهي دا يوسف انتي مش عارفاه ولا ايه ؟؟ !!!!أ
يعني قمة الالتزام والاحترام
اكيد هو لو حاسس بحاجه او عارف ان كلامنا ممكن يكون فيه شبهه زي ما بتقولي مكنش كلمني تاني


نهي:: الحمد لله حببتي ربنا يديم عليه نعمه
معلش والله انا بس كنت خايفه عليكي وعليه


ملك:: انا عارفه يانهي ...اطمني
ولا يهمك
المهم بجد
يوسف مش عاجبني اليومين دول

نهي:: ليه ماله خير؟؟

ملك:: طبعا عرفتي ان درجاته ف الميد تيرم مش حلوه خااااالص
وكل الدكاتره مستغربه
دا غير نشاطه اللي قل اوووي ف الاسره
وديما مش مركز وسرحان ع طوووول
مش عارفه ف ايه بجد؟


نهي:: اه انا سمعت برضو
خير ان شاء الله
ربنا يكرمه ياااااااارب
جايز يكون عنده مشكله او ظروف معينه
ربنا يعينه ان شاء الله ... متقلقيش اطمني


ملك:: ياااااااارب بجد يكون خير
ربنا يستر


وللاسف كان اللي وصل ملك عن يوسف صحيح
فعلا بقي مهمل اووووي ف دراسته ومستواه قل بشكل ملحووظ
نشاطاته واهتماماته حتي اصحابه مبقاش مهتم بكل ده
دا غير ان الشيطان قدر يضحك عليه ويقنعه بحاجات كان لايمكن يعملها قبل كده

بقي ليل نهار سرحان ومش مركز
ومش بيروق الا علي اغاني الحب والغرام ويتخيل معاها صورة ملك
ويرسم اجمل احلام بخياله لحياته معاها

كل ده جميل
بس نسي نصيحة صحبه احمد لما قله خلي بالك الحب مش لازم يتملكك ويخليك تيجي ع حق غيره

وده اللي حصل
يوسف مبقاش يقعد مع والده ووالدته زي الاول ... واهمل اخواته واصحابه
واهله وناسه وكل معارفه
مبقاش مهتم غير بملك ... ملك وبس

وفى بيت يوسف
______________

ام يوسف:: يوسف ياحبيبي
انا زعلانه منك
يوسف:: ليه بس ياست الكل

ام يوسف:: ست الكل ايه بس ... ما خلاااااص
انت ليه مبقتش تقعد معانا زي الاول
وباباك حاسس بتغيير منك وانا بحاول اقنعه انه غلطان
لكن فعلا انت مبقتش مركز معاانا خالص ولا مع خد خالص
فيك ايه ياحبيبي ...قلنا دا احنا سندك ف الدنيا دي ... لو فى مشكله محدش هيهتم بيك قدنا

يوسف:: لا لا ياام يوسف اطمني ياحببتي متقلقيش
مفيش مشكله ولا حاجه
انا بس مطحون ف المذاكره السنه دي مش عارف صعبه ورخمه كده ليه
ادعيلي انتي بس ياام يوسف وكل حاجه هتبقي تمام

ام يوسف:: ربنا يوفقك يااااااااااااارب ... والله بدعيلك امال هدعي لمين بس
بس برررضو مش داخله دماغي حكاية المذاكره دي ... ما انت طول عمرك بتذاكر وما شاء الله ديما الاول ايه اتغيير

يوسف:: يااااااااااااااااااااااااااااااااااااااااااااااااا اااااااااه حاجات كتتير اوووي اتغيرت كتيييييييييييير

ام يوسف:: ياااااه كل دي تنهيده ... مش بقولك فيك حاجه
انا امك واعرفك من عنيك
وبعدين تعالا هنا
ايه حكاية اغاني الحب والغرام اللي ليل نهار مشغلها مش عوايدك يعني
ايه بتحب يايوسف ولا ايه ههههههههه

يوسف:: ااااااااااااااه ياامي ... حطيتي ايديك على الجرح
بصراحه يعنى .. انا كنت هاحكيلك والله بس قولت استنى شوية على اما اشوف واتاكد انا عاوز ايه .


ام يوسف:: ايه ده ... دا شكله بجد
دا انا كنت بهزر
المهم المهم
احكيلي بسرررررررعه
مين هي ... وبنت مين ... وعرفتها امتي
اووعي تكون ناوي تفرح قلبي وتقولي ع اللي ف بالي


يوسف:: اللي ف بالك تقصدي مين ؟؟


ام يوسف:: ايمان بنت خالتك ... بنت زي القمر .. ادب واخلاق وجمال
وجوز خالتك بيحبك اوووي وهيفرح اوووي لو طلبتها
دا غير اني بحس كده من خالتك بتلميحات ان البنت مياله ليه


يوسف :: ايمان مين يااامي ؟!!!! ... لا طبعا مينفعش
ايمان دي اختي مش اكتر
انا بتكلم عن ملك
الملاك اللي دخل حياتي ومش عاوزه يطلع منها ابداااا


ام يوسف::ههههه طيب
ومين بقي ملك اللي قلبت كيانك وخلتك تقول شعر كده


يوسف:: هتعرفيها ياامي
لازم هتعرفيها قريب
اخلص بس من السنه دي
وع طووووووول نروح نخطبها
ونسافر الامارات عند خالي واشتغل هناك
ونجيب عيال كتيييييييييير يملوا علينا البيت
وابقي بابا ... وانتي تبقي تيته ... وبابا جدوه
وتبقي حياتنا كلها سعاده ووووو


ام يوسف:: ههههه اهدي اهدي
كل ده
دا انت مخطط لكل حاجه
ربنا يسعدك يابني ياااارب
المهم سيبك من ملك دلوقتي وركز ف مذاكرتك
ولما تيجي الاجازه يحلها ربنا

يوسف:: حااااااااااااااااضر هتبقي احلي اجازه ف الدنيا

المشكله ان وسط كل ده
يوسف فعلا بيتغير
بس مش زي ملك
لا بيتغيير للاسف
غير سرحانه وعدم تركيزه
وغير اهماله لاهله واصحابه
بطل حتي يروح جلسة المسجد
والصلاه عنده شويه ف المسجد وشويه ف البيت وشويه ينسي يصلي اصلااا
طول النهار اغاني حب وغرام
نسي شكل المصحف اللي مكنش بيفارقه

طول النهار مش بيفكر الا ف ملك ... ملك وبس
يحلم بيها ويتخيلها
يحلم انه بيمسك ايدها ... يحلم انه بيكلمها كلام ف الحب
يحلم ويحلم ويحلم .... بس احلام مش من حقه

اللى بيحصل ليوسف نتيجة طبيعية لتتغير المفاجأ اللى حصله ..لانه كان عايش حياة تانية خالص .. كان كلها قرب من ربنا وانشغال فى دراسته ومستقبله ونشاطاته .. وفجأه صحى بركان المشاعر اللى جواه .. لكن صحى فى الوقت المناسب ولا لأ .. اما ملك فكان التغير بالنسبة ليها طريق جديد وشعاع امل .. كانت عطشانة بجد للالتزام ومن قربها من ربنا ومن حياة الطاعه
....................
ياتري يوسف هيفوق من اللي هو فيه
ولسه برضو هيفضل الوضع بين ملك ويوسف زي ما هوه


دا اللي هنعرفه المره الجايه
اوووووووعي متستنوناااااااااااش

الحلقة الجاية رومانسية 100%
هتعجبكوا اوووووووووى


الحلقه السادسه ..... مسلسل حبك أحيانى
-------------



اتكلمنا الحلقه اللي فاتت عن التغيير اللي حصل لملك ويوسف
وطبعاااااااااااااا ما زال الكلام بينهم مستمر
والقرب بينهم بيذيد يوم بعد يوم

ترن ترن ترررررن ((موبايل ملك بيرن))ا

يوسف:: السلام عليكم
ازيك ياملك
ايه الاخبار؟


ملك:: وعليكم السلام
الحمد لله بخير
ازيك انت يايوسف؟
عامل ايه
يوسف:: الحمد لله ...والله كنت مخنوق اووووي من شويه ومدايق
بس اكيد اني دلوقتي احسن
كفايه اني سمعت صوتك :)

ملك:: ههههههه الله يكرمك ياااارب كلك زوق

يوسف:: والله بتكلم جد ... شكلك مش عارفه غلاوتك عندي

ملك:: بجد يايوسف؟ ... انت بتتكلم جد؟؟


يوسف:: ااااااااااه والله بجد ... لو تعرفي معزتك عندي شكلها ايه مش هتسألي السؤال ده

ملك:: وانت والله كمان وربنا يعلم
كفايه انك اخدت بايدي لطريق ربنا وبقيت احسن واحسن بكتييييييييير من ساعت ما عرفتك

((طبعا هنا يوسف حس بالذنب وافتكر انه حتي لو هو خد بايدها وقربها من ربنا..فهمو اكيد سمح للشيطان ياخد بايده ويبعده عن ربنا ))
(لكن الشيطان مش هيسيبه يعيش لحظة الندم دي )

الشيطان ::يوووووووووه انت يابني انت
هتفضل كده لغاية امتي ....الشهور عماله تعدي وانت زي ما انت
انت لازم تعرف شعورها دلوقتي من ناحيتك

يوسف:: لا لا مش هينفع ... اخاف تزعل او تدايق وتسبني

الشيطان :: تدايق من اييه ؟؟ هو في حد بيدايق من الحب
وبعدين انت يعني هتقولها كلام وحش يعني
لا لا ابداااااااااا دا انت محترم هتقولها بس .. بحبك ..كلمه واحده بس

وافرض بقي اتكسفت ومقولتش ... الله اعلم بقي جايز حد يتقدملها وهي توافق

وتروح من ايدك ياخفيف .. وتفضل ندماااااان باقي عمرك
انت حر ياعم ... انا عاوز مصلحتك بس
يابني اجمد ويلا قولها هي كلمه واحده بس ... بحبك ... يلا قووووووول

يوسف :: احم .... ملك انا عاوز اقولك حاجه
وخايف تدايقي

ملك:: لا ابدااااا متقولش كده ... انا مش بدايق منك خااالص
قول اللي انت عاوزه
اتفضل

يوسف:: ملك انتي حاسه زي ما انا حاسس ؟؟
انتي بتعزيني زي ما بعزك ؟؟؟؟؟

ملك:: اه طبعاااا يايوسف .. وجايز اكتر منك وربنا يعلم
ربنا يكرمك ياااااااااارب

يوسف:: يااااااااارب بجد ...ياااااااارب يكرمني
يكرمني بيكي
ملك انا مش هكدب عليكي ولا هخبي اكتر من كده
ملك انا بحبك ... بس مش زي اختي
بحبك
فهماني

((وبعد صمت اكتر من 10 دقايق))..

يوسف:: ملك .. انتي رحتي فين؟؟ معايا

ملك:: احم ايوه معاك ... بس مش لقيه كلام اقوله

يوسف:: مش عاوز منك حاجه
اكتر من انك تقوليلي حقيقة شعورك ناحيتي
وسيبي الباقي عليا
بجد يهمني اووووي اعرف

ملك::احم .. طيب
بصراحه يايوسف مش عارفه اقولك ايه
بس تقريبا يعني ... احم ... وانا كمان كده

يوسف:: وانتي كمان ايه ؟؟


ملك:: وانا كمان كده ... كده بقي يايوسف :) :) :) أ

يوسف:: احلي كده ف الدنيا :)))))أ
ربنا يخليكي ليا ومش يحرمني منك ابدااااااااااا
ويجمعنا ع الخير قريب يااااااااااارب

ملك:: يااااااااااارب يايوسف ... بس ازاي ؟؟ قولي بقي

يوسف:: بصي ياستي ....انا عاوزك تعرفي
اني مستعد اهد الدنيا عشان تبقي معايا لاخر العمر
وكلها شهرين ونتخرج انا وانتي
واول ما اعرف النتيحه هاجي انا واهلي ونطلبك
واحنا الحمد لله تقريبا جاهزين
ونتجوز بقييييييييييي
:))))

ونسافر ع الامارات ..خالي مهندس هناك
وقالي هيجبلي منصب كويس ف الشركه عنده
وانتي عارفه المهندسين مطلوبين قد ايه هناك


ملك:: ههههه اهدي اهدي .. استني شويه
ايه الاحلام دي كلها
هههههه ربنا يسعدك يااارب ان شاء الله

المهم بجد سيبك من كل ده انا سمعت انك مش بتسلم المشاريع المطلوبه ومش مهتم بالدراسه
ليه كده بجد يايوسف؟؟

يوسف:: معلش والله انا فعلا مقصر اوووووي ف حاجات كتير مش الدراسه بس
اوعدك اتغيير وارجع يوسف بتاع زمان واحسن كمان
المهم انتي تبقي جمبي .... ماشي يا حببتي ؟


ملك::احم .. حببتك ؟؟
الله بجد حلوه اووووي الكلمه دي
ربنا يخليك ليه يااااااااارب
ادام الموضوع وصل لحببتك يبقي لازم اقفل بقي كده اكلام كبر اوووي
هههههه ونكمل بعدين

يوسف:: هههههههه ماشي...نكمل بعدين
خدي بالك مني

ملك:: اخد بالك منك ؟؟ تيجي ازاي دي ؟؟

يوسف:: يعني تاخدي بالك من نفسك ... ساعتها هتبقي خدتي بالك مني :))) أ
مع السلامه

ملك:: مع السلامه :) :) أ


ومع قفلة التلفون اتاكد كل واحد ان التاني بيبادله نفس الشعور وجايز اكتر

وتملكت يوسف وملك حاله من الفرحه العجيبه يمكن عمرهم ما حسوها قبل كده
بدا كل واحد يرسم بخياله صوره لمستقبلهم مه بعض
كان جوا كل قلب منهم حد نفسه يصرخ ويقول لكل العالم
انه عاوز يرتبط بارق انسان او ارق انسانة فى الوجود
......................

وكفايه كده بقي ... بعد حلقة الرومانسية النهارده دى ... ههههههه.. ونشوف بكره هيحصل ايه

استنووووووووووووونا

____________________________



الحلقه السابعه ... مسلسل حبك أحيانى
----------





وصلنا المره اللي فاتت لما يوسف اعترف لملك بحبه وتاكد من شعورها المتبادل ناحيته
وعاشوا الاتنين اجمل لحظات ممكن يعيشوها
لما الحبيب يكتشف ان حبيبه بيحبه زيه وجايز اكتر



وبدأ الكلام بين يوسف وملك يزيد يوم بعد يوم
لكن المره دي مش عشان الاسره والجامعه
لكن عشان الحب اللي جمعهم والاسره اللي بيتمنوا يجي يوم وتجمعهم
*_^


يوسف :: السلام عليكم ...ازيك ياملك ..عامله ايه ؟؟
طمنيني بسرررررعه

ملك :: :) وعليكم السلام ... اهدي اهدي
اطمن انا احمد لله بخير


يوسف:: بخير ازاي امال مجتيش النهارده الجامعه ليه ؟؟
في حاجه ؟؟؟

ملك :: لا لا والله ما في حاجه .... معلش والله ...اصل امي كانت عاوزاني انزل معاها نشتري شوية حاجات
سامحني بجد معرفتش اكلمك اقولك

يوسف:: خلاص اوكي ... مفيش مشكله ولا يهمك
بس بعد كده عشان خاطري ابقي طمنيني عشان مقلقش


ملك:: انتي خفت عليا بجد يايوسف؟؟

يوسف
:: خفت ؟؟!!! حرااااااااااام عليكي انا معرفتش اركز ما سالت نهي وقالتي انك مجتيش النهارده
كنت خايف يكون حصل حاجه وخصوصا لما كلمتك ومرتيش



ملك
:: ربنا يخليك ليا ومش يحرمني منك ابدااااا يارب
معلش والله اصل امي كانت جمبي طول الوقت ومكنتش عارفه ارد
معلش بقي


(( وسكتت ملك ))



يوسف:: ايه مالك ؟؟ سكتي ليه ؟ حصل حاجه ؟؟


ملك:: لا ابدا
بس كويس انك فتحت الموضوع


يوسف
:: ملك ... موضوع ايه
ومالك متلخبطه كده ليه ... قلقتيني فيه ايه؟؟


ملك:: بصراحه يايوسف
انت النهارده لما كلمتني وامي كانت جمبي معرفتش ارد عليك
بعدها اقعدت افكر ... معقول العلاقه بينا كده
بقت عادي زي كل الشباب والبنات ...اللي المفروض بنقول عليهم ع طول انهم كده غلط
وقولت ف بالي طب ليه انا خايفه ارد !! اكيد لاني بعمل حاجه غلط


يوسف .... ممكن ترد عليا انا هتجنن


يوسف:: انا اسف ياملك ... بجد اسف اني حطيتك ف الموقف ده
انا مش عارف اقولك ايه
صعب اقولك دلوقتي خلاص نسيب بعض او ابطل اكلمك
انتي مش متخيله ممكن يحصلي ايه
والله ياملك انا بحبك ... ومش بفكر او حتي اتخيل اني ممكن اضحك عليكي او العب بمشاعرك
بس عشان خاطري استحمليني ...لو سبتيني بجد مش هعرف اعمل حاجه ف حياتي
ارجوكي ياملك بلاش تسيبني
انا عمري ما اتحطيت ف الموقف ده ولا كنت متخيل اني اتحط فيه
بس اللي حصل بقي .... والله عمري ما كنت ضعيف كده
بس والله مش هقدر
ملك ارجوكي بلاش تسيبيني


ملك:: يوسف... اهدي يايوسف ...فيه ايه
انا اسفه والله بجد ...انا بس حبيت اشاركك احساسي مش اكتر
انا عارفه انك مش بتلعب بيا ولا بتتسلي زي ما بتقول
مش عارفه اقولك ايه بجد اسفه ...اسفه اوووي يايوسف


يوسف:: متتاسفيش ياملك ..انا اللي اسف وبأذن الله كلها شهرين واخلص
واوعدك حتي مش هستني النتيجه وهاجي ع طول ع البيت اطمني


ملك
:: انا مطمنه يايوسف
ربنا يخليك ليا يارب ويجمعنا ع الخير قرييييييييب يارب


يوسف:: يااااااااااااااااااااااااااااااااارب
ملك بعد اذنك ...انا اسف ف اللي هطلبه
بس ارجوووكي توافقي
لازم بكره نقعد مع بعض شويه بعد المحاضرات ....ان شاالله ف الكافيتريا
مش هقولك نخرج بره لاني مش هرضالك ده اصلا
ارجوووكي معلش هقولك حاجه مهمه


ملك:: نقعد مع بعض ؟؟ امممممممم
اصل .....امممممم
احم ... طيب يايوسف
خلاص ماشي ان شاء الله
بس مش كتير ربع ساعه بالكتير ماشي


يوسف:: ماشي حببتي مش هاخرك
ربنا يخليكي ليا ياعمري ومايحرمنيش منك ابدااااا يارب


ملك:: :)))))) ويخليك ليا يااااااااارب
سلام بقي دلوقتي


يوسف:: :) مع الف سلامه


(وبكررررررررررره جه)
__________________

وملك يوسف قعدوا ف الكافيتريا بعد المحاضرات



يوسف:: الله ....انا مبسووووووووط اوي انك واقفتي
ربنا ما يحرمني منك ابدا


ملك:: احم احم ...خلاص مفيش مشكله
بس يلا بقي بسرعه قول عاوز ايه عشان هي ربع ساعه بجد :))أ



يوسف:: هههههههه حاضر ياستي مش هطول عليكي
مش عارف اقولك ايه ...كان جوايا كلام كتير اوووي ليكي ...بس مش عارف ليه نسيت
طب استني هوريكي حاجه ع الاب توب


وفتح الاااااب


ملك:: هتوريني ايه بس ؟؟يلا انا اتاخرت


يوسف::استني بس هوريكي والله حاجه مهمه

(وهو بيفتح الاب لمحت ملك اسمها خلفيه للجهاز عنده )


ملك:: احم ههههههه انت حاطط الخلفيه اسمي؟؟


يوسف:: ايه ؟؟ امممممم اصل يعني
لا لا بنت عمي الصغيره اسمها ملك برضو
وانا بحبها اوووووووي

امممممم او يمكن مكنتش بحبها بس بقيت احبها اووووي
يووووه بقي ياملك استني ما تلخبطنيش :))))أ


بصي ياستي ... دي صورتي مع عيلتي
دا بابا اللي واقف ع الشمال ده ... والقمر دي بقي حببتي امي بموووووووت فيها طبعا ههههههه
ودي مني اختي الكبيره ... ا
استني الصوره دي بقي فيها مني وجوزها محمود وولادهم احمد وكريم ..عيال بجد زي العسل بحبهم اووووي

الصوره دي بقي فيها خالد اخويا الصغير بحبه اوووي برضو
والله لما تعرفيهم كلهم هتحبيهم اوووي
دول بصراحه اكتر صور عرفت اجيبها


بس هوريكي ان شاء الله باقي العيله واعمامي وخلاني وقرايبي كلهم

وع فكره انا الحمد لله بابا مجهزلي شقه من زمان ... محتاجه تتوضب بس وتبقي جاهزه ع طووول
دا غير ان خالي زي ما قلتلك قبل كده شغال ف شركه كويسه ف الامارات وواعدني بمكان هناك ان شاء الله



ملك:: يوسف ... ممكن اعرف انت بتوريني الصور دي كلها ليه ؟؟ وبتقول الكلام ده كله ليه دلوقتي انا مش فاهمه


يوسف:: بصراحه ياملك ... عشان احسسك بالامان
واعرفك اني والله مش بلعب بيكي وعاوز ارتبط بيكي بجد


ملك انتي ادايقتي ليه دلوقتي ...انا قلت هتبقي مبسوطه



ملك:: طبعا لازم ادايق ...لما الاقيك كل شويه تقعد تقول انا مبلعبش بيكي انا مش بتسلي
يايوسف والله انا عارفه ومصدقاك
تفتكر انا لو عندي شك ... كنت كملت معاك
حرام عليك بقي ... والله مصدقاك مصدقاك اعملك ايه عشان تصدق



يوسف:: والله ماقصدت انى ادايقك انا قلت بس بحاول اطمنك
انا والله ما عارف فيا ايه
عمري ما كنت بالضعف ده
ومش عارف جرالي ايه
كل حاجه في حياتي اتغيرت
وللاسف للأسوء ...بس طبعا ما عدا انتي
انتي اجمل حاجه حصلتلي الفتره دي
بس بجد نفسي ارجع يوسف بتاع زمان
ااااااااااه لو تعرفي انا كنت ايه وبقيت ايه

الحمد لله ربنا ساترها معايا ومعتقدش ناس كتير ملاحظه الفرق
لكن انا من جوايا مش راضي عن نفسي
ادعيلي ياملك
ادعيلي بجد ارجع يوسف بتاع زمان


ملك::هترجع ان شاء الله
هترجع يوسف بتاع زمان واحسن باذن الله
بس انت حاول ومتسبش نفسك لليأس ده وربنا كبييييييييير


يوسف
:: ونعم بالله ... ياااااااارب
بس انتي خليكى جنبى بس وشجعينى .. وان شاء الله هحاول اعوض اللى فاتنى واكون الصورة الجميلة اللى كلكم بتتمنوها فى يوسف


ملك
:: حاضر يايوسف
بس بالله عليك بلاش طريقة الياس اللي ف كلامك دي عشان بجد بتخوفني اوووي
وباذن الله ربنا مش هيجيب فراق ابدااا يارب


يلا هقوم بقي اصلي اتأخرت

وفجأه!!!

نهي :: ازيك ياملك



ملك::ننننهي ؟؟ اممم ازيك يانهي عامله ايه
انتي هنا من بدري
اصلي....
اصل يعني كنت قابلت البشمهندس يوسف بالصدفه وكنت بقوله شوية حاجات كده عشان الاسره والنظام ف الجامعه
انتي عارفه بقي الامتحانات قربت وكده


نهي:: اهااااا الاسره
ما انا خدت بالي


ملك:: تقصدي ايه يعني باهااااااا واخدت بالي
عايزه تقولي ايه يانهي؟؟؟


وفجأه قالت نهى لملك كلام .. كان صدمة لملك من اقرب انسانة ليها ..؟؟

تفتكرو ايه؟؟؟
..........................


بس كده
خلصت الحلقه
ونكمل المره الجايه
ونشوف نهي هتقول ايه لملك وكانت تقصد ايه


استنوناااااااااااااااااا



الحلقه الثامنه...مسلسل حبك احيانى
-------------







وصلنا المره اللي فاتت عند المشهد ده


نهي :: ازيك ياملك

ملك:: نهي ؟؟ امم ازيك يانهي عامله ايه
انتي هنا من بدري
اصلي....أ
اصل يعني كنت قابلت البشمهندس يوسف بالصدفه وكنت بقوله شوية حاجات كده عشان الاسره والنظام ف الجامعه
انتي عارفه بقي الامتحانات قربت وكده


نهي:: اهااااا الاسره
ما انا خدت بالي


ملك
:: تقصدي ايه يعني باهااااااا واخدت بالي
عايزه تقولي ايه يانهي؟؟؟


نهي:: لا ابدا مفيش
هبقي اقولك بعدين


ملك:: يعني ايه بعدين ...قولي يانهي دلوقتي لو سمحتي

نهي:: اهدي بس مفيش حاجه اطمني
هقولك ان شاء الله النهارده ...اصل ناويه استأذن امي واجيلك النهارده البيت
ممكن ولا مش هتبقي فاضيه ؟؟

ملك:: لا طبعا تنوري ... هستناكي



ومشيت ملك والقلق ماليها ...مش عارفه ايه المقصود من تلميحات نهي ونظراتها
ياتري اخدت بالها من اللي بيني وبين يوسف؟؟؟
ياتري ناويه تقولي ايه ؟؟
ياتري لو فعلا اخدت بالها هتعمل ايه ... هتقول لامي ؟؟
يااااااااااااااااااه وصلت اني ابقي مرعوبه اوووي كده
الله يسامحك يايوسف
بس يوسف ذنبه ايه ؟؟
هي الظروف حكمت علينا

الله يسامحك يانهي ...ا
استرررررررررررر يارب

----------------------

(وجه الليل ووصلت نهي لزيارة ملك )


نهي:: السلام عليكم ... ازيك ياطنط اخبارك ايه
ملك موجوده؟؟

ام ملك:: ازيك ياحببتي اخبارك ايه .... ابقي سلميلي ع مامتك كتيييييييير
اه حببتي ملك جوه ف اوضتها ادخللها معرفش البت دي مالها اليومين دول



نهي:: معلش ياطنط الامتحانات بقي والله عامله فينا اكتر من كده
عن اذنك هدخلها


تك تك تك

نهي:: انا نهي ياملك ادخل ؟؟

ملك:: اه طبعااا ادخلي يانهي
ازيك ياحببتي اخبارك ايه ... وحشتيني بجد
ها قولي بقي كنتي عاوزاني ف ايه



نهي::ههههههه ايه يابنتي
دا انتي لسه مشربتنين حاجه يابخيله
اهدي بس براحه عليا
وعموما انا مش هتعب اعصابك اكتر من كده لاني متاكده انك فهمتي قصدي
وللاسف واضح ان مش انا الوحيده اللي لاحظت التغيير ده ... دي مامتك كمان

ملك
:: تقصدي ايه ؟؟؟


نهي:: انتي اول مره تخبي عليا يانهي ... دا احنا كنا سر بعض ايه اللي حصل
ايه بقيتي خايفه مني ؟؟ ولا ايه بجد مش فاهمه

عموما انا هقولك
انا طبعا ملاحظه انك بطلتلي تجبيلي سيرة يوسف خااااالص
بصراحه انا فرحت وقولت يبقي هديتي وبطلتي تفكري فيه
وانتبهتي لدروسك وامتحاناتك

لكن الظاهر اني كنت غلطانه
ملك انا النهارده اتفاجأت بالمنظر لما شفتك قاعده معاه ف الكفيتريا بجد كنت هتجنن


ملك:: نهي .. منظر ايه ؟؟ حاسبي ع كلامك
وبعدين انا قلتلك اني كنت قاعده معاه بنتكلم ف حاجات تبع الاسره وكده


نهي:: والله ؟؟ انتي مصدقه نفسك ولا ايه ؟؟
ايه ياملك للدرجه دي... لدرجة انه يخليكي تكدبي
ومن امتي ف ولد ف الاسره بيقعد مع بنت ؟؟ وبعدين يكلمك انتي بصفتك ايه؟؟
مش دي الاسره اللي قلتي ان اكتر حاجه كويسه فيهم ان مفيش اختلاط زي باقي الاسر ...ازاي بقي اللي بيحصل ده
بجد الله يسامحه يوسف.... بقي كان بيضحك علينا ومفهمنا انه كويس
وف الاخر يطلع بيعمل حركات عشان يتسلي مش اكتر
والله انا هروح بكره اشتكيه لرئيس الاسره عشان ده مش اسلوب خالص



ملك:: انتي بتقولي ايه ؟؟
هو ايه اللي بيضحك عليا ...يوسف مش بتاع الكلام ده
وبعدين انا اعرف افرق كويس لو تفتكري
وايه حكاية تروحي تشتكيه دي انتي حصلك حاجه اكيد
نهي الله يخليكي متكبريش الموضوع
والله اول مره اقعد معاه وبعدين كنا ف كافيتريا الجامعه عادي
وعموما والله والله هتبقي اخر مره

انا هقولك كل حاجه بس اوعديني متكبريش الموضوع



نهي: اتفضلي ياستي انا سامعاكي




وحكت ملك لنهي كل حاجه
والكلام وصل بينهم لفين
ووسط زهول ونظرات استغراب نهي
ردت وقالت




نهي:: انتي بجد بتهرجي؟؟ يعني بعد كل اللي حصل ده ولسه عاوزه تكملي
ملك متستهبليش
انا عارفه ان زي ما بيقولوا مراية الحب عاميه
وعارفه ومتأكده ان انتوا الاتنين بتحبوا بعض
بس الاسلوب ده مينفعش ع الاقل الفتره دي
لازم توفقوا كلام وكلها شهرين ونخلص ويجي يتقدملك وساعتها قولي اللي انتي عاوزاه
مش هو ده اللي اتعلمناه معاهم؟؟؟ !!!!أ
مش ده الكلام اللي كان ف الكتب اللي ادهالنا ؟؟ !!!.أ
ولا هو كلام بس
انا مستغربه هو ازاي وصل الوضع لكده .... بس هحاول التمسله عذر واقول انه عشان بيحب ومراية الحب عاميه والكلام ده
لكن بجد لازم تفوووووووووقوه بقي انتوا الاتنين

ولو هو مش قادر زي ما بيقولك
يبقي انتي اللي لازم تخدي الخطوه دي وبسرررررررررررررعه



ملك:: تقصدي ايه ؟؟ عاوزاني اعمل ايه؟؟



نهي:: تعملي الصح ياملك واللي يرضي ربنا
عشان لو فيه خير ربنا يكتبكم لبعض ولو مفيش يبقي تخلصي بقي
ملك بجد معلش سامحيني لو مااتصلتيش بيه دلوقتي وقولتيله الكلام ده قدامي
انا اسفه اوووووي بس حقك عليا كأخت يخليني اروح اشتكيه لرئيس الاسره ومعلش سامحيني




ملك:: نهي ... نهي ارجوكي حرام عليكي ...انتي بتموتيني بكلامك ده
انا عارفه اننا غلطنا بس والله يوسف كويس ومتحترم مش زي ما انتي متخيله
اوعدك اني هوقف كلام معاه بس مش هجيبها واحده واحده عشان مجرحوش



نهي:: تجرحيه ايه ؟؟ ايه جو الافلام العربي اللي انتو فيه ده
معلش ياملك انا اسفه
ها هتكلميه ولا امشي



ملك:: اس.. استني
هكلمه
...





ملك:: السلام عليكم ... ازيك يابشمهندس
ممكن اقولك حاجه



يوسف:: وعليكم السلام .. والله كنتي لسه ف بالي
ايه بشمهندس دي ههههههه ماشي هعديها
اه طبعاااا قولي انتي بتستأذني !!!أ
يلا قولي انا سامعك



ملك:: يوسف بعد اذنك امسح رقمي من عندك
وياريت بعد اذنك متتصلش بيا تاني ارجوك



يوسف:: ملك انتي بتقولي ايه ؟؟ لا طبعا مش هينفع
ملك بالله عليكي انا عارف انك زعلتي عشان موضوع اننا نقعد ف الكافيتريا وكده
بس والله والله والله اوعدك مش هتتكرر والله ما هطلب الطلب ده تاني
بس خليكي جمبي بالله عليكي انا محتاجك اوووووووي



ملك:: لو سمحت يايوسف
انا متاسفه اوووووي ... دا ف مصلحتنا ع فكره
ع الاقل هنتاكد من حقيقة مشاعرنا
ولو فيه خير ربنا هيجمعنا عليه... ولو مفيش يبقي نبعد بهدوء


يوسف:: ملك انتي بتقولي ايه ؟؟ نتأكد من ايه بس؟؟
انا متأكد لاني استحاله وعمري ما كنت ضعيف قدام حد كده
حرام عليكي بجد انتي ليه بتعملي كده
عشان عرفتك انك نقطة ضعفي


(وطبعا مع وجود نهي جمب ملك بتنصحها النصايح العشره )


ملك:: لو سمحت يايوسف بطل كلامك ده بعد اذنك
الاسلوب ده مينفعش
انت فاكرني ايه ...انا بنت محترمه ع فكره
ومش مستعده اعمل حاجه من ورا اهلي



يوسف:: انتي اللي بتقولي ايه ؟؟ ما انا عارف انك محترمه
ايه الكلام ده ياملك
للدرجه دي انا مليش قيمه عندك


ملك (بعد ما نهي وشوشتها اللي هتقوله ):: لو سمحت بلاش الاسلوب ده ... وايه صوتك الغريب ده ايه هتعيط ولا ايه
استرجل يابشمهندس بلاش شغل العيال ده
ولو شايف ان كده يبقي ملكش قيمه عندي
يبقي افهمها زي ما تفهمها
ع الاقل بفكرك اني ليا قيمه عند نفسي



يوسف:: يااااااااااااه كل ده ياملك
انا مش مصدق نفسي
انتي اتغيرتي اوووووي
وايه استرجل دي ؟؟ للدرجه دي
انا بجد متأسف اووووي اني بينتلك ف يوم ضعفي
ومتأسف اكتر اني قلتلك كلمه مش من حقك اكيييييييييد
ومتأسف اكتر واكتر اني فكرت فيكي ف يوم كشريكة حياتي
اللي مش ممكن ابداااااااااا تكوني هيا
واضح اني اتخدعت ف الملاك البرئ اللي كنتي لابسه قناعه
انا بجد متأسف ليكي ولنفسي

واوعدك مش هتشوفي رقمي تاني ومش هزعجك تاني
وتأكدي ياملك لو كنتي اخر واحده ف الدنيا مش هفكر ارتبط بيكي لحظه واحده بعد كل ده


نهي علي لسان ملك .....أ
ملك:: اهااااااا ما ده اللي كنت متوقعاه منك
عموما متشكرين لحضرتك
وانا كمان اسفه
مع السلامه




.................
حلقه صعبه اوووي مش كده
استنونا بكره بقي نشوف هيحصل ايه


الحلقه التاسعه .... مسلسل حبك أحيانى
-----------





بعد ما قفل يوسف مع ملك
وقال كل واحد فيهم للتاني انه ندم ع الايام اللي فاتت وان صعب يكمل مع التاني


نهي :: ملك ممكن تهدي بقي شويه
ايه لزمة العياط ده كله .. حصل


ملك:: حصل ايه ؟؟!!! لا محصلش حاجه يانهي
اللي بجد مستغرباله
انتي من امتي بتتكلمي باسم الدين وحلال وحرام كده
ايه الجديد يعني ؟
وبعدين انا الحمد لله مكنتش بعمل حاجه غلط


نهي:: للاسف ياملك دا مش جديد
انتي بس اللي الفتره اللي فاتت مكنتيش مركزه ف حاجه
ولا اخدتي بالك اني اتغيرت والحمد لله كليا وجزئيا
بقيت حد تاني ..دا انتي حتي مااخدتيش بالك ان كل حاجه اتغيرت
لبسي وكلامي واسلوبي حتي الكتب الشرايط اللي بسمعها كله اتغير
بس هعزرك انك مااخدتيش بالك مكنتيش فاضيه

اللي بجد مقدرش انكره ان يوسف كان السبب ف كل حاجه جميله بتحصلي اليومين دول
هو اللي حطنا علي اول الطريق
بس للاسف شكله دلنا ع الطريق وتاهه هو
ربنا يهديه


ملك:: انتي بتتكلمي عليه كده ليه
انا عارفه ان احنا غلطنا
بس يوسف والله لسه حد كويس جدااااااااا
حتي كان لسه بيشتكيلي من تقصيره وكان ناوي يتغير فعلا
حرااااااااااااااام عليكي
ليه عملتي كده
ليه اجبرتيني اني احسسه انه ولا حاجه عندي
وهو ف الحقيقه كل حاجه
بقي توصل يانهي انك تهدديني وتقولي لو معملتيش كده اروح اشتكيه
للاسف لو تعرف يوسف بجد عمرك ما هتفكري فيه بالشكل ده

حرااااااااااااااااااااااااااااااااااااام
بجد اللي بيحصل
ليه لييييه كده


نهي::لسه برضو بتسألي
انتي متاكده انك عملتي اللي ف مصلحتك
بلاش بقي الكلام اللي ملوش لزمه ده
بكره هتندمي ع ندمك ده وجايز كمان تشكريني

وعموما ياملك لو عاوزه تكلميه تاني اتفضلي واعتذريله كمان واعملي اللي ف دماغك


ملك:: انتي بتهزري ؟!!!ا
عاوزاني كمان اقوله معلش كنت بلعب بيك
اصلك مش فارق معايا
شويه اقولك نفسي اكمل معاك عمري
وشويه اقولك معلش مش هينفع
انتي متخيله ايه ؟؟


نهي:: يبقي خلاص بقي ... والله انا فهماكي ومقدره اللي انتي فيه
بس هيه تجربه وهتعدي
المهم انتي تهدي دلوقتي وتحاولي بقي تركزي ف دراستك اللي اهملتيها دي
الامتحانات ع الابواب


ملك:: ههههه للاسف واضح جدااا انك فاهمه ومقدره
نهي بعد اذنك ممكن تسبيني دلوقتي
انا تعابنه اووووي ومش قادره اتكلم ممكن ؟؟


نهي:: اوكي ياملك زي ما تحبي مش هضغط عليكي
وربنا يهديكي ويهديه
المهم ابقي طمنيني عليكي بكره
يلا سلاااام


ومشيت نهي
وسابت ملك جواها بركااااااان نفسه يثور
نفسه يصرخ
هو الحب حراام ياناس والله مش حرام ليه تحرموه عليا ليييييه


وفتحت الشباك
تبص للسما وتشتكي للقمر اللي منور فوق
مكنتش تعرف ان يوسف كمان واقف ف الشباك بيبص لنفس القمر ويشتكيله



ملك:: بقي كده يايوسف هنت عليك تقولي
ان الكلمه دي مكنتش من حقي
وعمري ما هبقي شريكة حياتك
ياااااااااااه يايوسف وقدرت
كان نفسي تفهم انه كان غصب عني
وان اكيد ف ظروف اضطرتني لكده
بس ع فكره انا مسامحاك


يوسف:: معلش ياملك ياحببتي
سامحيني ف اللي قلته
انا مش عارف قلت كده ازاي
بس انتي بجد كنتي قاسيه اوووي عليا
انا مستاهلش منك كده
بقي بعد الحب ده كله تقوليلي الكلام ده
ليه ياملك ليييييييييييه
بس انا برضو هعذرك انتي اكيد خايفه ع نفسك وده حقك
وبرضو ياملك هتفضلي حببتي وروحي اللي بدعي ربنا ليل نهار تبقي نصيبي يااااارب
مسامحك ياملك ف كل حاجه


وطبعا الليله دي مقدرش يوسف وملك يناموا
يناموا ازاي وقولبهم مش معاهم ... تايهه وسط حاجات كتييير مش عارفه توصل لحد فيهم
كل واحد فيهم نفسه يصحي يلاقي نفسه كان بيحلم
وان كل ده محصلش
لكن للاسف كان واقع


..........

تاني يوم ف الجامعه
يوسف قرر يدور ع ملك ف كل حته عشان يعتزرلها
ويعرفها انه مكنش ابداااا يقصد اي حرف من اللي قاله
وانه مش هيقدر يكمل عمره مع حد تاني

بس للاسف دور في كل مكان وملك مش موجوده
بس نهي موجوده ولوحدها
اتردد كتيييييييير اوووي قبل ما يروح يكلم نهي
لكن قرر ف اللحظه الاخيره يروح
ويحصل اللي يحصل


يوسف:: السلام عليكم ... ازيك يابشمهندسه نهي
يارب تكوني بخير


نهي:: وعليكم السلام ...ألحمد لله بخير ... شكرا ع السؤال يابشمهندس
خير ؟؟؟ اي خدمه


يوسف:: لا ابدا خير ان شاء الله
كنت بس هسألك ...هي البشمهندسه ملك فين ؟؟أصلي لاحظت انها مجاتش النهارده رغم ان المحاضرات النهارده مهمه
خير
ياتري تعبانه ولا حاجه ؟؟ عشان يعني نعمل الواجب


نهي:: الله يكرمك يابشمهندس
هي بخير الحمد لله ... بس كانت مرهقه امبارح فتقريبا قالت ترتاح شويه

وهنا جات ف دماغ نهي فكره تخيلت انها بكده بتخدم وبتنقذ صحبتهاوتخلصها من النزوه اللي هي فيها "دا ف اعتقادها طبعا "))ا))

وقاااااااااالت


اصل يابشمهندس عقبالك ان شاء الله ابن عمها متقدملها حد محترم جدااا دكتور هنا معانا ف كلية طب واواهلها موافقين الحمد لله
ربنا يتمملها بخير
فتلاقيها بقي مرهقه من التجهيزات وكده عشان تقريبا ناويين يحصل حاجه ف الاجازه

(للاسف نهي مكدبتش فعلا ابن عم ملك اتقدملها واهلها موافقين لكن ملك عرفتها ان مستحيل
ترتبط بيه لانها حاسه ان هو زي اخوها بالظبط.... نهي اه مكدبتش لكن للاسف استخدمت الكلام غلط )




وخلصت نهي كلامها واستأذنت ومشيت
وهي متصوره انها بتبعده عن ملك عشان مصلحتها
وان اللي بينهم دا مجرد اعجاب او نزوه هتاخد وقت وتروح

مشيت نهي وسابت يوسف ف حاله لا يرثي لها
مش متصوره كلامها عمل ايه فيه
حس ان الدنيا بتلف بيه ...فقعد عشان يتمالك نفسه
وحابس دموعه بالعافيه خايف حد ياخد باله
معقووووووول ياملك ...هتبقي لحد غيري
معقول بسهوله كده تسبيني

كل ده عشان عشان غلطت واعترفتلك بحبي ليكي
ياااااااااااااااااااه ياملك
معقوووووووووول للدرجه دي

يااااااااااااااااااااااارب هونها عليا ياااااارب
حلها من عندك يارب



وبعد ما قدر يتماسك شويه
قرر يوسف ينفذ فكره جت ف دماغه
وقرر يتصل بصاحبه عمر ياخد راييه فيها ويساعده في تنفيذها




.....................
ياتري ايه الفكره اللي جت ليوسف وهينفذها ازاي
هنعرف ان شاء الله المره لجايه


الحلقه العاشره .... مسلسل حبك أحيانى
------------






وصلنا اخر مره لما جت ف دماغ يوسف فكره وقرر ينفذها

وكلم عمر صاحبة


يوسف:: السلام عليكم .... ازيك ياعمر عامل ايه



عمر:: يسلاااااااام انت لسه فاكر انك تعرف واحد اسمه عمر لا والله فيك الخير


يوسف:: معلش بجد كنت مقصر معاك سامحني

المهم انا فعلا محتاجك اوووي ف موضوع كده ياريت اشوفك النهارده


عمر::والله ابن حلال

انا كده كده كنت جايلك النهارده
حسيت انك واحشني كده قلت اسالك عليك
خلاص هعدي عليك باليل ف البيت


يوسف:: خلاص باذن الله هستناك



ووصل عمر بيت يوسف


عمر:: ازيك يايوسف عامل ايه والله واحشني



يوسف::الله يكرمك وانت كمان والله

مالك ياعمر شكلك متغير


عمر:: والله يايوسف ما عارف اليومين اللي فاتوا دول مخنوق شويه

وكنت حاسس انك واحشني والله قلت اجي اشوفك واحكيلك جايز استريح

يوسف:: تحكيلي انا ؟؟ هههههههه

ملقتش غيري
دا انا اللي فى مشكلة كمان وعاوزك تقف جمبي وساعدني ضرووووري


عمر:: مشكلة ؟؟ لا اله الا الله

ايه خير حصل ايه ؟؟قلقتني
قول مالك


يوسف:: بصراحه ياعمر انا مكسوف منك

بس هقولك لاني فعلا محتاجك جمبي اووي

فاكر لما حكتلك من كام شهر اني حاسس اني بحب واني متعلق بحد ووووووووو

............
............
............
وحكي يوسف كل حاجه لعمر لغاااااية كلام ملك ف التلفون وكلام نهي ف الجامعه



عمر:: يااااااااااااااه يايوسف كل ده يحصل ومتقوليش

عموما انا مش هقولك عادي
لاني بصراحه مستغرب كلامك انك بتقول بقيتوا تتكلموا ف الموبايل وتتقابلوا والكلام ده
بقي معقول انت تعمل كده يايوسف؟
انا بصراحه مش مصدق




يوسف:: عملت ايه ياعمر ...اهدي يابني عليا

وايه حكاية نتقابل دي
دي كانت مره وااحده بس وف الجامعه كمان يعني متقلقش
وبعدين الله يخليك ياعمر انا مش بقولك عشان تقعد تأنب فيا دلوقتي
انا بقولك عشان تساعدني



عمر:: اساعدك ؟؟ ازاي يعني ؟؟

عاوزني اعمل ايه
مش بتقول نهي قالتلك انها هتتخطب لابن عمها



يوسف:: بص ياعمر انا عارف انك هتستغرب كلامي بس معلش حاول تفهمني

اللي بيني وبين ملك والله حاجه اطهر وانقي من اي حاجه جت ف بالك
جايز اكون غلطت واتسرعت فعلا لما صرحتلها باللي جوايا وهي كمان
لكن انا متأكد ان هي بتحبني زي بالظبط
وبعدين موضوع ابن عمها دا مش داخل دماغي
دي لسه امبارح الصبح كانت بتقول قد ايه هي سعيده ونفسها نكمل سوا
يبقي ازاي جه فجاه موضوع ابن عمها ده
انا خايف يكون حد من اهلها مثلا سمعها وهي بتكلمني مثلا وهيجبروها انها ترتبط بابن عمها


عمر:: يجبروا ايه؟؟

يابني دا كان زمان
متعلقش نفسك بحبال دايبه
ليه متقولش كان الموضوع من زمان وهي بتفكر فيه
ولما كلمتك وكده حست انها هترتاح معاه اكتر
فقالتلك تنساني وقررت تكمل معاه


يوسف:: انت بتقول ايه لا طبعا مش كده

ملك فعلا اسم ع مسمي
مش ممكن تكون بتفكر كده
ولا تتعامل بالاسلوب ده ابدااا
يابني حاول تفهم بقي


عمر:: اممممممم جايز

المهم يعني انت عاوزني اساعدك ف ايه وازاي؟؟



يوسف:: اصل بصراحه بفكر اقول لبابا يروح ع الاقل يفاتح اهلها دلوقتي ولما نخلص امتحانات

وبالمره لو كان حد عارف حاجه وضغط عليها يتاكد اني مكنتش بلعب بيها ولا حاجه واني ناوي ع خير
بس بصراحه مش عارف اجيبها لبابا ازاي؟؟ وقولت اقولك عشان تساعدني


عمر:: بجد يايوسف انا مستغربك جدااااااااا

انت طول عمرك بتتكلم بالعقل والمنطق
دلوقتي بتقول حاجات من غير حتي ما تفكر شويه
انت مش واخد بالك اننا تقريبا هنمتحن خلاص
تفتكر دا وقت مناسب عشان موضوع زي كده
وباباك اكيد مش هيوافق هيقولك طب استني الشهرين دول لما تخلص
واهلها كمان هيستغربوا ازاي يعني مش مستني لما تخلص امتحانات
وع الاقل عشان يبقي اسمك اتخرجت ومعاك شهاده مش لسه طالب

اهدي يايوسف

وفكر بعقل شويه


يوسف:: يوووووه عندك حق فعلا

طب العمل ايه دلوقتي
انا مش هينفع افضل ساكت كده
خلاص انا هحاول اوصلها وافهم منها حصل ايه


عمر::توصلها ايه ؟؟ يوسف سيبها لله واصبر . مهما كان الاحساس اللى جواك ماتخليش المشاعر والحب تخليكى تفقد ترتيبك لاولوياتك وحياتك .. وتخليك تتخلى عن مبادئك وقيمك


فوووووق بقي يايوسف.. وارجع ليوسف بتاع زمان اللى طول عمره بيعلمنا يعنى ايه الايمان بالنصيب والقدر ..وان ربنا ديما بيقدر الخير لينا ..ولو نصيبك معاها هاتبقى ليك .. لكن فكر شوية كده ..ليه بعد ما الحب قرب مابينكم وصارحتم بعض .. يحصل بنكم كده وتقولك الكلام الصعب ده ..


مش يمكن تكون رسالة من ربنا عاوز يقولك فيها .. زى ما جربت طعم الحب فى الظلمة ..هاعملك حاجز مؤقت يفوقك.. علشان تجرب طعم الحب فى الحلال والنور ..


( طبعا يوسف عارف ان كل كلمة بيقولها عمر صح .. بس مجروح اووى من كلامه ..وطبيعى كعادتنا كبشر بيتحول النقد فى حالة الغضب الى قرارت خاطئة ووسوسة من الشيطان )


وسكت يوسف ووقف يبص فى الشباك .. وعمر بكمل كلامه


عمر : انا مكنتش متخيل انك بقيت بالشكل والتفكير ده



يوسف:: تفكير ايه متكبرش الموضوع بس




عمر:: للاسف شكله كبير فعلا يايوسف

انا كنت بحسب فيه حاجه ف البيت ظروف مثلا
عشان كده مكنتش بحب اضغط عليك
لكن انت حالك مش مظبوط يايوسف
دا انت معظم التقارير والمشاريع مقدمتهاش السنه دي
واعمال السنه درجاتك وحشه اووووي
وانت اللي كل سنه بتطلع من الاوئل
ع فكره كل زمايلنا ملاحظين


دا حتي الاسره بطلت تهتم كالعاده

ونسيت انك الرئيس بتاعها
لكن للاسف السنه دي كان اسما بس
ياخساره يايوسف


يوسف:: اهاااااااااااا قول بقي كده

قول ان انت عامل كل الحوارات دي عشان الاسره
مش حكاية خايف عليا ومعرفش ايه
لما انت عاوز تبقي الرئيس مقولتش من الاول ليه
بدل الحوارات دي وتحسسني انك خايف عليا ومعرفش ايه


عمر:: انت بتقول ايه يايوسف

انت بتهزر؟؟
بقي هي دي اخرتها
اطلع ف الاخر مش خايف ع مصلحتك وعاوز امسك الاسره
ما انا لو كده كنت قدمت طلب فعلا
وانت كده كده مكنتش مهتم بحاجه يعني كانوا هيوافقوا ع طول
لكن انا مليش ف الكلام ده وانت عارف



يوسف:: كفايه بقي تمثيل

يعني كمان عاوز تحسسني ان انا اللي غلطان
عشان انا اللي اتنازلك
ما شاء الله
احييك بجد ع ذكائك



عمر:: ياااااااااااااه للدرجه دي يايوسف

واضح فعلا ان الشيطان اتملك منك ف كل حاجه
حاول ترجع لنفسك يايوسف دور عليها واكيد هتلاقيها
ربنا معاك ويهديك ياااارب
انا همشي يايوسف ومتشكر اوووي ع كرم الضيافه
ولينا كلاام تاني لو كان لينا عمر
وانا اللي كنت جاي احكي واشتكي لااخويا
عموما متشكر يايوسف
ربنا يعينك ع نفسك
مع السلامه


يوسف:: يووووووووه هنرجع للكلام ده تاني

ماشي ياسيدي العفو
مع الف سلامه


ونزل عمر

وحس بعدها يوسف بالذنب



يوسف:: استغفر الله العظيم ياااااارب

ايه اللي جرالي بجد
بقي معقول اخسر صحبي بالشكل ده
رحمتك ياااارب
باذن الله هكلمه بكره واعتذرله
ياااه يايوسف بقيت تغلط ف ناس كتير
ياااااااااارب تولاني برحمتك يااااااارب


وبعد نص ساعه

جه تلفون ليوسف




يوسف:: السلام عليكم ... ايوه انا يوسف

مين
ايه
ازاي
لا مش ممكن
فين
لاااااااا
ازاااااي






...................

ياتري مين اللي كان بيكلم يوسف
وقاله ايه وياترى ايه اللى حصل
دا اللى هنعرفه الحلقه الجايه ان شاء الله


الحلقة الحادية عشر .. مسلسل حبك احيانى
---------







وصلنا المره اللي فاتت عند التلفون اللي جه ليوسف ورد عليه



يوسف:: السلام عليكم ...ايوه انا يوسف

مين ؟!!!...ايه ؟؟ انت متاكد ؟؟!!!أ


وحط يوسف الموبايل وقعد يهدووووء علي الكرسي

وعلي وشه كل علامات الاستغراب والانكسار

رجع يوسف لورا وغمض عينه وعاش حاله من الصمت المريب

وفجأه .......

نزلت من عيونه اصدق دموع

فتح يوسف عينه وادرك انه واقع والتليفون مكنش حلم
بدات دموعه تزيد بغزاره
وتزيد معاها نبرة صوته

وفجاه .. زاد الصوت بدرجه كبيره

سمعته والدته
جريت عليه
تتفاجأ بصراجه ودموعه


ام يوسف:: يوسف ... مالك يابني

حصل ايه .... لا اله الا الله
مين اللي كان بيتكلم
رد عليا الله يرضيك يابني
......
.......
طب اهدي بس كده وطمني
قلقتني اوووي.... لا اله الا الله


وبعد حوالي 10 دقايق

قدر يوسف يتمالك نفسه ويقدر ينطق اول حروف مفهومه


يوسف:: عمر .. عمر ياامي ... عمر


ام يوسف:: ماله عمر ... كل ده عشان اخانقتوا وشديتوا مع بعض شويه

عشان كده عامل ف نفسك كل ده
متقلقش يايني بكره تتصالحوا
وبعدين يعني مصارين البطن بتتخانق
قوم كده واغشل وشك وباذن الله خير


يوسف::اااااااااااه ياريت

ياريت ياامي ع الخناقه.. كنت عارف ان هانرجع تانى ونسامح بعض ..لان عمر طول عمره قلبه ابيض وبيحبنى ..ايوة يا امى بيحبنى اوى

لكن كنت هاسمعها منه .. كنت هاشوف ابتسامته وضحكته وهو بيقولى .. احنا يايوسف اخوات مش اصحاب .. لكن ..لكن ياأمى خلاص مش هاعرف اسمعها منه .. عمر ماااااااااااااات ياأمى .. عمر مات خلاص وسابنى لوحدى ..


ام يوسف:: لا اله الا الله ..انت بتقول ايه يابني

د لسه نازل من نص ساعه
مين قالك كده ... قولي بالظبط مين كان بيكلمك

يوسف:: اااااااااه ايوه لسه نازل من نص ساعه

نزل وهو زعلان مني
ومتخانقين
كان جايلي عشان اسمعه وابقي جمبه في اخر لحظاته وكأنه كان عارف
وبدل ما اكون له نعم الاخ ... جرحته
و اهنته في بيته ... ونزل زعلان مني


ووسط محاولات امه انها تخفي دموعها علي الموقف اللي ابنها فيه

او علي صاحبه عمر اللي كان زي يوسف بالظبط


ضمت يوسف لحضنها بكل حنان



يوسف:: التلفون ياامي اللي جالي كان من موبايل عمر

واحد بيقول ان صاحب التلفون خبطته عربيه
ومقدروش يلحقوه في المستشفي
واني كنت اخر رقم اتصل بيه
عشان كده عاوزيني اجي اتعرف علي الجثه وابلغ والده

معقول ياامي عمر بقي جثه ؟؟!!!أ

ازاي اخويا اللي طلعت بيه من الدنيا مبقاش موجود واخر موقف بيني وبينه يبقي خناقه

ضميني ياامي .... ضميني وقوليلي اني بحلم

واني هصحي الاقي عمر جمبي
ااااااااااااااااااااه قوليلي ياامي اني بحلم


حتي محاولات ام يوسف انها تحبس دموعها فشلت وهي بضم يوسف لحضنها

وايديها علي راسه تقرأ ايه الكرسي والمعوذتين لعل ربنا يهدي قلبخ ويعينه علي الموقف ده

وعلي صوت والدته وهي بتقرا ايات القران

هدي يوسف وبقي احسن وقدر يتمالك نفسه


يوسف:: ادعيله ياامي ... ادعيله اوووي

وادعيلي انا كمان ...انا السبب في اللي حصل ده
انا السبب


ام يوسف::استغفر الله العظيم .....متقولش كده يابني

استغفر ربك .... دا قدره
ادعيله احسن ربنا يرحمه


يوسف:: ياااااااارب استغفر الله العظيم

الحمد لله ونعم بالله يارب
اقصد ياامي ...اني السبب ان يكون اخر موقف بينيس وبينه خناقه
الحمد لله

تفتكرى هايسامحنى ياامى .. نفتكرى هايجيلى فى منامى واحلامى وهو مبسوط وفرحان ولا هايجيلى زعلان ومضايق .. تفتكرى انا كنت ليه نعم الصديق الصالح ولا كنت زيادة عليه ..اااااااااااه يا امى قلبى وجعنى اوووى


ام يوسف:: طب يابني انا عارفه ان الموقف صعب عليك بس معلش استعين بربنا وربك كبير.. وعمر هايسامحك يا يوسف..بحق صلاة الفجر اللى كنتم بتصلوها ديما ..بحق اعمال الخير اللى اشتركتو فيها .. بحق صحبة الخير اللى كانت بينكم وبحق كلمة انى احبك فى الله .. علشان كده هايسامحك وهايجيلك وهو مبسوط ويقولك كده ..


قوم بقي حاول تتمالك نفسك كده وبلغ عمك ابو عمر

وخليك جمبه ....ربنا يصبره يارب
دا الضني خالي
ربنا معاه ومعاك


يوسف:: حاضر ياامي

دعواتك بس
ربنا يصبره ويعينه ياااارب


وعاش يوسف اسوء لحظات في حياته

وهو بيبلغ والد صاحبه عن وقاته ابنه واعز اصحابه

راح يوسف مع والد عمر المستشفي واتعرف علي الجثه

ووقف يوسف مع والد عمر في الجنازه واجرآت الدفن
وايام العزاء

في الوقت ده يوسف رجع يوسف لربنا تاني واستعان بيه علي اصحب ايام ممكن تعدي عليه





وبعد اسبوعين.....



بدأ يوسف يرجع لنفسه تاني

يرجع لاحلامه وطموحاته اللي هجرها شهور
وادرك ان فاضل اقل من اسبوعين علي الامتحان


قرر يستغين بربنا ويحاول يلحق نفسه في اخر فرصه ليه

ويبدأ مذاكره ويجتهد علي قد ما يقدر وكله امل ويقين ان ربنا ديما معاه



وطبعا كان غصب عنه كل فتره يجي خيال ملك في دماغه

كان ديما يستعين بربنا يخلصه من حبه ليها ويفتكر كلمة نهي ان ملك اتخطبت لابن عمها
يحس بحسره في قلبه وندم ويحاول يبعد قلبه انه يفكر فيها


راح بعدها بيومين الكليه عشان يجيب الجدول



وهناااااااااااااااااااك




فجأه وبدون مقدامات يلاقي ملك قصاد علينه

وحتي محاولته انه يبعد ويمشي بسرعه برضو فشلت

وبدات ملك بالكلام




ملك:: السلام عليكم ... ازيك يابشمهندس

ممكن ثواني ؟؟


يوسف:: وعليكم السلام ... اها

خير يابشمهندسه ... اي خدمه


ملك:: اولا بجد يابشمهندس ...اسمحلي اعزييك في البشمهندس عمر

بجد خبر وفاته اثر فينا كلما وفعلا مفتقدينه
ربنا يرحمه برحمته ياااااااااااارب


وبجد الاسره عليها مقدره موقفك لان كلنا عارفين قد ايه عمر كان قريب منك وعزيز عليك

احم .... بالذات انا يعني
المهم بجد احنا علي فكره هنلم تبرعات في الامتحانات ونعمل صدقه جاريخ للبشمهندس
وربنا يتقبل ان شاء الله



وثانيا .. اسمحلي انتهز الفرصه واقولك اني بجد بجد متاسفه يابشمهندس علي كل حاجه

ارجوك تسامحني
انا مش عاوزه منك غير كده



يوسف:: ها يابشمهندسه .... خلصتي كلام ؟؟



ملك:: ايوه خلصت



يوسف
:: طيب عن اذنك ... مع السلامه




ملك:: يوسف لو سمحت ... رد عليا

انا محتاجه ردك قوووي .... قول بس انك مسامحني
كلمني ارجوك زي ما بكلمك


يوسف:: بشمهندسه ارجوكي ...لو سمحتي زي ما بقولك بشمهندسه

ياريت انا كمان تقوليلي يابشمهندس
بلاش نشيل الحواجز بينا لانها تقريبا كانت السبب في كل ده
ولا اقولك
ياريت بلاش نتعامل تاني اصلا لو سمحتي



وبعدين عوزاني اقولك سامحتك كده بمنتهي البساطه

اسامحك علي انك كنتي السبب ان اعز اصحابي يموت زعلان مني
عشان جالي اسمعه
وانا بدل ما اقف جمبه فضلت احكيله عن حكاياتي ولما قرر ينصحني رفضت
لا وكمان اهنته في بيتي ونزل زعلان وبعدها جالي وفاته



مش بقول انك السبب

لا بالعكس انا اللي غلطان
بس انتي السبب في كل ده ... عارفه يعني ايه انتي السبب




وعموما اسامحك مسامحكيش مش هتفرق

لان اللي بينا خلاص خلص
وانتي مش بتمثليلي حالا الا مجرد زميله مش اكتر
زي ما انا برضو بمثلك مجرد زميل



وياريت تنسي اي كلمه قلتها لحضرتك قبل كده

لانها اكيد مش من حقك وربنا يسامحني بقي


انا مش مستني ردك لاني خلصت كلام

عن اذنك دلوقتي .... السلام عليكم


ملك::وعليكم السلام


ومشي يوسف وساب ملك وسط زهول واستغراب





ملك::بقي معقول يايوسف انا جرحتك بالشكل ده

يااااااه ربنا يسامحك بجد ويسامحني



بس ازاي بعد ما ربنا وحد قلبنا تقول اننا مجرد زمايل

وان الكلام ده مكنش من حقي

عموما هسيبك براحتك وربنا معاك وتلحق اللي فاتك الفتره دي

وباذن الله هنكون لبعض يايوسف انا متاكده :))))أ

اصل مستحيل ربنا يسيبنا كده

وعارفه انك بتحبني .... زي ما انا بحبك
واكتر




.........

ونشوف المره الجايه هيحصل ايه
استنوووونا




الحلقه الثانية عشر..... مسلسل حبك أحيانى
----------





ورجع يوسف يمارس حياته الطبيعيه مره تانيه

بس المره دي لوحده من غير صديق عمره اللي كان جمبه لحظه بلحظه
ولا حتي من غير القلب اللي حبه وكان سببه سعادته في يوم من الايام


رجع يوسف لدراسته ومذاكرته مره تانيه ... وقرر ينجح ويعدي السنه دي بعد ما كان الامل مفقود واشبه بالمستحيل

لكن المستحيل قدام اصراره واجتهاده وثقته في ربه اصبح واقع
رجع يوسف لصلاته وصيامه ...رجع لمصحفه .... رجع للمسجد ...للصحبه الصالحه ..... رجع تاني لربه


لكن .... رغم كل ده لسه طيف ملك آسر قلبه ..لكن لاول مررررررررررره يكون الطيف ده بيقربه اكتر من ربه

كل ما يحس باشتياق لملك يقوم يقف بين ايد ربه يدعيه ويناجيه ..يطلب منه يسامحه ع كل اللي فات واللي ندمان عليه

بس غصب عني مينساش يدعي لملك بالسعاده في حياتها اللي ربنا قدرها ليها



وخللللللللصت الامتحانات ... والنتيجه طلعت:

_______________________


(فى بيت ملك)


نهي:: الف الف الف مبررررروك ياحببتي ... والله فرحتلك جداااا وربنا يعلم



ملك:: الله يبارك فيكي يانهي ...ربنا يخليكي .. ومبروووك ليكي انتي كمان .. بس تعرفي انا مش زعلانه اني مجبتش امتياز زي كل سنه .. بس برضو اللي حصل السنه دي مش قليل ... يلا الحمد لله


نهي:: تيراااااراااااا... تيراراراراااااااا....ايه يابنتي انتي بقيتي نكديه كده ليه ....هو جيد جدااا وحش يااوختي


انتي هتدلعي هههههههه وبعدين ياملوكه سيبك بقي من اللي حصل قبل كده

وانسي خااااااااااالص بقي وقولي الحمد لله.. اللى كاتبه ربنا هايتم ان شاء الله

ملك::ااااه طبعا الحمد لله ... ونعم بالله


صحيح يانهي .... اممممممم ... تعرفي المهندس يوسف عمل ايه؟؟؟


نهي:: امممممم يوسف .... اها ... تقريبا جاب جيد


ملك:: جيد؟؟؟؟ انتي بتتكلمي جد .... بقي يوسف اللي بيطلع كل سنه الاول ع الدفعه يجيب جيد في البكالوريوس



نهي:: عااادي يعني ياملك دا قدر ....وبعدين بصراحه هو كان مقصر اوي طول السنه ولا سكاشن بيحضرها ولا مشاريع بيسلمها

ولا اي حاجه .... دا الحمد لله انه عدي يابنتي
وبعدين ايه اللي فكرك بيه؟؟؟؟


ملك:: (ف سرها) فكرني بيه ؟؟ ...انا اصلا منستهوش


ملك:لنهي) احم ... لا ابدا عادي يعني .... مش كان زميلنا وكده ... مجرد سؤال عادي


نهي:: اتمني بجد ....ياريت فعلا يكون مجرد سؤال

بصي ياملك انا عارفه ان اللي حصل مش سهل ولازم هتاخدي وقت عشان تنسيه
مش مهم خدي وقتك براحتك
لكن المهم متعلقيش نفسك باحلام فارغه وتضيعي عمرك تفكري في واحد وتحلمي بيه
سيبك من حلال وحرام ... بس بجد حرام عليكي نفسك تعب الاعصاب والقلب ده
حرام تقعدي تفكري في حد مش هيكون نصيبك


ملك::فيه ايه يابنتي ... وليه ميكونش نصيبي

انا متاكده ان ربنا هيكتبنا لبعض حتي لو غلطنا وبدأنا حياتنا غلط
خلاص الحمد لله كل واحد فينا رجع لنفسه وربه
وبأذن الله هنرتبط بما يرضي الله

نهي:: يااااانهاااارك ياملك .... انتي لسه بتفكري بالاسلوب ده

وبعدين ايه اللي خلاكي متاكده اوي كده ان ربنا هيكتبكم لبعض
اوعي ياملك تكوني كلمتيه تاااااني
قوليلي بصراحه ... متخضنيش عليكي


ملك:: استغفر الله العظيم يارب .... لا مكلمتوش اطمني

الحمد لله مبقاش بينا كلام ... لكن ثقتي ان ربنا هيكتبنا لبعض كبييييييييييره اووووي لاسباب مش هعرف اوضحهالك دلوقتي
لكن من اهمها اني واثقه من كلام يوسف وهو وعدني قبل كده ان اول ما يخلص امتحانات هيجي يتقدملي


نهي:: ياااااااااااااااه انتي لسه عندك امل

ومتخيله انه هيرجع تاني بعد كلامك وبعد اللي حصل
!!!!
وبعدين ياحببتي دا لو كان عاوز يجي كان جه من زماااااااااااان
ادينا بقالنا شهر مخلصين و..شفتي بقي ان كان عندي حق
هو حب بس يتسلي شويه لما كان بعيد عن ربنا لكن لما رجع خلاص وبقي يوسف بتاع زمان خلااص استحاااااااااله يرجع تاني


ملك:: نهي انتي مش فاهمه حاجه ع فكره .... اللي بيني وبين يوسف عمره ما كان حاجه اخجل منها بالعكس كل اللي بينا كان اسمي واطهر وارقي حب



اممممممم بس تفتكري يانهي مش هيرجع تاني ؟؟ ومش هيجي يتقدلمي زي ما وعدتي



نهي:: مش عارفه اقولك ايه ؟؟؟؟ يابنتي فكري شويه بعقل ومنطق بقي

طبعاااااااا استحاله يجي ....انا عارفه ان كلامي صعب
بس صدقيني لما تفكري شويه انتي هتردي ع نفسك ممكن بقي
طلبين منك

اولا:: ارجوكي بلاش تفكري ف الموضوع ده تاني عشان انتي اللي متتعبيش ف الاخر


ثاااااااانيا:: بطلي كائابه بقي عاوزين نحتفل بنجاحك :))))))أ

ها قلتي ايه .... يلا شوفي هتجيبلنا ايه نحلي بيه هههههههه


ملك:: هههههه حاااااااااضر ياست نهي من عنيا .... ومبروك عليكي انتي كمان



(ف بيت يوسف)

______________




ام يوسف:: الف الف الف مبروك يابني ....فرحت قلبي والله ... ربنا يفرح قلبك ديما يااااااارب



يوسف:: هههههههه الله يسعدك ياامي بتهوني عليا

محسساني اني جبت الديب من ديله
دا جيد يعني مش حاجه


ام يوسف:: معلش ياحببتي ... مش مهم

ايه يعني جيد .... ما انت طول عمرك الاول ع الدفعه
لكن ربنا قدر وحصلت ظروف وفاة عمر وكده كان لااااااازم يبقي لها تأثير

يوسف:: ع رايك ياامي ...الحمد لله انها عدت ع خير


المهم بقي ياست الكل .. كلمتي خالي ؟؟؟



ام يوسف:: يابني مالك مستعجل كده ليه ؟؟!!!أ

خالك بيقولك اصبر عليه اسبوعين واول ما يلاقي فرصه كويسه ليك هيبعتلك تروحله
وبعدين دا النتيجه لسه ظاهره ... مالك مستعجل كده ليه


يوسف:: معلش ياامي ... انا مش هقدر اعيش هنا تاني ع الاقل الفتره اللي جايه

محتاااج ابعد شويه وافكر ف الف حاجه



ام يوسف:: تفكر ف ايه يابني ؟؟ ما تقولنا يمكن نساعدك .....ا



يوسف:: متشغليش دماغك ياست الكل ....ادعيلي انتي بس وربك كريم يعدلها



ام يوسف:: ربنا يريح بالك ويسعد ايامك ياااارب

واشوفك قريب يارب ف الكوشه جمب عروسته



يوسف::ههههههههههه ضحكتيني ياامي ... وانا مليش نفس اضحك ... يلا خير



وبعد حوالي 3 اسابيع

(ف بيت ملك)





نهي:: اخبارك يه يابنتي مش بتسالي خالص

قلت اسال انا ؟؟.... بصراحه الاجازه قمة الملل
الواحد مش عارف ايه الخنقه دي



ملك:: معلش والله مقصره معاكي ع الاخر بس انا كمان كنت مخنوقه شويه

المهم ايه الاخبار
ناويه ع ايه بقي .... هتشتغلي ولا ايه النظام؟؟
وصحيح تعرفي حاجه عن اخبار الدفعه


نهي:: بصي ياست انا بأذن الله ناويه اشتغل طبعااا

هو انا تطلع عيني ف الدراسه كل السنين دي وف الخر اقعد ف البيت ههههههه

اما بقي بالنسبه لاخبار الدفعه فانا سمعت حاجات كده

اولا:: نورهان زميلتنا لو تفتكريها اتجوزت هههههه شفتي ناس مبتضيعش وقت مش فقريين زيينا


ملك:: ههههههههه يابنتي بطلي نق عليهم .... ماشاء الله الف مبروك ... ربنا يسعدها يارب والله فرحت

كملي ها



نهي:: وايمان واسماءاتخطبوا ما شاء الله

اما بقي ساره محمود اشتغلت مع باباها ف الشركه الهندسيه اللي فاتحها
شايفه العيال المحظوظه :))))أ


ملك:: ههههههه يابت بطلي بقي كفايه حسد وكملي بقي



نهي::لا لا لا انا مش بحدس انا بقر بس ههههههه

لا والله بهزر طبعاا بالعكس فرحانه ليهم بجد
اكملك بقي ياستي
اما بقي ابتسام واشرف ومحمود ودينا اشتغلوا ف شركه كده تقريبا بتاعت واحد من قرايب ابتسام
ويوسف بقي سمعت انه هيسافر بكره تقريبا الامارات خاله جابله شغل هناك
واحمد نوح اتعين معيد ف الكليه الدكتور محمود اللي كان بيدينا هو اللي رشحه


ملك:: ايه ؟؟؟ استني يانهي انتي بتقولي ايه ؟؟؟

يوسف هيسافر؟؟؟ بكره ؟؟؟ من غيري ؟؟ ازااااي


...

...
...



.............

وكده خلصت حلقة النهارده هنشوف بكره هيحصل ايه
ويوسف هيسافر ولا لأ وياتري ملك هتعمل ايه
استوووووووووووونا


الحلقه 13.. مسلسل حبك أحيانى
--------





وصلنا الحلقه اللي فاتت عند كلام ملك ونهي عن سفر يوسف للامارات


ملك:: نهي انتي بتقولي ايه ؟؟ قولي كده تاني ... يوسف هيسافر ؟؟

ومن غيري ؟؟ ازااااااااي انتي بتقولي ايه




نهي::مش انا اللي بقول بس ده اللي سمعته وبعدين ياستي احنا مالنا ما يسافر ربنا معاه ومعانا .....المهم بقي انتي اخبارك ايه ؟؟



ملك:: اخباري ايه ؟؟ انتي بتهزري ؟؟؟ نهي ردي عليا كويس لو سمحتي انا مش ناقصه عرفتي منين ان يوسف هيسافر ..... ارجوكي بقي قولي



نهي:: طب اهدي اهدي ...طيب هقولك

بصراحه ياملك انا عرفت بالصدفه ان اخويا اسلام يعرف يوسف رغم ان اسلام اكبر منه بدفعتين لكن عرفت انه صاحبه اوي
فسمعت اسلام من كام يوم بيتكلم عن اخباره وقال انه هيسافر بكره


ملك .... ملك فيه ايه ؟؟؟ ايه لزمة العياط ده كله

يابنتي اهدي متعمليش ف نفسك كده ....مش قولنا تنسي زي ما هو نسي ...بكره والله تضحكي علي بتعمليه ده


ملك:: نهي بعد اذنك معلش سبيني دلوقتي

ارجوكي انا محتاجه اكون لوحدي


نهي::لا طبعا مش هسيبك .... معلش والله انا اللي غلطانه

انا قولت اقولك عادي وافتكرت انك مش مش هتدايقي لانك نستيه زي ما فهمتيني
لكن واضح انك كنتي بتكدبي عليا ولا نستيه ولا حاجه


ملك :: ايوه ايوه كنت بكدب ....ايوه مش عارفه انساه ومش هعرف

حرام عليكي بقي ....ليه كده بس ياربي انا مش عاوزه اعيش انا عاوزه اموووووووت خدني عندك بقي ياربي


استغفر الله العظيم ...سامحني يارب


خلاص الحمد لله اتعودت كل حاجه جميله بتمناها تتحقق يحصل العكس

المفروض يانهي كنت ابقي مع يوسف دلوقتي واسافر معاه زي ما وعدني
انا متاكده ان يوسف هيسافر عشان مش عاوز يقعد معايا ف بلد واحده
عشان انا جرحته ودمرته


نهي::يابنتي انتي متخيله انه لسه بيفكر فيكي ولو حتي تفكير سلبي

والله تلاقيه نسي اسمك حتي ....وانتي هنا عماله تعرقي في دمي ودمك من غير سبب
وبعدين ايه جرحته ودمرته ده ؟؟ بلاش الكلام الكبير ده



ملك::ايوه جرحته دمرته ...دمرته لما دخلت حياته وبقيت السبب في انه يبعد عن ربنا

ويقصر في دراسته ...وصاحبه يموت وهو زعلان
انا السبب ف كل حاجه وحشه حلصلته انا السبب


نهي:: ملك اهدي بقي كده ... وبطلي عياط وبعدين بقيتي السبب كمان في موت صاحبه استغفري ربنا كده وفوقي بقي

ملك ...الله يخليكي متندمنيش اني قلتلك
طب ايه اخرة اللي بتعمليه ده

طب عشان خاطري كفايه عياط واهدي كده ماماتنك هتاخد بالها وهتعملي مشاكل لنفسك ع الفاضي




ملك:: نهي ارجوكي سبيني لوحدي دلوقتي ارجوكي بقي



نهي::قلتلك لا مش هسيبك الا لما تبقي كويسه

طب اجيبلك شيكولاته :))))))))أ


ملك:: انتي شايفه ده وقت هزار ؟؟سبيني بقي لو سمحتي يااااااربي



نهي :: كده ؟؟ يعني الحق عليا عاوزه اهديكي

طب ايه رايك بقي في اللي يحللك المشكله دي ؟؟؟؟


ملك:: تحليها ؟؟ ازااااي .... قولي بسرعه ازاي



نهي:: حاضر حاضر اهدي هقولك

بصراحه ياملك انا مكنتش متخيله انك بتحبيه اوي كده
وكمان برضو انا حاسه بالذنب اوووي من ناحيتك لاني اتصرفت تصرف عشوائي كده من دماغي هبقي اقولك عليه بعدين
المهم نحل الموضوع دلوقتي
هقولك فكره مجنونه ... بس للاسف مفيش غيرها
يوسف هيسافر بكره باليل
انا وانتي بقي نروحله البيت ع العصر كده ونوضحله كل حاجه وهو يقرر بعدها
وانا متأكده ان ف حاجات لما انا اللي اقولهاله هيتغير حاجات كتير


ملك::هي فعلا حركه مجنونه....بس مالك متاكده اوي كده انه هيقتنع



نهي:: هتفهمي كل حاجه ف وقتها

المهم دلوقتي محتاجين راجل معانا
ايه رأيك في الواد خالد اخوايا ... هو 10 سنين بس برضو يمشي راجل صح ؟؟ هههههه

ملك:: ههههههههه اه طبعا ينفع اوي ... ينفع جداا ههههههههه



نهي:: يسلام يسلام عالضحك اللي من القلب

سبحان مغير الاحوال دي دموعك لسه حتي منشفتش



ملك :: خلاص بقي .... ربنا ما يحرمني منك ابدا

المهم بقي قومي بسرعه اختاري معايا هلبس ايه
ايه رايك ف ده ؟؟؟ ولا اقولك لا دا غامق اوي ..... طب ده احسن ...لا لا طب ده احسن

نهي :: ههههههههههه ربنا يهديكي يارب ههههه



ونااااااااامت ملك ... نامت وقلبها كله سعاده بقالها شهور محستش بيها

نامت وهي متوتره مش عارفه نهي تقصد ايه بكلامها لكن مش مهم المهم ان نهي اكدتلها ان يوسف هيغير راييه لما يسمعها
نامت وكلها شوق ... نفسها بكره يجي بسرعه بقييييييييييي



(وبكره جه اخيييييييييييرا)



راحت ملك ونهي علي بيت يوسف وطبعا معاهم خاااااااالد :))))أ



(وف الطريق)



ملك:: نهب بقولك ايه ...لبسي كده كويس ولا فيه حاجه ؟؟

الطرحه طويله وحلوه ولا ايه ؟؟؟


نهي:: والله العظيم زي القمر اهدي بقي عشان نشوف هنقول ايه

بس بالله عليكي ياملك سامحيني ف كل حاجه هقولها واعرفي اني عملت كده عشان كنت خايفه عليكي مش اكتر والله


ملك:: انا مسامحاكي في كل حاجه ... بس بجد تقصدي ايه ؟؟؟!!!!!أ


نهي:: هتفهمي كل حاجه ...يلا خلاص وصلنا



ووصلت ملك ونهي وخاااالد لبيت يوسف وخبطوا ع الباب وفتحت والدة يوسف


نهي:: السلام عليكم ... ازي حضرتك ياطنط ... اكيد حضرتك والدة البشمهندس يوسف ...مش ده بيته صح ؟؟؟؟



ام يوسف::وعليكم السلام ...ايوه يابنتي دا بيته ..الحمد لله انا بخير ,اتفضلوا



نهي:: لا لا ربنا يكرمك ياطنط احنا بس كنا عاوزين نسلم ع البشمهندس يوسف قبل ما يسافر ونديله حاجات كده ...ياتري هو موجود ولا خرج ؟؟



ام يوسف:: ربنا يخليكم يابنات ويسعدكم يارب ... والله معلش

دا امبارح اتصلوا بيه وقدموا معاد الطياره
ومشي الفجر ... دا انا حتي مستنيه يتصل يطمني انه وصل


ملك:: ايه سافر ؟؟؟ البشمهندس يوسف سافر خلاص ؟؟؟؟؟؟



نهي:: احم ..اه ياملك ياخساره ملحقناش ...يلا الحمد لله

معلش ياطنط ابقي بلغيه ان زمايله ف الجامعه جم يسلموا عليه بس
وان شاء الله يوصل ويرجع بالسلامه
عن اذن حضرتك


ام يوسف:: طب اتفضلوا يابنات اشربوا حاجه ... مش هينفع تمشوا كده




نهي:: ربنا يكرم حضرتك ياظنظ ... معلشعشان مستعجلين

عن اذن حضرتك
السلام عليكم


(وف المواصلات)




نهي:: ملك الله يخليكي اهدي الناس كلها بتبص علينا

طكب اهدي لغاية ما ننزل
يووووووه
طب تعالي ننزل نقعد في الجنيه دل لغاية ما تهدي

...........

...........
...........
ادينا قعدنا ف جنيه ياستي ... ممكن تهدي بقي عشان نعرف نفكر


ملك:: نفكر في ايه يانهي ؟ ما خلاص كل حاجه راحت

معلش تعبتك معايا ...بس اطمني انا هبقي كويسه
ادعيلي انتي بس ... ادعيلي بجد انا تعبانه اوووي
ليه ادتيني امل ليه بجد كده حرام .....




نهي:: بصي ياملك احنا لو فكرنا بعقل شويه ...هنلاقي ان سبحان الله "وعسي ان تكرهوا شيئا وهو خير كم وعسي ان تحبوا شيئا وهو شر لكم "

يعني جايز انتي متخيله ان نصيبك مع يوسف وانك معاه هتبقي سعيده وكده لكن العكس صحيح
فانتي ارضي بقضاء ربنا واحمديه
وشفتي كل لما تقرري تصلحي الموضوع ربنا يبعدكم اكتر دا اكيد هو الخير ليكي
ربنا اكيد هيعوضك خير ان شاء الله



ملك::ونعم بالله ...الحمد لله رب العالمين

بس انتي بالله عليكي تدعيلي والله نفسي انساه وانسي كل حاجه وبدعي ربنا كل يوم انه يخليكي انسي وويعينه هو كمان ينسي
والحمد لله ربنا استجاب جزء من دعوتي ياااااااارب يستجيب الجزء التاني


نهي::ان شاء الله ..والله بدعيلك وانتي اقوي من كده .وهتقدري ان شاء الله



ملك::باذن الله ... صحيح يانهي انتي من امبارح قلقتيني كنتي ناويه تقولي ايه وخايفه ازعل ؟؟؟







نهي:: حاضر هقولك ... بس بالله عليكي حاولي تفهمي ان قصدي كان خير والله

البشمهندس يوسف سالني عليكي وقت ما قررتي تقطعي كل حاجه وانا كنت خايفه يأثر عليكي لاني كنت فاهمه انه بيتسلي وقولتله انك اتخطبتي لخالد ابن عمك ومستنيه تخلصي امتحانات عشان كل حاجه تبقي رسمي وانك فرحانه اوي بكل حاجه
بجد ياملك....ارجوكي سامحيني انا اسفه والله





ملك:: ايييييييه؟؟ مش فاهمة يعنى ايه اتخطبت يا نهى .. ومين اللى سمحلك تقوليله كده .. وليه اصلا تقولى كده ؟

انتي يانهي اللي بتعملي فيا كده ....بجد حرام
ليه بتعملوا كده ...مش مديني فرصه بين كل موقف وموقف اتصدم حتي فيه
حتي وقت الصدمه مستخسرينه فيا ....بجد ربنا يسامحكم كلكم


نهي::والله ياملك كان غصب عني اناكنت فاكره انه بيتسلي وكنت بدور ع مصلحتك



ملك::مصلحتي ؟؟ مصلحتي انك تطلعيني قدامه كنت بلعب وبتسلي معاه في وقت انا مخطوبه لحد تاني

حرام عليكي بجد ليه كده ليه



نهي...معلش لو سمحتي انا صعب اوي اسامحك ع الاقل دلوقتي

جايز بعدين اقدر ...لكن دلوقتي مش هينفع
بعد اذنك انا هروح دلوقتي ولو سمحتي متقوليش حاجه دلوقتي
ومعلش ياريت حاولي متتصليش بيا اليومين دول لغاية ما اهدي بس وباذن الله هبقي اكلمك انا


نهي :: ماشي ياملك زي ما تحبي ...اكيد لما تهدي هتقدري اني عملت كده عشان خايفه عليكي

وبجد بجد اسفه .... مع السلامه حببتي
.............


وكده خلصت حلقة النهارده
نكمل المره الجايه ونشوف يوسف هيعمل ايه ف السفر وايه هيكون مصير ملك ويوسف
اتستنوووووووووووووووووووونا


الحلقه 14.... مسلسل حبك احيانى

---------







وصلنا المره اللي فاتت لما نهي قالت لملك ع كلامها مع يوسف وقد ايه ملك انهارت لما عرفت ان صاحبة عمرها هي اللي ممكن تكون ضيعت فرصه انها تبقي مرتبطه بيوسف دلوقتي
وغصب عن ملك الشيطان قدر يقنعها انها تطلب من نهي متحاولش تتصل بيها او تزورها البيت الفتره دي :

(وبعد اسبوع)
____________


والدة ملك:: ملك ... ملك ...قومي يابنتي كلمي صاحبتك قاعده بره مستنياكي

ملك:: يووووووه مين ياماما اللي جاي ع الصبح كده ؟؟!!!أ



والدة ملك:: نهي امال يعني هتكون مين ....اتصلت من شويه وسألتني عليكي وبعدين قالتلي ممكن اجي دلوقتي قلتلها تنوري واهي مستنياكي بره اهي
هي بقالها كتير مش بتيجي ليه ؟؟ متخانقين ؟؟؟؟؟


ملك:: لا لا مش متخانقين ولا حاجه ... طيب معلش ياماما دخليها هنا عقبال ما اغسل وشي بس


ودخلت نهي غرفة ملك ومن بعدها داااااااااار الحوار ده بينهم :
__________________________

_______

نهى : ملك انا مش عرفت انام بقالى يومين .. حاسه انى ضميرى وجعنى اوووى بعد ما حكتلك على الموقف اللى عملته مع يوسف
مش عارفة انا عملت كده ليه .. بس والله يا ملك بحبك اووى وكنت خايفة عليكى .. يمكن يكون الطريقة اللى تصرفت بيها غلط ومش صح لكن نيتى وقتها انى بكده بنقذك من حالة التوهان اللى كنتى عايشه فيها وعذاب الحب والمه ..

خايفة تفسرى انى عملت كده علشان بغير منك انك هاترتبطى بشاب زى يوسف فيه الموصفات اللى تتمناه اى بنت ..ملتزم وشاطر وابن ناس ومستقبله كويس .. مع ان الحقيقة غير كده ..صحيح هى ممكن تكون غيره ..بس غيره عليكى من ان اى حد تانى ياخد مكانتى وحبى عندك .. انتى مش متخيلة بحبك قد ايه .. انتى صديقة عمرى واختى وكل حاجه ليا .... ارجووكى سامحينى يا ملك

ملك:: ايه يابنتي ده كله؟؟ صاحيه بدري وجاية علشان تقوليلى الكلام ده ؟؟؟ انا اساسا نسيت خلاص وانتى كمان انسى وكبرى دماغك .. الكلام ده مش هايفيد خلاص ولا هايرجع يوسف ..الوقت عدى يا نهى والواقع بقى بيقول ان .. ليس كل ما يتمناه المرء يدركه ..تأتى الرباح بما لاتشتهيه السفن .. وياستى علشان اريحك هاقولك على خبر دلوقتى يريح ضميرك ويخليكى تعرفى تنامى كويس

نهي:: مع انى حاسه ان ورا كلامك ده معنى تانى .. بس قوليلى خبر ايه اللى عندك ؟؟


ملك:: انا خلاص وافقت على خطوبة خالد ابن عمى .. هو مستنى الرد مننا خلال يومين وانا قولت لبابا وماما انى موافقه ..ويبلغوهم علشان نلبس الدبل قبل العيد الكبير ان شاء الله



نهي:: انتي بتهرجي ياملك ... ايه اللي انتي بتعمليه ده
بصي انا مقدره اللي انتي فيه لكن متوصلش انك تظلمي انسان تاني معاكي بجد حرام ... ذنبه ايه خالد ده ؟؟


ملك:: ذنبه ؟؟؟ ذنبه ازاي يعني؟؟ وهظلمه ليه ؟... واحد متقدملي ووافقت يبقي ايه المشكله بقي


نهي:: المشكله ف انك قررتي ترتبطي بيه عشان تنسي يوسف ... واوعي تنكري ومتحاوليش تقنعيني انك خلاص نستيه ف اسبوعين


ملك:: لا طبعا مش هقولك نسيته ... بس لسه عقبال ما نجهز ويحصل جواز وكده مش اقل من سنه يبقي اكيد وقتها هنساه

نهي:: طب لو منستيش ؟؟

ملك:: لا هنسي اطمني

نهي:: وانا مش هسكت مش هسيبك تدمري حياتك وتدمري حياة انسان تاني معاكي ... كل ذنبه انه فكر يرتبط بيكي

ملك:: ادمر حد معايا ؟؟ هو ايه انا معرفش حد غير لما ادمره .. حرام عليكي بقي يانهي
وبعدين مين طلب منك تتدخلي ف الموضوع ...لأو سمحتي يانهي ابعدي عن الحكايه دي


نهي:: لا مش هبعد .. عشان احنا مش عشرة يوم ولا اتنين ... احنا من يوم ما اتولدنا منعرفش غير بعض فدا حقك عليا
وبجد لو ما حاولتيش تقفلي الموضوع ده هاقول لمامتك ع يوسف


ملك:: ايه يانهي انتي بتهدديني ؟؟ انا الحمد لله معملتش حاجه غلط اتكسف منها

نهي:: مقصدتش والله اقصد هاقولها عشان متساعدكيش تدمري حياتك بايدك .... اهدي كده واستني شهرين تلاته ولو قدرتي تنسيه يبقي ساعتها وافقي ع اي حد متقدملك


وف اللحظه دي دخلت والدة ملك
_______________________

والدة ملك:: منورانا والله يانهي ... ابقي سلميلي ع مامتك كتير
يلا بقي اشربوا العصير ده عشان تروقوا ف الحر ده :)))أ


ملك.... ايه يابنتي احنا ابتدينا ع الصبح عشان التكشيره بتاعت كل يوم وال (111)اللي رسمهالنا ع وشك دي
حصل ايه تاااااااااااااني ؟؟


ملك:: مفيش ياامي ... بس كنت بكلم نهي ف حاجات كده ..بس اختلفنا فيها شوية .. بس انا متاكده المرة دى ان كلامى هو اللى هايتم وهايكون صح .. مش كده يا نهى ؟؟


والدة ملك:: لا حول ولا قوة الا بالله ... هو حد يتخانق برضه ويزعل من السكر دى ..دى نهى احسن واحده شوفتها من اصحابك والله يا ملك وبثق جدا فى قربها منك ورايها ليكى .. علشان كده انا مع نهى فى رايها ..من غير حتى ما اعرف ايه الموضوع هههههههه

نهى: ربنا يخليك يارب يا طنط ومش اتحرم منك ابدا .. ان شاء الله ربنا يقدم اللى فيه الخير وهو اللى هايتم


ملك:: ماما هو انتى بلغتى مرات عمى بردنا على موضوع الخطوبة وكده ..ولا لسه ؟


والدة ملك .. لا لسه يا حبيبتى خير فيه حاجه ولا ايه ؟؟

ملك .: طيب بعد ائذنك يا امى أجلى الموضوع ده شوية .. محتاجه بس افكر كمان شوية واستخير ربنا تانى .. وهبقي اقولك ياامي كل حاجه باذن الله


والدة ملك:: طيب يابنتي انا برضو مش هضغط عليكي ... ربنا يهديكي ويكتبلكم اللي فيه الخير يابنات يااااااارب


(وبعد حوالي 4 شهور من سفر يوسف)


ام يوسف:: ازيك يايوسف يابني ... عامل ايه طمني عليك


يوسف:: الحمد لله ياامي والله بخير اطمني ... طمنوني عليكم انتم


ام يوسف:: احنا بخير والله ... مش ناقصنا حاجه غير انك تبقي معانا
بقي كده يايوسف قلت هقعد شهر واحد واجي اشوفكم وبقالك اهوه 4 شهور ولسه منزلتش



يوسف:: معلش والله ياامي غصب عني ... الموضوع مطلعش سهل زي ما انا متخيل
الناس هنا معتمدين عليا جاااااامد ...أبنك بقي مهم بقي ياست الكل هههههه


ام يوسف:: ربنا يكرمك ديما يارب ... بس برضو متنسناش اوي كده .... تحب اكلمك خالك؟؟


يوسف:: هههههه خالي ايه بس ياامي هو انا صغير
متقلقيش والله هكلم المدير ف اقرب وقت ...واخد اجازه قريب




ام يوسف:: ع فكره خلاتك كلهم بيسلموا عليك ... وايمان بنت خالتك موصياني اسلم عليك جاااااااامد




يوسف:: هههههه يعني ايمان الوحيده اللي افتركتي اسمها ...
ماااااااااشي ياستي الله يسلمها برضو ... بس الله يخليكي ياامي بلاش تفتحي الموضوع ده تاني والله ايمان دي اختي ومش هينفع تبقي غير كده


ام يوسف:: يعني يابني الحق عليا عاوزه افرح بيك واشوف عيالك قبل ما اموت ..
طب بلاش ايمان انا فاكره انك قلت قبل كده عاوز ترتبط بواحده زميلتك اسمها ملك تقريبا ... مقولتش لابوك ليه بعد الامتحاانات ؟


يوسف:: يااااااااه ملك انتي لسه فاكره ....دي زمانها دلوقتي مخطوبه او متجوزه ادعيلها بقي ربنا يسعدها


ام يوسف:: طيب ربنا يسعدها ويسعدك يارب ... خلاص مش هطول عليك خد بالك من نفسك وكل كويس واتغطي كويس


يوسف:: حااااااااضر عيوني دعواتك بس ياامي



(ف بيت نهي)


اسلام :اخوها الكبير) ايه ياست البنات السرحان ده كلاه بقالي 10 دقايق واقف جمبك ومش حسه
ايه ياباشا كبرنا وبنحب ولا اييييييه ^_*ا




نهي:: هههههه حب ايه بس دا مش وراه غير وجع القلب ... كويس انك فتحت الموضوع بصراحه كنت بفكر اكلمك ف حاجه كده ويارب تفهمني


اسلام:: موضوع ايه قولي؟؟


نهي:: فاكر يوسف صاحبك اللي قلتلك انه طلع زميلي ف الدفعه


اسلام :: يوسف عبد الرحمن؟؟ اه طبعا فاكره ... هو اه انا اكبر منه بدفعتين لكن دا ميمنعش اننا اصحاب دا حتي واد جدع اوووي ومحترم .... ماله يوسف


نهي:: وطبعا عارف ملك صحبتي ...اللي حصل بقي يااسلام ....
.......
.......
.......
وحكت نهي لاسلام الحكايه كلها من الاول


اسلام::يااااااااااه حكايه غريبه فعلا.... ومش هقولك انك غلطانه ف اللي عملته لاني فاهم انك كنتي خايفه عليها
لكن عموما المطولب مني ايه ؟؟؟


نهي::عاوزاك تبقي تكلم يوسف ع النت وتقوله اني اختك وتعرفه حالة ملك والحكايه كلها لان بجد حالتها النفسيه بتتدهور وخايفه تاخد قرار تندم عليه باقي عمرها


اسلام :: لا طبعا مش صح ... مينفعش انا اللي اقوله
وبعدين حرام نلخبطه وهو ف الغربه دي وندمرله مستقبله
بس عموما انا اخر مره كلمته قال هينزل الشهر ده لما ينزل ان شاء الله ابقي اخليه يجي هنا وانتي تقوليله وربنا يقدم اللي فيه الخير


(وبعد 6 شهور من سفر يوسف)

ف الامارات
ف مكتب يوسف

المهندس محمود (خال يوسف) :: ايه يابشمهندس مشغول؟؟


يوسف:: هههههه لا طبعا ... اتفضل يابشمهندس


المهندس محمود:: يابني ادام لوحدنا ابقيي خالك وخلاص
المهم بقي ايه حكايتك ... امك مصدعاني


يوسف:: ههههههه يااااخبر هي كلمتك برضو معلش يااخالي اصلي واحشهم شويه


المهندس محمود:: معلش بقي ما انت اول مره تبعد تبعد عنهم
المهم خلاااااص جهز نفسك هتنزل اخر الاسبوع ده هتنزل اجازه ومش هترجع تاااااااااني


يوسف:: مش هرجع تاني؟؟ تقصد ايه يااخالي .... هم اشتكوا مني ف حاجه ؟؟؟؟


المهندس محمود:: ههههههه لا لا متقلقش بالعكس دا الكل هنا بيشكر فيك اوووي
دا انت يابني بتموت نفسك ف الشغل لدرجة ان طلع عليك اشاعه انك بتحب ههههههه


يوسف:: ههههههه لا لا مش كده ... انا بس نفسي اثبت نفسي وكمان مش عاوز اخذلك قدام مدير الشركه بعد ما وثقت فيا
امممممم .... بس للاسف شكلي برضو خذلتك ... بتقول هنزل اجازه ومش هرجع تاني ؟؟!!!!!!أ


المهندس محمود:: لا لا اطمن مش كده ....انت الحمد لله مخذلتنيش بالعكس كنت قد الثقه واكتر
بس الحكايه يابشمهندس ان الشركه ان شاء الله ناويه تفتح فرع تاني ف مصر وشايفين ان كفائتك مناسبه انك تبقي مسؤل ف الفرع هناك
دا غير انهم مقتنعين ان المهندسين اللي لسه متخرجين جديد عندهم كفائه اعلي وع اطلاع بكل جديد اكتر من الكبار اللي زينا .... ما خلاص بقي راحت علينا ههههههه



يوسف:: هههههههه ربنا يبارك ف عمرك ياخالي
الله ع الاخبار الجميله ربنا يبشرك بالخير يااااااااااارب
اخيراااااا هشوف امي وابويا ..وحشووووني جداااا



..........................
ورجع يوسف مصر بعد اسبوع
ايه اللي هيحصل ؟؟؟؟
دا اللي هنعرفه الحلقات الجايه
استنوناااااااااااااا

بسم الله الرحمن الرحيم

السلام عليكم ورحمة الله وبركاتة

ازيكم يا شباب اخباركم ايه
يا رب تكونوا استمتعتوا بالمسلسل
وانا ان شاء الله هكمل معاكم الحلقتين
الباقيين

الحلقه ال 15... من مسلسل حبك أحيانى
----------



وفات الاسبوع ورجع يوسف ع مصر
رجع لاهله وصحابه وحياته اللي افتقدها كتير
لكن لسه يوسف يدعي ربنا ف كل صلاه يبعد حب ملك من قلبه اللي لسه مش عارف يتخلص منه
ويدعيه يسعدها ويوفقها
ويكرمه ويقدر ينسي ويرزقه بالزوجه الصالحه..


(وع الغداء) ..في بيت يوسف:
______________________

يوسف:: الله ياامي ... تسلم ايدك بجد .... بقالي كتير ماكلتش كده . ربنا يخليكي ليا يارب

ام يوسف::بالف هنا وشفا يارب ...ويخليك لينا ياابني
بس لما ربنا يطلب ياخد امانته واموت مين بقي هياخد باله منك؟؟


يوسف::ياااااااااااااااربنا
.... لا اله الا الله .... ليه كده ياامي بعد الشر عليكي ياست الكل


ام يوسف:يابني ده هيحصل هيحصل

وانا نفسي اطمن عليك بقي

يوسف::تاني ياامي بتفتحي الموضوع ده ؟؟ ..... عموما انا اوعدك افرحك واحققلك امنيتك

بس بالراحه عليا انا لسه راجع من السفر ...لما اظبط نفسي ف الشغل واكون نفسي وكمان نلاقي بنت الحلال ساعتها ربك يسهلها


ام يوسف:: ما بنات الحلال كتير والله بس انت قول

وبعدين تكو نفسك ايه؟؟ .... وابوك راح فين ؟!!!! الحمد لله ابوك شايل فلوس مخصوص لجوازك متقلقش


يوسف:: لا ياامي مش كفايه انه جابلي شقه ؟؟... لكن بقي العفش والاجهزه والشبكه والحاجات دي انا اللي هجبها بفلوسي لما ربنا يكرمك

والله يخليكي بقي قفلي ع الحكايه دي عشان انا بجد تعبت


يوسف:: طيب خلاص ماشي .... صحيح فى واحد صاحبك اسمه اسلام اتصل وانت نايم وكان عاوز يكلمك ويسلم عليك



يوسف:: اسلام؟؟؟ اسلااااااااااااااام اها الله يسلمه يارب

طب هقوم اتصل بيه دلوقتي قبل ما انسي


ترن ترن تررررررررررررررن

__________________

اسلام:: السلام عليكم


يوسف:: وعليكم السلام ...احم انا يوسف ياعمنا ... ازيك يااسلام


اسلام:: يوووووووسف عم الشباب والرياضه ههههههه ازيك ياباشا ..حمد لله ع السلامه

انا اتصلت من شويه ملقتكش

يوسف
:: اها ما امي قالتلي .... معلش والله كنت نايم

بس ايه بقي انت عاوز تضحك عليا بالتلفون ده
لا ياعم ... انت لازم تعزم نفسك عندنا عاوزين نشوفك

اسلام :: اكيييييييد طبعا هجيلك والله عشان حتي اعرف عملت ايه هناك ونظام الشغل وكده

اصلي بتاع مصلحتي ههههههههه
المهم باذن الله لما تروق كده وتستريح عاوزك تيجي تقعد معايا شويه
ف موضوع كده مش هينفع نتكلم فيه عندك

يوسف
::خير موضوع ايه؟؟


اسلام:: متقلقش خير باذن الله ....لما تيجي هقولك


يوسف:: خلاص باذن الله يومين كده واجيلك باذن الله



(وبعد يومين رااااااااااااح يوسف لبيت اسلام)

__________________________
__

يوسف::ايه يابشمهندس ... موضوع ايه بقي اللي عاوزني فيه خير؟



اسلام:: مهو خير باذن الله اطمن ...عقبال ما تشرب حاجه

اكون ندهت لنهي اختي عشان هي اللي هتقولك :))أ

يوسف:: نهى مين ؟؟ وهاتقولى ايه .. ؟ انا مش فاهم حاجه


اسلام : نهى اختى يايوسف .. انت صحيح ماتعرفش انها اختى بس لما تشوفها هاتعرفها على طول .. دى دفعتك حتى يا عم الحاج ..

نهى تعالى ادخلى .. البشمهندس يوسف موجود هنا معايا ..

يوسف : نهى اختك .! ودفعتى كمان .. هو فيه ايه ؟


اسلام :: يابني اصبر هتفهم دلوقتي

هي هتدخل تقولك وانا مليش دعوه بقي ^^أ


(ودخلت نهى ):

____________

نهي:: السلام عليكم ....ازيك يابشمهندس ... حمد لله على السلامه


يوسف:: وعليكم السلام .... ايه ده ؟! معقولة .. انتى اخت اسلام .. طيب ليه مش قولتيلى من زمان ؟ ده اسلام طول عمره مش صاحب وبس ده اخويا وحبيبى .. عموما حصل خير .. والله يسلمك يارب ..

خير اسلام بيقول ان حضرتك عاوزانى فى حاجه .. اتفضلى ؟

نهى : حاضر هاحكيلك كل حاجه .. هو خير ان شاء الله مش تقلق. بس الاول زى ما طلبت من ملك انها تسامحنى .. انت كمان لازم تسامحنى قبل ما احكيلك ..


يوسف : ملك .!! ايه دخل ملك فى الموضوع .. واسامحك على ايه .. كل حاجه انتهت يا بشمهندسه وانا نسيت خلاص بجد .. وهى ربنا يسعدها يارب مع الانسان اللى ارتبطت بيه .. لكن انا ايه علاقتى ..وعاوزانى اسامحك ليه ..


نهي:: هاحكيلك كل حاجه ..


( وبدات نهي تحكي ليوسف كل حاجه حصلت (ف وجود اسلام طبعا) وفهمته قد ايه هي حاسه بالذنب لما كدبت عليه وقالتله ان ملك اتخطبت وفهمته وجهة نظرها وخوفها ع اختها وصحبته وانهم حاولوا يروحولوا قبل ما يسافر وملحقهوش وعن الحاله اللي وصلت لها ملك والقرارت اللي بتحاول تاخدها وجايز تدمر لها حياتها .... حكت نهي كلللللللللللللللللل حاجه )


اسلام:: ها يابشمهندس .... قلت ايه ؟؟؟؟


يوسف:: هاقول ايه .... لا اله الا الله .... ليه كده يا نهى ..ليه كدبتى عليا وقولتيلى انها اتخطبت .. ليه حسيستينى انى ولد شاب مراهق بيلعب ببنت وعاوز يعيش قصة حب يومبن وخلاص.. ليه خلتينى اجرحها واقولها كلام بزعلها .. بتخافى عليها وعاوزة مصلحتها .. كنتى قوليلى وعرفينى .. صحيح احنا تعدينا حدودنا كتير وعملنا حجات ضد اخلاقنا وتربيتنا .. بس كان غصب عننا .. كان الحب مسيطر على كل كيانا ومشاعرنا .. بس انا زى مانا وملك زى ماهى .. جوانا الخير والالتزام اللى فوقنا وخلانا نرجع للصح ..وكنت خلاص هاتقدملها وارتبط بيها فى الحلال.. علشان اعيشها الحب الحلال فى النور ..


دا انا طول الفتره دي متخيل انها مخطوبه او اتجوزت كمان وعايشه حياتها وكنت بدعيلها والله ربنا يسعدها



نهي:: سامحنى يايوسف ..والله والله يمكن اكون انا الانذار اللى حرك جواك مشاعر الالتزام وشجعك مش تستمر مع ملك فى الظلمة .. يمكن اكون انا الرسالة اللى ربنا بعتها ليكم علشان تعملو زى ما لنبى صلى الله عليه وسلم ماقال .. لا يرى للمتحابين الا النكاح .. يمكن خوفى يايوسف عليكم هو اللى دفعنى انى اعمل كده .. انا كنت بسمع قصص حب لاصحابنا عيشتنى فى رعب .. بنات وشباب كتير يايوسف الحب ضيع حياتهم ومستقبلهم .. قلل من كرامتهم وثقتهم فى نفسهم .. وضيع كل حاجه حلوة فى حياتهم .. كان نفسى تشرف ملك قدام اهلها وترفع راسها . وتحسسها بالحب الحلال اللى كله نور ورضى من ربنا عز وجل .. فاهمنى يايوسف ..؟؟


يوسف .. الدموع فى عينه .. ومش بيتكلم


نهى : يوسف انت مش بترد ليه ؟ يعني افهم من كده انك مبقتش تحبها؟؟

اقصد يعني خلاص مش عاوز ترتبط بيها ؟


يوسف:: لا طبعا انتي كده ادتيني امل ..انا عارف اني غلطت واني السبب ف كل ده

معلش سامحيني غلطت ف حق صحبتك وف حق نفسي
لكن الحمد لله رجعت تاني لعقلي وربنا هداني وخرجني من الابتلاء الصعب ده
ولو هفكر نرجع انا وملك تاني يبقي باذن الله اروح اطلبها من والدها بكره ع طووووول

يوسف : طيب وملك عاملة ايه دلوقتى يا نهى .. ؟


نهى : بعدك عنها كسرها يايوسف .. بقت عاوزة تعيش وخلاص .. تتجوز اى جوازة والسلام .. فقدت الثقة فى كل الناس حتى فيا .. واللى زعلنى اووى ..رجوعها تاني لشلة ساره عزام والناس دي بجد كنت خايفه يبوظوا دماغها تاني.. انت بس اللى هاترجع ملك تانى لطبيعتها يايوسف .. ... دي ملك هتفرح اوووي.. بقرارك ده

ان كنت مرعوبه عليها من افكارها الفتره اللي فاتت


يوسف:: شلة ساره عزام ؟؟ تقصدي الشله التافهه اللي مش وراهم غير خروج وحفلات وسينمات وبنات وشباب والتهريج ده ؟؟؟؟


نهي:: اها هي ....اكيد ملك حكتلك عنهم



يوسف:: ايوه كانت حكتلي ... لكن هي رجعت تاني ليه ؟؟

عشان حست ان ملناش نصيب ف بعض ؟؟ لا طبعا مش سبب

هي كانت بتقرب من ربنا عشاني ولا عشان ربنا !!!!! طب افرضي ارتبطتنا

وربنا قدر اموت ولا حاجه حصلت
ساعتها بقي كانت هتخرج وتروح حفلات والحوارات دي وتبعد عن ربنا بحجة انها مجروحه
لأ طبعا مش مقتنع انا بالتهريج ده


نهي:: والله يايوسف كان غصب عنها ....ملك كانت حاسه انها مجروحه اووووي ومصدومه من كل الناس حتي انا

صدقني الخير لسه جواها ... دي حتي لما بتروح الحفلات دي بتقعد ساكته خالص وسارحانه ديما
هي بس بتحاول تقنع نفسها انها نسيت وانها كده مرتاااااااااحه

وانا طبعا مش بقدر اخليها متروحش فبضطر اروح معاها عشان ابقي جمبها لغاية ما ربنا يقدر الخير

واهو الحمد لله انتي رجعت اهوه :))أ


يوسف:: لا يابشمهندسه نهي ... مش منطق ابدااااا

انا ع فكره مش بقول مش هرتبط بيها ...لا بالعكس انا عارف ملك جواها خير وقلبها كله برائه
بس برضو لازم اعرفها ان قربها من ربنا لازم يكون لنفسها ولربها مينعفش يكون عشان اي بني ادم مهما كان

قوليلي بقي معلش ...الحفلات اللي بتروحوها دي فين بالظبط

انا لااااااااااازم اواجهها


نهي:: لا بلاش ف الحفله... المفروض اننا ناويين نخرج النهارده وهي هتعدي عليا

عموما اتصلت من شويه وقالت ربع ساعه وهتكون مستنيه عن الناصيه اللي ع اول الشارع

يوسف:: طب خلاص ... معلش يااسلام هتعبك معايا

هنستني ربع ساعه وبعدين تيجي معايا انت ونهي
وانا بس هواجهها وافهمها غلطتي
بس مش هقولها اني لسه متمسك بيها عشان تدرك الموقف

اسلام:: طيب تمام ... هتبقي صدمه عليها بس باذن الله خير ...ربنا يسسسسسسسسسسستر



ورااااااااح يوسف واسلام ونهي عند الناصيه


.......

ويتفاجأ يوسف بملك بنفس لبسها اللي شافها بيه اول مره
خلاص الطرحه الطويله قصرت تاني ... والجيبه بقت بنطلون
وبرائة وشها الطفولي شوهتته الوان الميكب.. وواقفة مع بنتن وولد .. مستنين الباقى علشان يروحو يسهرو زى كل يوم


وزي ما اتفاجأ يوسف ملك كماااان اتفجأت بيه



ملك:: يوسف؟؟؟ انت جيت امتى ؟؟ وايه اللى عرفك انى هنا ؟؟ وهى فى موقف صعب اووى .. كانت مش تتمنى يوسف يشوفها كده ..



يوسف:: رجعت الحمد لله ومش مهم امتي ....ازيك انتي يابشمهندسه ملك ..



تعرفي ياملك والله كان عندي كلام كتير بس خلاص راح ... مبقااااش ينفع.. ياخسارة ياملك .. كان نفسى ارجع الاقيكى مستنيانى بالدعاء والصلاة .. كان نفسى تفضلى كل يوم فى صلاتك وسجودك .. تدعى ان ربنا يجعلنى من نصيبك .. وتحافظى على اخلاقك والقيم اللى علمتهالك ..


مكنتش متخيل انك واخده الالتزام لعبه تقربي شويه وتبعدي شويه

ع فكره .... حلو الميكب اللي عليكي ده لااااااايق اوي ع البنطلون
سبحان الله ... طب لو كنتي اتجوزتي دلوقتي ... هو ده اللي هتعلميه لاولادك
هتقوللهم ان دينهم حاجه هينه اوووي يفرطوا فيها بسهوله لاي سبب تافهه

النصيب يت ملك قدر ربنا مقدره لكل مخلوق .. وهايحصل غصب عننا كلنا .. ولما نقابله نقابله بحب ورضى وتسليم .. والالتزام الحقيقى هو اللى بيعلى قدرنا وبيجمل حياتنا ويعلمنا معنى السعاده .. هو اللى بيكون خالص لربنا وحده من غير اى سبب او تسويف .. مش علشان انا مش موجود خلاص ..تضيعى نفسك بالشكل ده ..



ملك:: يوسف ارجوك كفايه متقتلنيش بكلامك ... انت ظالمني بجد ...الحكايه مش كده .. ارحمنى .. انت السبب .. انتى اللى اتخليت عنى وسبتنى فى اكتر وقت كنت محتاجاك فيه .. جاى تعاتبنى دلوقتى .. فين وعدك ليا وكلامك ..


يوسف : انت شايفة ان ده مبرر ؟؟ انا اسف انى جيت .. عن ائذنك


ملك
: استنى يايوسف .. هافهمك ..انت مش عارف حاجه



يوسف:: انا مش عاوز افهم حاجه خلاص يابشمهندسه

خلاص الحكايه خلصت ... عن اذنك


ومشي يوسف ووراه ملك بتحاول توقفه عشان تفهمه الحكايه.. وهى منهاره فى البكاء


ملك:: يوسف... استني ياايوسف... الله يخليك اسمعني بس


ويوسف يبعد اكتر وصوت ملك يعلي اكتر واكتر


استني يايوسف

ارجوك اقف


لكن فجاه .....أ



صوت ارتطام ملك بعربيه ماشيه بسرعه رهيبه صدمت ملك لما كانت بتعدي الشارع ورا يوسف

كان صوتها اعلي من صوت ملك وهي بتنادي




المره دي وقف يوسف وقف عشان يلتفت وراه يلاقي ملك حببته اللي عمره ما اتمني يقضي عمره مع حد قدها

يلاقيها غرقانه ف بحر دم
؟؟؟؟!!!!!!!!!!!!!!!!!!أ

؟؟؟؟؟
؟؟؟؟؟

ووسط زهول من الجميع ... محدش مصدق ده حقيقي ولا حلم

جري يوسف ع ملك ومن قبله نهي واسلام


يوسف:: لا ياملك ارجووووكي ... ردي عليا ....انا اسف والله

والله قلتلك كده عشان بحبك والله العظيم مش هسيبك
قومي ياملك الله يخليكي
ملك ردي عليا
ملك
ياملك ارجوكي


نهي:: ملك والله يوسف كان بيقول كده عشان بيحبك ...دا كان ناوي يعملك مفجاه ويجي يتقدم لباباكي بكره


ملك الله يخليكي ردي علينا

ملك
مللللللللللللللللك



ووسط ندآآآآآآآت الكل ع ملك ... برررضو ملك مردتش

وفشل مخطط يوسف
وف لحظه واحده اتهدت كل احلامه

وكان للقدر رأي تاني



.......................

.......................


استنوووووونا المره الجايه مع الحلقه الاخيره للجزء الأول

من مسلسل حبك احياني

تاليف: سيفيوسف




الحلقه الاخيره

..... مسلسل حبك أحيانى
-------------------



وصلنا اخر مره لما ملك عملت حادثه وهي بتحاول تكلم يوسف وتفهمه

ووصلنا لما كان يوسف بينادي عليها ويعتذرلها وهي مش بترد عليه بعد ما عيونها اتقفلت وغرقت ف بحر من دمها (((


نهي:: ملك والله يوسف كان بيقول كده عشان بيحبك ...دا كان ناوي يعملك مفجاه ويجي يتقدم لباباكي بكره

ملك الله يخليكي ردي علينا
ملك
مللللللللللللللللك


يوسف:: لا ياملك ارجووووكي ... ردي عليا ....انا اسف والله
والله قلتلك كده عشان بحبك والله العظيم مش هسيبك
قومي ياملك الله يخليكي
ملك ردي عليا
ملك
ياملك ارجوكي


اسلام::لا يايوسف ... الله يخليك حاول تتمالك نفسك
احنا لازم نلحقها بسرعه ف المستشفي
قوم يايوسف
يااااااااااااااااربي .... امسكي انتي معايا يانهي عقبال ما اوقف تاكسي
ياجماعه تمالكوا نفسكم لااااااااااازم نلحقها

وراحوا كلهم ع المستشفي
ودخلت ملك غرفة العمليات
ونهي كلمت والدة ملك وباباها اللي جم ع طووووول ع المستشفي وكلهم لهفه ع بنتهم
ووسط حالات الزهول والاستغراب اللي فيها الجميع
والحزن اللي سيطر ع المكان
وبعد ما ايقن الجميع ان مفيش حل ف ايد اي حد دلوقتي الا بايد ربنا
وقف الكل يدعي ربنا يقوم ملك بالسلامه ويكتبلها عمر برحمته


يوسف.. عرف الحل وعرف ازاى ملك هاترجعله تانى .. جرى يوسف يحضن سجادته ..عرف ان ربنا رحيم وهايساعده .. سجد يوسف وهو منهار فى البكاء .. يستغفر ربنا ويطلب منه ينقذ ملك .. اصله مش هايقدر يعيش من غيرها .. وعد ربنا لو انقذ ملك .. هاتكون سبب يساعد يوسف انه يقرب من ربنا اووى .. هايبنى معاها بيت مسلم ملتزم .. كله حب وامان وقيم واخلاق .. وينادى يوسف وهو بيصرخ .. يااااارب .. قد ايه كلمة حلوة اووى وقت ما بنبقى فى عز المنا وتعبنا وجرحنا .. ووقت ما نقول يارب .. بيكون جنبنا ويساعدنا ..

(وبعد شويه)
____________



خرجت ممرضه من غرفة العمليات
......


والد ملك:: خير يابنتي .... انا ابوها ....طمنينا الله يخليكي


الممرضه:: اطمن ياحج ..خير باذن الله
ادعولها انتوا بس وان شاء الله تقوم بالسلامه
بس فيه مشكله دلوقتي

يوسف سمع صوت الممرضة خرجت من عند ملك .. جرى عليها بلهفة غير عادية .. وفى وسط استغراب وذهول من الجميع ..

يوسف:: مشكلة ايه ؟؟ خير قولي

ها قولي
مشكلة ايه ؟؟؟؟؟


الممرضه :: اصل فصيلة دمها

وعندنا نقص ف الفصيله دي ف المستشفي
محتاجين ع الاقل 3 اكياس دم
ارجوكوا حاولوا تتصرفوا

والد ملك :: خدي يابنتي مني ... وامها كمان احنا مستعدين

الممرضه :: وريني ياحج بطاقتكم
......
......
لا للاسف مش هتنفع لااااااااااااازم من نفس الفصيله
ارجوكوا اتصرفوا بسررررررعه


يوسف::

طب الحمد لله ...انا فصيلتيAB
يلا بسرعه الله يكرمك .... خدي مني الكميه اللي انتوا محتاجنها


الممرضه ::لا لا مش هينفع ناخدها كلها منك ... كده ممكن يحصلك حاجه
بس هناخد اللي ينقذ الموقف دلوقتي ..لغاية ما احنا نتصرف


واخدت الممرضه من دم يوسف اللي ينقذ الموقف وينقذ ملك مؤقتا
وداااااااااخ يوسف شويه .... يمكن من تاثير الصدمه او عشان كلمية الدم اللي اتاخدت منه عملت له عدم اتزاان ...... جاااايز

لكن الاكيد انه مجدر ما فاق وقدر يتمالك نفسه راح يدور ف كل المستشفيات اللي حواليهم ع نفس الفصيله والحمد لله لقي النوع المطلوب

وخرجت ملك من العمليات ...... والحمد لله العمليه نجحت
وربنا اكرمها وكتب لها عمر جديد زي ما بيقولوا


وفضلت ف المستشفي اكتر من اسبوع وطول الاسبوع يوسف كان كل يوم يجي يزورها بس من غير ما تشوفه ولا تعرف انه جه
يطمن عليها بس ويمشي تاني


لكن الموضوع ده قلق والد ملك ووالدتها جدا لدرجة انهم سالوا اسلام عنه.. وقد ايه هو ضحى علشان ملك .. وكان ملهوف اووى عليها .. كمان كان والد ملك محتاج يشكره على موقفه معاهم

اسلام : ده البشمهندس يوسف زميلنا وزميل ملك فى الكليه .. انسان خلوق جدا وملتزم وابن ناس .. كان معانا وقت الحادثة وشاف ملك وهو اللى جابها المستشفى ..
ثوانى اندهله لحضرتك تسلم عليه وتشكره بنفسك ..


اسلام :: يوسف انا عارف انك قصدك خير ..... بس والد ملك اخد باله وسالني كذا مره مين ده اللي قلقان عليها اوي كده
واتبرعلها بدمه وكمان بيزورها كل يوم .. وطلب انه يتعرف عليك ويشكرك بنفسه على اللى عملته مع ملك ..


يوسف:: اها ... فعلا عندك حق ... انا زودتها اوي
طيب كويس .. انا هاجى وراك دلوقتى وهاكلمه وهاطمنه .. وهاحكيله على اللى كان لازم يحصل من زمان

اسلام:: طيب تمام.... ربنا يقدرلك الخير يارب ....صحيح
انت بتمشي ليه قبل ما ملك تصحي عشان تعرف انك موجود؟؟؟؟


يوسف:: معلش كده احسن .... هستني بس لما تبقي كويسه
هي اكيد مش حمل اي حاجه دلوقتي لا فرح ولا حزن
وبعدين عندي احساس رهييييييييب بالذنب
كنت قاسى عليها جدا فعلا فى كلامى .. بس والله غصب عنى .. ومن ورا قلبى كمان .. انا اتصدمت بحالها ..كنت فاكرها هاتستنانى زى ماسبتها .. بس كان لازم اقدر الظروف اللى كانت فيها .. كان لازم اسمعها وافهم وجهة نظرها .. سمحينى ياملك
وفى اللحظة دى يقرب والد ملك منهم ...

اسلام : استني والد ملك هناك اهوه ....شكله جاى علينا ..امسك نفسك كده بقى وخبى دموعك دى وكلمه ..

سلم يوسف على والد ملك وطلب منه يقعد معاه شوية هو ووالدة ملك .. واتكلم معااااهم كتير .. وقال على كل اللى فى قلبه .. ووسط نظرات استغراب واندهاش عجيبه من الطرفين
طلب يوسف من والد ملك يجي يزور ملك الاسبوع الجاي فى المستشفى

وصارح والدها ووالدتها بحقيقة مشاعره اتجاه ملك ..وانه عاوز يرتبط بيها على سنة الله ورسوله .. وانها تكون شريكة حياته .. ويعوضها عن كل لحظة تعب او جرح او دموع عاشنها ملك .. وطلب منهم ان الموضوع يتم بعد اكتمال الشفاء على خير

.....
.....
(وبعد اسبوع)
جه معاد زيارة يوسف اللي اخد الاذن عشانها من والد ملك
والحمد لله ملك بقت احسن كتير
لكن متعرفش موضوع الزياره دي

استاذن يوسف ودخل ع ملك ف وجود والدتها ونهي صحبتها :))))))))


يوسف:: السلام عليكم .... حمد لله ع السلامه يا ملك .. كده تقلقى بابا وماما عليكى .. ولا كنتى عاوزة تعرفى انتى قد ايه غالية عليهم .. ؟؟ لا اطمنى انتى غالية اووى عليهم .. وهو عنيه مليانة بموع الحب والاعتذار


ملك:: يوسف؟!!!!!! وعنيها فى عينه .. عاوزة تقوله سامحنى ..عاوزاه يحس بيها وقد ايه هى محتاجاله اوووى
خبت ملك وشها ..علشان الدموع هاتفضح مشاعرها قدام والدها ووالدتها


نهي:: احم احم .. اتفضل يا بشمهندس يوسف حضرتك واقف ليه ..والا لازم اقول لملك انك بقالك اسبوع بتيجي كل يوم تطمن على ملك ..



ملك:: بجد ؟؟؟ معقول ؟؟؟ طيب ليه مش كنت بتكلمنى يا يوسف



والدة ملك:: ايوه ياملك ربنا يجازيك خير بجد يا بشمهندس ..... هو لولا الدم اللي اتبرعت بيه لملك ومكنش فيه ف المستشفي فصيلتها كانت قامت دلوقتي بالسلامه
ياااااااااااه والله قلبي بيوجعني لما افكر ف كده حتي
ربنا يخليك يابني ويسعدك ياااااارب


ملك:: كمان اتبرعتلي بدمك؟؟؟ فرحت اووى ملك ..دم يوسف بيجرى جواها .. افتكرت دعاء كانت ديما تدعيه لربنا فى كل صلاة .. ان قلبها ينبض ديما بحروف اسم يوسف.. وهو فعلا استجاب لدعائها .. وبقى قلبها مليان بدم يوسف .. ونظرت للسماء وعنيها مليانة دموع وهى بتقول .. ما ارحمك وما اعظمك يا رب.. يا احن علينا من نفسنا .. بحبك يارب .. بحبك اووى .. ومحتاجالك اووى


يوسف:: متشكره ايه بس ..... ايه ياجماعه كبرتوا الموضوع
اي حد مكاني كان عمل كده واكتر.. وعموما حمدالله على سلامتك يا ملك ..

خلاص بقي ياجماعه ممكن كفايه شكر بقي مش معقول كده
احم .... المهم بقي ياملك ..مش ناويه تقومي بالسلامه بسرعه بقي عشان تحضري خطوبتي

ملك:: خطوبتك ؟؟؟؟ انت خطبت ؟؟؟ الف الف مبروووووك ربنا يسعدكم يارب
اكيد لو بقيت كويسه هحضر طبعا .... ربنا يتمملكم ع خير
انت اكيد هتعزمني صح ؟؟


يوسف:: امممممممم .؟...
بصراحه يعني
......
......
ااااااااايوووووووووووه طبعا
لااازم اعزمك .... تعرفي ليه؟؟؟

ملك:: ليه ؟؟؟ وعنيها كلها دموع وحزن على يوسف


يوسف:: عشان مفيش فرح بيتم من غير ما العروسه تكون معزومه فيه


ملك:: !!!!!!!!!!!!!؟؟؟؟؟؟؟؟؟؟؟؟؟ AB????? AB ؟؟؟؟؟
عروسه ؟؟؟؟؟؟ ازاي يعني ؟؟؟ تقصد ايه

يوسف:: ايوووووووووه اللي فهمتيه بالظبط


ملك:: فهمت ايه ... لا بجد تقصد ايه..


والدة ملك:: ايوه ياملك حببتي ... يوسف خطبك من ابوكي وحكاله عن كل حاجه
ولما ابوكي شاف يوسف قد ايه فعلا راجل بمعني الكلمه وحاول يحافظ عليكي ع قد ما يقدر .... وافق

بس طبعا ماكدناش لسه موافقة العروسه
ولو وافقتي اول ما تقومي بالسلامه هنعمل خطوبه
ها رايك ايه بقي ياعروسه :)))))


ملك:: رأيي ؟؟؟ ههههههههه طبعاااااااااا موافقه
وع فكره انا بقيت كويسه جداااااا
ممكن اخرج النهارده ونعمل الخطوبه النهارده برضو ^^



والدة ملك:: ههههههههه يالهوي
ايه بنتي الاستعجال ده
زمان ع ايامنا كانت البنات تتكثف وتقول اللي تشوفه يابابا....مش اه طبعا موافقه


نهي:: ههههههههه معلش بقي ياطنط ما احنا الجيل الجديد بقي
بجد الف الف مبروووووووك ياملوكه
ربنا يتمملكم ع خير يارب .... انا بجد مش مصدقه


ملك :: انا اللي بجد مش مصدقه
يوسف ...... يوسف انا بجد نفسي اقولك واوضحلك حاجات كتير
وبقولك اهوه قدام امي عشان ماخبيش عليها حاجه :))
بس بجد انت اجمل حاجه حصلتلي ف حياتي

ملك : يوسف عاوز اقولك حاجه .. انت فعلا حبك أحيانى
بوجودك جمبي وف حياتي بقيت حد احسن كتيييييييييير وقربت من ربنا اوي
وعرفت طعم الخير والسعاده ف قرب ربنا
وعارفه اني غلطت لما بعدت عن ربنا الفتره اللي فاتت
بس اوعدك ارجع وابقي احسن واحسن واحسن بكتير :)))

بجد نفسي اقولك كلام كتير بس مش عارفه اجمع ومش مركزه


يوسف:: هههههههه اكتر من كده ؟؟ ههههه لا لا كفايه اوي متقوليش حاجه دلوقتي
بكره لما ربنا يجمعنا ببعض ف الحلال
هسمع منك كل اللي نفسك فيه وانا كمان هسمعك كل حاجه جوايا


المهم بقي اننا هنحاول ع قد ما نقدر منعملش اي حاجه غلط تاني حتي لو بهدف اننا نقرب من بعض
ادينا شوفنا نتيجة الكلام الغلط تعبنا ازاي احنا الاتنين

هنقول كل حاجه بعدين ... وهيبقي ليها طعم تاني واحلي طعم ... هتبقي بطعم الحلال :))))



وبعد كام يوم لما خرجت ملك وبقت احسن كتير
اتقدم يوسف هو ووالده بشكل رسمي
وقبلهم والد ملك
واتعلقت الانوار ..... وعليت الزغاريط .... وكترت التهاني
ولبست اجمل ملك ف الدنيا ..... اجمل فستان
عشان يعلنوا للناس كلها ان ملك اتخطبت ليوسف
ووسط كل الفرحه اللي حواليهم
لسه فيه شغف جواهم لليوم اللي ربنا هيجمعهم فيه ع الخير
ف بيت واحد ويكملوا حياتهم مع بعض خطوه بخطوه


..........................
..........................
..........................
كده خلصت "حبك احياني" الجزء الاول


محتاجين تقوولننا رايكم ف الجزء ده
واستنونا ان شاء الله فى الجزء التاني هنشوف هيعملوا ايه ف الخطوبه والجواز

عموما يااااااااارب يكون عجبكم
ووصل هدف المسلسل
نشوفكم ع خير ديما يااااارب

__________________________ ________


التعديل الأخير تم بواسطة سايكو ; 09-17-2011 الساعة 10:16 AM سبب آخر: ........
G.h.a.l.y غير متواجد حالياً   رد مع اقتباس
قديم 08-10-2011   #22
Doc Ahmed Waheed
القائم بأعمال الإشراف العام
 
تاريخ التسجيل: Jan 2010
المشاركات: 6,049
افتراضي رد: ღ♫"♥♥ •٠· مسلسل حبك احيانى ( متجدد )ღ♫"♥♥●•٠·



حلاوتك يا معلم .. تسلم إيديك

و بجد شوقتنا كل شويه نشوف الجديد

متابع معاك إن شاء الله

:)

Doc Ahmed Waheed غير متواجد حالياً   رد مع اقتباس
قديم 08-10-2011   #23
Mr_AHMED
..:: امير المصطبة ::..
 
تاريخ التسجيل: May 2010
الدولة: في الف ليلة وليلة
المشاركات: 1,845
إرسال رسالة عبر مراسل MSN إلى Mr_AHMED إرسال رسالة عبر مراسل Yahoo إلى Mr_AHMED
02222255[1] رد: ღ♫"♥♥ •٠· مسلسل حبك احيانى ( متجدد )ღ♫"♥♥●•٠·

ههههههههه ميرسى يا احمد انت نورت التوبك بكلامك الجميل دة

وبجد بجد اللى جاى احلى تامر حسنى

Mr_AHMED غير متواجد حالياً   رد مع اقتباس
قديم 08-10-2011   #24
Eng.Mostafa
..:: عــضــو رهيب و متميز ::..
 
تاريخ التسجيل: Jun 2011
الدولة: Mansoura
المشاركات: 1,211
افتراضي رد: ღ♫"♥♥ •٠· مسلسل حبك احيانى ( متجدد )ღ♫"♥♥●•٠·

تسلم ايدك يا معلم ومتابع معاك بأذن الله ومتتاخرش علينا

Eng.Mostafa غير متواجد حالياً   رد مع اقتباس
قديم 08-10-2011   #25
Eng.Mostafa
..:: عــضــو رهيب و متميز ::..
 
تاريخ التسجيل: Jun 2011
الدولة: Mansoura
المشاركات: 1,211
افتراضي رد: ღ♫"♥♥ •٠· مسلسل حبك احيانى ( متجدد )ღ♫"♥♥●•٠·

اقتباس
مشاهدة المشاركة المشاركة الأصلية كتبت بواسطة mr_ahmed

وبجد بجد اللى جاى احلى تامر حسنى

كده محبكش وازعل كمان

Eng.Mostafa غير متواجد حالياً   رد مع اقتباس
قديم 08-10-2011   #26
Mr_AHMED
..:: امير المصطبة ::..
 
تاريخ التسجيل: May 2010
الدولة: في الف ليلة وليلة
المشاركات: 1,845
إرسال رسالة عبر مراسل MSN إلى Mr_AHMED إرسال رسالة عبر مراسل Yahoo إلى Mr_AHMED
افتراضي رد: ღ♫"♥♥ •٠· مسلسل حبك احيانى ( متجدد )ღ♫"♥♥●•٠·

اقتباس
مشاهدة المشاركة المشاركة الأصلية كتبت بواسطة eng.mostafa
كده محبكش وازعل كمان

هههههه وانا اقدر على زعلك يا باش مهندس نورت التوبك ومش هتاخر فى نفس الميعاد

Mr_AHMED غير متواجد حالياً   رد مع اقتباس
قديم 08-10-2011   #27
بنت النيل
Banned
 
تاريخ التسجيل: Jan 2010
المشاركات: 77
افتراضي رد: ღ♫"♥♥ •٠· مسلسل حبك احيانى ( متجدد )ღ♫"♥♥●•٠·

تسلم يااحمد حلقه حلوة جدا
مستنيه باقي الحلقات
تقبل مروري

بنت النيل غير متواجد حالياً   رد مع اقتباس
قديم 08-11-2011   #28
KAReeM_M
..:: الفائز بالمركز الأول بمسابقه مكتبه القصص و الواحه الإسلاميه _ رمضان 2011 ::..
 
تاريخ التسجيل: Apr 2010
الدولة: مســــــــلم مصـــــــــــري أهلاويــــــــــــــ
المشاركات: 3,465
افتراضي رد: ღ♫"♥♥ •٠· مسلسل حبك احيانى ( متجدد )ღ♫"♥♥●•٠·

تسلم ايدك يا غالي ومتابع معاك بأذن الله

KAReeM_M غير متواجد حالياً   رد مع اقتباس
قديم 08-11-2011   #29
Mr_AHMED
..:: امير المصطبة ::..
 
تاريخ التسجيل: May 2010
الدولة: في الف ليلة وليلة
المشاركات: 1,845
إرسال رسالة عبر مراسل MSN إلى Mr_AHMED إرسال رسالة عبر مراسل Yahoo إلى Mr_AHMED
افتراضي رد: ღ♫"♥♥ •٠· مسلسل حبك احيانى ( متجدد )ღ♫"♥♥●•٠·

ميرسى يا بنت النيل صفحاتى ازدادت نورااا واشراقا
ثانك يوووووووووو


التعديل الأخير تم بواسطة Mr_AHMED ; 08-11-2011 الساعة 12:10 AM
Mr_AHMED غير متواجد حالياً   رد مع اقتباس
قديم 08-11-2011   #30
Dew drops
..:: الفائز بالمركز الثاني في مسابقه المعلومات العامه _ رمضان 2012 ::..
 
تاريخ التسجيل: May 2010
الدولة: مصر\الشرقية
المشاركات: 3,959
افتراضي رد: ღ♫"♥♥ •٠· مسلسل حبك احيانى ( متجدد )ღ♫"♥♥●•٠·

بجد قصة جميلة جدا

الناس المحترمة اللي زي دي مش موجودين دلوقتي

قصة مشوقة للغاية

تسلم ايدك

في انتظار جديدك بشوق ولهفة

Dew drops غير متواجد حالياً   رد مع اقتباس
إضافة رد

الكلمات الدلالية (Tags)
ღ♫♥♥ •٠· مسلسل حبك احيانى متجدد ღ♫♥♥●•٠·
تعليقات زوار الموقع على الفيس بوك


أدوات الموضوع
انواع عرض الموضوع

الانتقال السريع


الساعة الآن 03:19 AM.


Follow @elmaazon تابع ايجى لفرز على الفيس بوك وتويتر لحظه بلحظه