الحوار الساخن هنا كلام في السياسة، وكمان مناقشات جادة بين الاعضاء في مجالات كتير..



إضافة رد
 
أدوات الموضوع انواع عرض الموضوع
قديم 05-05-2011   #11
Hazem
..:: الفائز بالمركز الأول بمسابقه القلم الحر ::..
 
تاريخ التسجيل: Sep 2009
الدولة: أ حــ مــ ا نــ ز يــ مــ ةـ
المشاركات: 5,671
افتراضي رد: شات الحوار الساخن (لمن يهتم بالسياسة)

اقتباس
مشاهدة المشاركة المشاركة الأصلية كتبت بواسطة فارس بلا جواد
السلام عليكم

اولا الموضوع جميل جدا

وثانيا اعذروني عن قلة دخولي

وانا مع الراي اللي بيقول ان العمليه مفبركه من امريكا لاسباب كتيره
زي ما قال الاخوه

والايام اثبتت كتير ولسه كمان

اكرر اعتذاري لقلة الحضور
وباذن الله اتابع علي قدر المستطاع

نورت يا احمد باشا .. ونتمني نشوفك كتير هنا

اقتباس
مشاهدة المشاركة المشاركة الأصلية كتبت بواسطة روضة الجنة
فكرة جميلة اوي يادكتور

خاصا في الايام المقبله محتاجين وعي سياسي علشان ماحدش ياكل علينا حقوقنا بعد كده

نفهم يعني ايه ظلم في السياسه
يعني ايه سياسه اتجاز القرار
يعني ايه السياسه الغربيه ودورها في التأثير على العرب

نفهم بعض وننور بعض هناا

تم التثبيت


صح يا روضة
أهم حاجة انو يتشكل عندنا وعي سياسي
مش شرط نكون سياسيين محنكين من الدرجة الاولي
بس علي الاقل منبقاش أبيض في السياسة .. ونعرف علي الأقل الدنيا ماشية ازاي
وزي ما قولت ان السياسة جزء لا يتجزأ من حياتنا اليومية
والموضوع ده ان شاء الله هيشتغل حلو طالما انك موجودة باستمرار في القسم ومتابعة وطالما فيه ناس بتدخله ليها اراء وافكار محترمة تدعو لنقاش حضاري هادف

Hazem غير متواجد حالياً   رد مع اقتباس
قديم 05-05-2011   #12
Hazem
..:: الفائز بالمركز الأول بمسابقه القلم الحر ::..
 
تاريخ التسجيل: Sep 2009
الدولة: أ حــ مــ ا نــ ز يــ مــ ةـ
المشاركات: 5,671
افتراضي رد: شات الحوار الساخن (لمن يهتم بالسياسة)

اقتباس
مشاهدة المشاركة المشاركة الأصلية كتبت بواسطة روضة الجنة
لاشك ان مكان وجود بن لادن كان معروفا لدى

الاستخبارات الامريكية منذ شهور ولكن الولايات المتحدة لم تعتاد على فعل شىء اللا وكان مدروسا بشكل يحقق العديد من الاهداف فى وقت واحد

أولا.. اكدت استطلاعات للراى انخفاض شعبية اوباما فكان اختيار التوقيت هاما لتحويله الى فارس نجح فيما فشل فيه سلفه بوش
وخلص بلاده من الراس المدبر لاكبر عملية ارهابية طالت الولايات المتحدة وراح ضحيتها ما يقرب من ثلاثة آلآف قتيل
اضافة الى بلايين الدولارات التى خسرها
الاقتصاد الاميركى من جراء العمليه..مما يضمن له الولاية الثانية
اما ثانيا .. فما تواجهة الولايات المتحدة من مصاعب اقتصادية وميل سياسى وشعبى الى تغيير استراتيجية الامتداد العسكرى المكلف اضافة الى الفشل المتوالى فى افغانستان والعراق...

كل هذا ادى الى ضرورة ايجاد اسلوب مشرف
لانسحابات امريكية من تلك البلاد ..فكان عليها ايجاد ذريعة قوية تجعلها تخرج من تلك البلاد خروج المنتصر..
ثالثا وربما كانت الاخطر..هو فصم العلاقة التى ربطت القاعدة بايران وهى علاقة تخيف الولايات المتحدة وتستحق ان تخيفنا جميعا وقد خرجت الكثير من التقارير عن هذة العلاقة ويعلم الكثيرين بوجود ابناء بن لادن المتكرر فى ايران ..وقد تجلت نتائج ذلك فى شبكات التجسس التى كشف عنها فى الخليج والتى لم يكشف عنها بعد اضافة الى محاولات زعزعة الامن فى البحرين بتحريك الشيعة هناك..
وصاحب العلاقة وسببها الرئيسى هو بن لادن منظر القاعدة وملهمها الاول..
وعلاقته بايران هى اسلوب تلاقى المصالح الذى جمعه بامريكا من قبل..فلآن

جمعهما العداء لامريكا على طريقة " عدو عدوى صديقى "





عارفة يا روضة .. انا لما عرفت انو اتقتل جيه في دماغي حاجتين
أول حاجة انو اتعرض لخيانة من أحد مساعدية لأن الراجل ده كان مدوخ أمريكا 10 سنين بحالها ويمكن حتي قبل أحداث 11 سبتمبر .. مش من السهل انو يقع بالسهولة دي الا اذا كان منصوب ليه فخ او حد خانه
تاني حاجة .. موضوع الجواسيس الايرانيين اللي بيكتشفوهم موجودين في الكويت والبحرين وأفغانستان .. ربطت الموضوع ده باغتياله مع اني ساعتها كنت مستغرب جداااااا من وجود جواسيس في البلاد دي

بس يا جماعة هو فعلا اتقتل .. سيبكوا انتوا من الاشاعات اللي بتطلع دي وتقولكم ده لسة عايش
صحيح .. هما فبركوا صورة ليه .. وفيه غموض كبير حول اغتياله زي ما قال حسن
بس هو فعلا مات

وكمان سيبكوا من الحوار الجديد اللي طلع بتاع صدام حسين لسة عايش وان اللي اتقتل ده واحد شبيه ليه
.. صدام حسين مات فعلا

بس انتوا مش ملاحظين حاجة في التوقيت بتاع قتل بلادن وصدام حسين

صدام حسين قتلوه يوم العيد الكبير الصبح في رسالة استهزاء منها للعالم الاسلامي علشان يقولولك دبحناه زي الخرفان اللي بتدبحوها علي العيد

بلادن قتلوه بعد نجاح ثورتي مصر وتونس وبعض اندلاع الثورات في العالم العربي الذي أوشك أن يتحرر من قيود السياسات الأمريكية
في رسالة تحدي للعالم الاسلامي والعربي والسخرية منه والاستهزاء به

السؤال .. لماذا هذا التعنت الواضح من الولايات المتحدة ضد العالم الاسلامي ؟؟
ولماذا كل هذه الضغينة والكراهية للمسلمين ؟؟

Hazem غير متواجد حالياً   رد مع اقتباس
قديم 05-07-2011   #13
Hazem
..:: الفائز بالمركز الأول بمسابقه القلم الحر ::..
 
تاريخ التسجيل: Sep 2009
الدولة: أ حــ مــ ا نــ ز يــ مــ ةـ
المشاركات: 5,671
افتراضي رد: شات الحوار الساخن (لمن يهتم بالسياسة)

وعلشان نقفل الحوار في موضوع مقتل أسامة بلادن
لازم نتكلم بمصداقية شوية
أنا طبعا مش بؤيد الارهاب اطلاقا ولا بؤيد قتل نفس بغير حق
بس الراجل ده كان معلم امريكا الأدب وكان بيحاول علي أد ما يقدر انو يحارب اعظم دولة في العالم بايمانه لينال احدي الحسنيين .. اما النصر واما الشهادة
صحيح .. هو أذي صورة الاسلام والمسلمين أكتر مما نفعها
وبسببه امريكا دخلت العارق وافغانستان وباكستان بحجة انها داخلة تقضي علي الارهاب

بس باي حال من الأحوال .. لا يليق أبدا برجل كرث حياته كلها من أجل الجهاد في سبيل الله وترميم المسجد الحرام من أمواله الخاصة أن يموت بهذه الطريقة البشعة
ولا يجب أبدا الفرح والابتهاج بموت هذا الشخص
لذلك انا أستنكر موقف الدول العربية التي صرحت بابتهاجها بذلك الخبر ورفضها أن يدفن علي أراضيها

****************

وده مقال أنا قريته وعجبني يلخص موضوع مقتل أسامة بلادن :
(معذرة علي سهوي وقولي اني صاحب المقال)

عندما أعلن الرئيس الأمريكى أوباما بنفسه خبر مقتل أسامة بن لادن زعيم تنظيم القاعدة على يد الأمريكان، الذين طالما حلموا وعملوا على تحقيق هذا الهدف لسنوات طويلة, وجندوا من أجله عقولا وقواتا وأموالا طائلة، ووحدة خاصة فى جهاز المخابرات الأمريكية "السى أى أيه" للتتبع الرجل العربى المسلم ذو الثروة الطائلة، الذى ترك حياة الرفاهية والثراء، وآثر عليها حياة الجبال والكهوف وشظف العيش ليحقق أهدافه وقناعاته أيا كان حجم الخلاف والهجوم عليها, وهلل الأمريكان وغيرهم وخرجوا للاحتفال بهذا الخبر الذى شكك غيرهم فى صحته.

ورغم الإعلان الرسمى من جانب دول كثيرة ومنها دول عربية عن ارتياحها لهذا الخبر, واعتباره بداية للقضاء على الإرهاب, إلا أن الكثيرين استقبلوه بالحزن والوجوم, وهو ما يتجسد فيما نسمعه ونقرأه من تعليقات على وفاة بن لادن, وظهور مجموعات انطلقت على الإنترنت والفيس بوك للإعلان عن هذا الحزن, ومنها الصفحة التى دشنها عدد كبير من الشباب باسم "كلنا أسامة بن لادن"، والتى وصل عدد الأعضاء فيها إلى أكثر من 25 ألف مشارك خلال 5 ساعات فقط من إنشاء الصفحة, فضلا عن مواطنين آخرين من كل الدول العربية, تعددت واختلفت أسباب حزنهم على مقتل بن لادن, حتى وإن كانوا لا يتفقون مع أفكار وأسلوب تنظيم القاعدة وشيخه المقتول على يد القوات الأمريكية وبمساعدة من المخابرات الباكستانية, فبعضهم فسر هذا الإحساس بأنه رغم اختلافهم وأعتراضهم على تنظيم القاعدة, إلا أنه يحزنهم وفاة الرجل الوحيد الذى استطاع أن يخيف أمريكا, ويقف فى وجه أكبر قوة فى العالم, ويذيقها جزءا مما أذاقته لشعوب كثيرة فى العراق وفلسطين وأفغانستان وغيرها, وأن يرد بعضا من صفعاتها التى وجهتها للعالم العربى والإسلامى بتحالفها مع إسرائيل فى وقت تخاذل فيه كل الحكام العرب عن الوقوف فى وجه الهيمنة الأمريكية, وبعضهم أشار إلى إخلاص الرجل لفكرة التصدى للهيمنة والظلم الأمريكى والصهيونى التى عاد من أجلها لحياة الجبال والقتال، وخرج مرة أخرى من المملكة العربية السعودية اعتراضا على وجود القوات الأمريكية فى بلاد الحرمين الشريفين, بعد أن خرج فى المرة الأولى لمقاومة السوفيت فى أفغانستان, وأنه حتى وإن أخطأ، إلا أنه سعى بكل ما يملك لتنفيذ ما اعتقد بصحته, بينما استفز الكثيرين نبا إلقاء جثة بن لادن فى البحر والتمثيل بها, وهو ما اعتبروه امتدادا لتاريخ من الاستهانة الأمريكية بمشاعر المسلمين وحرمة موتاهم, وعدم الالتزام بما تتشدق به من مراعاة حقوق الإنسان والحيوان, حتى أن سيدة مصرية بسيطة جاءتني وانهمرت فى البكاء فور سماعها هذا الخبر قائلة: "هو كلب علشان يرموا جتته فى البحر، دول بيراعوا حتى حقوق القطط والكلاب وبيزعلوا لما ندبح الخرفان فى العيد، ويقولوا إننا دمويين يبقى يعملوا كدة فى جثثنا", قبل كدة ذبحوا صدام فى أول يوم عيد الأضحى ومثلوا بجتته, والنهارده يرموا جثة بن لادن فى البحر, هما دايما بيتعاملوا مع العرب والمسلمين على أنهم ما يستحقوش حتى حقوق حيواناتهم, ولعل كلمات هذه السيدة البسيطة تجسد وتفسر كل الأحاسيس التى انتابت من شعروا بالحزن لمقتل بن لادن, وهو الحزن الذى لا يعنى اتفاقا وموافقة على سياسات تنظيم القاعدة الذى يراه الكثيرون تنظيما إرهابيا أساء للإسلام والمسلمين أكثر من إساءات أعداء الإسلام, ولكنه حزن على نظرة أمريكا وممارساتها الدائمة وازدواجية معاييرها, فبينما تحارب الإرهاب إذا اقترب منها وذاقت أذاه, تجدها تدعمه وتقويه إذا مارسته هى وحليفتها إسرائيل فى فلسطين والعراق وأفغانستان, تعد الجيوش وتغزو البلاد إذا ما طال الإرهاب مدنيين أمريكان أو إسرائليين, بينما لا تتحرك حين يقتل الأطفال والنساء والشيوخ بلا رحمة فى الأراضى المحتلة, تحارب أسامة بن لادن وتنظيم القاعدة بينما كانت ممارساتها وسياساتها سببا فى نشأة وترعرع هذا التنظيم وغيره, ليواجه تطرفها وإرهابها بإرهاب آخر يذيقها بعض ما صنعته, ويذيقنا مرارة الصورة السيئة التى لصقها الغرب بالإسلام كذبا وزورا.

قد لا يكون كل الحزن على بن لادن حبا فيه, ولكن كرها فى السياسة الأمريكية ونظرتها وممارساتها وسياساتها حيال العالم العربى والإسلامى, وهو ما جعل البعض يؤكد أن من تفرح أمريكا وإسرائيل لموته يجب أن نحزن عليه!!

وبين من يعتبر موت بن لادن بداية للقضاء على الإرهاب الذى أساء لصورة الإسلام والمسلمين, وبين من يعتبر موته استشهادا لأنه مات على يد الأعداء الذين اغتصبوا الأرض ونهبوا الثروات، وأهانوا المسلمين وفقا للتصريح المنسوب للدكتور نصر فريد واصل مفتى الجمهورية الأسبق, يبقى أن علم بن لادن سيبقى عند ربه سواء كان مجاهدا شهيدا, أو مجتهدا أخطأ الاجتهاد, أو قاتلا للنفس التى حرم الله قتلها إلا بالحق.

ولكن لنا أن نمعن النظر فى توقيت وفاة بن لادن – إن صحت وفاته – وتزامنها مع انهيار عروش الحكام الظالمين لشعوبهم والخانعين للهيمنة الأمريكية الصهيونية, هذا التوقيت الذى تظهر فيه قوى جديدة لم تكن فى حسبان كل الطغاة, وهى قوى الشعوب الثائرة التى أثبتت للجميع أنها تستطيع تغيير مسار الأحداث, وصناعة المستقبل, ومواجهة الظلم بكل أشكاله سواء كان ظلم الحكام, أو ظلم واذواجية القوى الأمريكية الصهيونية, فالآن فقط تستطيع إرادة الشعوب أن تواجه هذه الهيمنة دون أن تنتظر إرهابا يشفى غليلها ممن ظلمها, ودون أن تجلس على مقاعد المتفرجين الذين يتابعون صراع الظالمين فينالهم الكثير من هذا الظلم.

الآن فقط يمكن أن نقول لأمريكا وإسرائيل أن أمامهما ما هو أكبر وأهم.. احذروا الشعوب العربية التى أفاقت بعد طول سبات.


التعديل الأخير تم بواسطة Hazem ; 05-07-2011 الساعة 01:08 PM سبب آخر: معذرة علي السهو
Hazem غير متواجد حالياً   رد مع اقتباس
قديم 05-07-2011   #14
G.h.a.l.y
.:: مـرشــح للإشـــراف ::.
 
تاريخ التسجيل: Apr 2010
الدولة: فى ذكرياتى
المشاركات: 2,394
إرسال رسالة عبر مراسل Yahoo إلى G.h.a.l.y
افتراضي رد: شات الحوار الساخن (لمن يهتم بالسياسة)

اقتباس
مشاهدة المشاركة المشاركة الأصلية كتبت بواسطة hazem


وده مقال أنا كاتبه يلخص موضوع مقتل أسامة بلادن :




انت بتهزر ياحازم ولا ايه؟؟؟ مقال ايه اللى انت كاتبه !!!!!

انا قرأت المقال دا امبارح فى اليوم السابع

والمقال بعنوان (الحزن على اسامه بن لادن)

بواسطة الكاتبه
زينب عبدالله

انا مش عارف ازاى تنسب المقال دا لنفسك كده

ياريت توضح لان دى تقريبا تانى مره الاقيك بتنسب مقال لنفسك !!!!!


التعديل الأخير تم بواسطة G.h.a.l.y ; 05-07-2011 الساعة 08:42 AM
G.h.a.l.y غير متواجد حالياً   رد مع اقتباس
قديم 05-07-2011   #15
Hazem
..:: الفائز بالمركز الأول بمسابقه القلم الحر ::..
 
تاريخ التسجيل: Sep 2009
الدولة: أ حــ مــ ا نــ ز يــ مــ ةـ
المشاركات: 5,671
افتراضي رد: شات الحوار الساخن (لمن يهتم بالسياسة)

اقتباس
مشاهدة المشاركة المشاركة الأصلية كتبت بواسطة ghaly

انت بتهزر ياحازم ولا ايه؟؟؟ مقال ايه اللى انت كاتبه !!!!!

انا قرأت المقال دا امبارح فى اليوم السابع

والمقال بعنوان (الحزن على اسامه بن لادن)

بواسطة الكاتبه
زينب عبدالله

انا مش عارف ازاى تنسب المقال دا لنفسك كده

ياريت توضح لان دى تقريبا تانى مره الاقيك بتنسب مقال لنفسك !!!!!


نورت الشات يا غالي بمشاركتك القيمة التي تنم عن وعي اجتماعي أخلاقي ثقافي سياسي

بص يا حبيبي ،،،
أنا مش من الغباء الفج والسذاجة اني اكتب مقال منقول من جريدة كل الأعضاء اللي في المنتدي بيتابعوها وبياخدوا منها الأخبار وهي جريدة اليوم السابع
اليوم السابع هو اكبر موقع بيحظي بنسبة مشاهدة
فعلا .. المقال ده منقول من جريدة اليوم السابع زي ما حضرتك تفضلت وقولت
أنا اقولك الموضوع جيه ازاي
عايز تصدق .. صدق
مش عايز .. براحتك .. محدش هيغصبك علي حاجة
انا بدل ما اكتب مقال قريته وعجبني كتبت مقال كاتبه
وربنا اعلم بنيتي وهو اللي هيحاسبني عليها
حتي لو أنا حرامي وبسرق حاجات وبنسبها لنفسي زي ما حضرتك بتقول هيكون عندي ذكاء شوية
يعني مش هنقل مقال من موقع كل الناس بتشوفه
هختار موقع أو جريدة محدش يعرفها كتير ومحدش بيقراها كتير وهنقل منها يا عم زي ما بتقول وهنسبها لنفسي
بص .. انت بتقول انك مهندس او حاجة زي كده يعني المفروض عندك ذكاء شوية
اولا .. المشاركة اللي انا كتبتها دي كتبت قبلها مشاركة بدقيقتين .. فمش من المعقول اني ألحق اكتب مقال طويل زي ده في دقيقتين
ثانيا .. فيه حاجة اسمها google searsh لو كتبت اي حاجة فيه وعملت سيرش هيطلعلك كل المواضيع المشابهة
فأنا مش من الغباء اني انسب حاجة لنفسي مش انا اللي قايلها
قولتلك دي جت سهو مني .. وبكررهالك عايز تصدق صدق مش عايز براحتك
ثالثا .. طالما انك بتقلب كتير في النت وكده .. ابقي ادخل علي الكونت بتاعي علي تويتر hazem mamdouh او ادخل علي الاكونت بتاعي علي الفيس doc dooha او ابقي قلب في الأرشيف بتاع مقالات القراء في اليوم السابع
هتلاقيني كاتب حاجات كتير .. مقالات وبوستات وكومنتات
حتي اليوم السابع ده فيه حاجة اسمها مقالات القراء
ابقي هات الأرشيف وشوف المقالات اللي كاتبها
يعني انا مش محتاج اني اسرق حاجة وانسبها لنفسي

رابعا .. انت قولتلي ان دي تاني مرة .. انا عايز اعرف اول مرة وهاتلي الحاجة اللي قولت انها بقلمي وانا ناقلها
وعندك يا عم جوجل سيرش مش بيستر حد .. هيفضح اي واحد
معلش هتعبك معايا شوية
ابقي شوف كل المواضيع اللي انا كاتبها بقلمي وشوف اذا كانت منقولة ولا لأ
أتحداك لو لقيت موضوع واحد انا كاتبه وبقول عليه انو بقلمي وهو منقول
ولو لقيته يا عم أنا بقولك اهو أدام الناس كلها
هات الموضوعين هنا في الشات ده
وقول عليا انت ناقل كذا
أنا مفيش علي راسي بطحة

خامسا .. في المقال نفسه مكتوب ان واحدة ست كبيرة جت تعيط لكاتبة الموضوع .. اكيد يعني هتعيط لواحد صحفي او مذيع او حد مشهور .. هتيجي تعيطلي انا ليه
بصفتي ايه يعني علشان تيجي تعيطلي ؟؟
وده دليل علي صدق نيتي
وبعدين انا لا كاتب صحفي ولا رئيس تحرير علشان اقول انا بكتب مقالات وكده .. انا بكتب حاجات علي أدي كده في مدونة قراء اليوم السابع والفيس وتويتر

سادسا وأخيرا .. انا لا هشام الجخ علشان اسرق قصايد واخد بيها جوايز واروح اعمل حفلات اخد عليها بالملايين في قصايد مسروقة اصلا
ولا زي واحد هنا في المنتدي مسجل مخصوص علشان يسرق اللي في الحصري (اللي هو مسروق اساسا) ويحطه في منتدي تاني بتاع واحد كان مشرف معانا
انا لا ده ولا ده
وانا مبسوط انك قريت كل الكلام علشان تصححلي الغلط اللي وقعت فيه لان مش حازم هو اللي يقع في الغلط

************

نورتني يا غالي .. خلينا نشوفك كتير هنا

Hazem غير متواجد حالياً   رد مع اقتباس
قديم 05-07-2011   #16
Hazem
..:: الفائز بالمركز الأول بمسابقه القلم الحر ::..
 
تاريخ التسجيل: Sep 2009
الدولة: أ حــ مــ ا نــ ز يــ مــ ةـ
المشاركات: 5,671
افتراضي رد: شات الحوار الساخن (لمن يهتم بالسياسة)

بعد ما خلصنا موضوع أسامة بلادن

نتكلم شوية عن الليبرالية


أكيد طبعا بنسمع الكلمة دي كتير


الليبرالية باختصار شديد يعني الحرية التامة للفرد وفصل الدين تماما عن الدولة


عايز اعرف رأيكم في مفهوم الليبرالية

وايه رأيكم في المفكرين الليبراليين ؟؟

وهل تحبوا ان مصر تبقي دولة ليبرالية ؟؟


وهل لو اتقدم للرئاسة مرشح ليبرالي هتنتخبوه ؟؟


أتمني أسمع أرائكم

Hazem غير متواجد حالياً   رد مع اقتباس
قديم 05-07-2011   #17
G.h.a.l.y
.:: مـرشــح للإشـــراف ::.
 
تاريخ التسجيل: Apr 2010
الدولة: فى ذكرياتى
المشاركات: 2,394
إرسال رسالة عبر مراسل Yahoo إلى G.h.a.l.y
افتراضي رد: شات الحوار الساخن (لمن يهتم بالسياسة)

استني استني هههههه

انت كبرت الموضوع كده ليه انا مكنتش بتهمك ولا حاجه بدليل اني قولت في الاخر ياريت توضح
وانت وضحت خلاص وخلص الموضوع

ثانيا اعتقد اللي ينقل مقال يكتب هو ناقله منين ومين اللي كاتبه طالما مش هو كاتبه بخط ايده صح ولا انا غلطان !!!

لاني حصلي لبس لما قرأت المقال دا كان شبيه جدا بالمقال اللي انا قرأته امبارح

فلما روحت لليوم السابع لقيته نفس المقال بالظبط فطبعا كان لازم اطلب توضيح منك ولا انا غلطان !!!

وبالنسبه للمقال الاول اللي انت كاتبه او ناقله قبل كده

انت فعلا كتبت مقال وقولت نفس الكلام بالظبط او تقريبا زيه
انت قولت (ودا مقال انا كاتبه ....... )

هحاول اشوف المشاركه دي واعرضها عليك

لكن انا مقولتلش او اتهمتك انك كاتب الكلام دا بخط ايدك او بقلمك ياريت تراجع كلامي كويس

واخيرا انا زي ماقولتلك انا طلبت توضيح منك

وانت وضحت حتي لو كنت بتهمك او ماشابه وخلاص انتهي الموضوع

لكن انت كبرت الموضوع والامر مش مستاهل اصلا

وياريت تتقبل كلامي سواء اتهام او نقد او حتي اتفاق بصدر رحب


بس ياريت لو هتذكر اي مقال بعد كده تقول المصدر او مين اللي كاتبه علشان ميحصلش لبس تاني اوك

تحياتي

G.h.a.l.y غير متواجد حالياً   رد مع اقتباس
قديم 05-07-2011   #18
تقوى الله
RwDa
 
تاريخ التسجيل: Aug 2010
الدولة: Inside my Zozza
المشاركات: 3,987
افتراضي رد: شات الحوار الساخن (لمن يهتم بالسياسة)

طبعا الكلام في السياسه هايعرضنا لشد كتير بين الاعضاء زي الحال بالظبط في الدولة

بس ياريت اللي عنده تنبيه لعضو زميله يبعتهوله على رسايل الزوار حتى مش هنا حفاظا على شكلنا قدام نفسنا وقدام بعض وكمان الرد على النقض يكون اهدى من كده

لو سمحتم اي شد خارج الموضوع اللي مفتوح للحوار انا مضطرة احذف المشاركات

فيه مليون اسلوب للسؤال وميت مليون اسلوب للردنقدر بيهم نقول اللي احنا عاوزينه بدون ما نعمل مشاكل
لازم نحافظ على فن الحوار خاصا هنا في الشات السياسي

اما بالنسبة لل الليبراليه فانا حابه اسمع منك ياحازم مختضصر عن معناها الاول قبل ماادخل في النقاش
خالص احترامي للجميع

تقوى الله غير متواجد حالياً   رد مع اقتباس
قديم 05-07-2011   #19
Hazem
..:: الفائز بالمركز الأول بمسابقه القلم الحر ::..
 
تاريخ التسجيل: Sep 2009
الدولة: أ حــ مــ ا نــ ز يــ مــ ةـ
المشاركات: 5,671
افتراضي رد: شات الحوار الساخن (لمن يهتم بالسياسة)

اقتباس
مشاهدة المشاركة المشاركة الأصلية كتبت بواسطة ghaly
استني استني هههههه

انت كبرت الموضوع كده ليه انا مكنتش بتهمك ولا حاجه بدليل اني قولت في الاخر ياريت توضح
وانت وضحت خلاص وخلص الموضوع

هههههههههه .. كبرت الموضوع !!
لما انت تيجي تقولي انت بتهذر .. ومقال ايه اللي انت كاتبه والكلام اللي قولته ده
انت من وجهة نظرك شايف انه كلام عادي ميستاهلش اني ارد عليه !!

ثانيا اعتقد اللي ينقل مقال يكتب هو ناقله منين ومين اللي كاتبه طالما مش هو كاتبه بخط ايده صح ولا انا غلطان !!!

صح .. بس انا ما أجرمتش يعني لما مقولتش انا ناقله منين ومين اللي كاتبه
بس اوعدك المرة الجاية لما آجي اكتب حاجة منقوله .. هقول الآتي
ناقلها منين .. ومين اللي كاتبه .. وتاريخ ميلاده ومحل اقامته واسم مرات عمو كمان
أي خدمة
لاني حصلي لبس لما قرأت المقال دا كان شبيه جدا بالمقال اللي انا قرأته امبارح

سلامتك من اللبس ومن اللغبطة .. ألف سلامة عليك

فلما روحت لليوم السابع لقيته نفس المقال بالظبط فطبعا كان لازم اطلب توضيح منك ولا انا غلطان !!!

وانت طلبت توضيح وانا وضحتلك .. وكله علي عينك يا تاجر
مش بخاف

وبالنسبه للمقال الاول اللي انت كاتبه او ناقله قبل كده

انت فعلا كتبت مقال وقولت نفس الكلام بالظبط او تقريبا زيه
انت قولت (ودا مقال انا كاتبه ....... )

هحاول اشوف المشاركه دي واعرضها عليك

اتفضل يا حبيبي .. انا مستنيك
لكن انا مقولتلش او اتهمتك انك كاتب الكلام دا بخط ايدك او بقلمك ياريت تراجع كلامي كويس

واخيرا انا زي ماقولتلك انا طلبت توضيح منك

وانت وضحت حتي لو كنت بتهمك او ماشابه وخلاص انتهي الموضوع

لكن انت كبرت الموضوع والامر مش مستاهل اصلا

عادي جدا .. انت فاكرني زعلان
بالعكس .. ده انا مبسوط ان المنتدي فيه واحد بيقرا كل كلمة في كل المواضيع زيك كده
انا مبسوط منك جدااااااااااا

وياريت تتقبل كلامي سواء اتهام او نقد او حتي اتفاق بصدر رحب

زي ما قالت روضة .. السياسة لازم يكون فيها شد وجذب ومشادات
بس اهم حاجة ان محدش يطلع عن الادب والذوء

بس ياريت لو هتذكر اي مقال بعد كده تقول المصدر او مين اللي كاتبه علشان ميحصلش لبس تاني اوك

ما انا قولتلك قبل كده .. هجيبلك اسمه واسم جيرانه ومرات عمو ولو عايزني اجيبلك تاريخ وفاة جدتو هجيبهولك بردو .. انت تؤمر

تحياتي

وانا اديتك اسماء الاكونتات بتاعتي علي الفيس وتويتر
ابقي ادخل علي تويتر وشوف اللي بكتبه
وشوف الدكتور مصطفي الفقي والدكتور ايمن نور وانا بتكلم معاهم راجل لراجل
بس انت معلش هتتعب شوية علشان بكتب english

وأعتقد اني مطلعتش عن الادب والذوء معاك .. ولا انت شايف ايه ؟؟
وكلمتك بمنتهي الاحترام والأدب .. ومكنتش بناديك غير بحضرتك مع انك أصغر مني في السن

يبقي مفيش مانع من ده كل يوم
لو عاوز كل يوم حوار زي ده .. انا تحت امرك .. مفيش مشاكل عندي

خلينا نشوفك كتير هنا ..

Hazem غير متواجد حالياً   رد مع اقتباس
قديم 05-07-2011   #20
Hazem
..:: الفائز بالمركز الأول بمسابقه القلم الحر ::..
 
تاريخ التسجيل: Sep 2009
الدولة: أ حــ مــ ا نــ ز يــ مــ ةـ
المشاركات: 5,671
افتراضي رد: شات الحوار الساخن (لمن يهتم بالسياسة)

اقتباس
مشاهدة المشاركة المشاركة الأصلية كتبت بواسطة روضة الجنة
[center]طبعا الكلام في السياسه هايعرضنا لشد كتير بين الاعضاء زي الحال بالظبط في الدولة

بس ياريت اللي عنده تنبيه لعضو زميله يبعتهوله على رسايل الزوار حتى مش هنا حفاظا على شكلنا قدام نفسنا وقدام بعض وكمان الرد على النقض يكون اهدى من كده

لو سمحتم اي شد خارج الموضوع اللي مفتوح للحوار انا مضطرة احذف المشاركات

فيه مليون اسلوب للسؤال وميت مليون اسلوب للردنقدر بيهم نقول اللي احنا عاوزينه بدون ما نعمل مشاكل
لازم نحافظ على فن الحوار خاصا هنا في الشات السياسي
t]
[f



[center]
بعد اذنك يا روضة
بعد اذن حضرتك يعني
هو دخل الموضوع وساب كل الكلام ومسك في كلمة انا قولتها
وأعتقد يعني اني من حقي أرد
وبعد ما أرد عي كلامه وهو يشوفه ولو عنده رد علي ردي يقوله
بعدها بقي .. براحتك .. اتصرفي زي ما انتي شايفة
عايزة تحذفي المشاركات .. احذفيها
عايزة تحذفي الموضوع نفسه .. عادي مش هتفرق
[/center

وبعدين مفيش مبرر لحذف المشاركات
هو مغلطش فيا ولا قل أدبه عليا
ولا انا عملت معاه كده
واكيد هتشوفي من ده كتير في الشات ده لأن هي دي طبيعة الكلام في السياسة زي ما قولتي

اما بقي موضوع ان النقد يتكتب في رسايل وكده وميكونش علي الملأ
دي بتختلف من شخص لشخص
وانا عن نفسي مش زعلان ان حد ينقدني علي الملأ
وبعدين انتي قولتي جملة تزعل (حفاظا علي شكلنا اودام نفسنا واودام بعض)
تقصدي ايه بيها
مش موقف زي ده هو اللي يخليني اسقط من نظر الناس ولا اسقط من نظر نفسي حتي
الحمد لله انا كبير اوي بيني وبين نفسي .. ودي اهم حاجة

*************

بالنسبة بقي لموضوع الليبرالية
استني عليا شوية لحد ما الاقي حد كاتب مقال عنها
وانقله واقولكم ده انا اللي كاتبه .. وأنسب الكلام لنفسي

لحد دلوقتي مفيش حاجة اتكتبت .. اول لما حاجة تتكتب هنبدأ نتكلم عنها ان شاء الله


تحياتي للجميع ،،،،،،،،

Hazem غير متواجد حالياً   رد مع اقتباس
إضافة رد

الكلمات الدلالية (Tags)
الحوار, الساخن, بالسياسة, يهتم, شاب, شات الحوار الساخن (لمن يهتم بالسياسة)
تعليقات زوار الموقع على الفيس بوك


أدوات الموضوع
انواع عرض الموضوع

الانتقال السريع


الساعة الآن 02:52 AM.


Follow @elmaazon تابع ايجى لفرز على الفيس بوك وتويتر لحظه بلحظه