الواحة الأدبية هنا هتلاقى قصائد , شعر , زجل، نثر و كل القصائد بتاعة أدبائنا الكبار ....



إضافة رد
 
أدوات الموضوع انواع عرض الموضوع
  #1  
قديم 07-13-2009
AHMED AHMED غير متواجد حالياً
.:: الإدارة العـــامـــة ::.
 
تاريخ التسجيل: Jan 2008
الدولة: Zagazig
المشاركات: 39,473
02222255[1] رباعيات صلاح جاهين

رباعيات صلاح جاهين رباعيات صلاح جاهين
نبذة عن حياة الجميل صلاح جاهين



بدأ عمله كصحفي في عام 1952 و تألقت أعماله الفنيع في روزاليوسف زاشترك في اصدار مجله صباح الخير ثم انضم للأهرام عام 1964

ابتكر عددا من شخصيات الكريكاتير الشعبيه وأثار برسومه معارك سياسيه وفكريه كبيرة

من رواد الكتابه لمسرح العرائس

كتب استعراضات كثيرة للتليفزيون وسيتاريو وحوار العديد من الأفلام

له مألفات عده

نال وسام العلوم والفنون كم الطبقة الأولي

توفي في 21 أبريل عام 1986


قال عنه نعمان عاشور

هو نبت من جيل يصعب تكراره, فقد كان فنانا عظيما متعدد المواهب كشاعر شعبي وكرسام كريكاتيري

ولعل أكثر ما سيبقي لنا منه أشعاره وقصائده الوطنيه التي نؤرخ بها حياتنا الثوريه منذ قيام ثورة 1952

---------------------------
الاولي ...


مع ان كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقي ناس أشرار وناس طيبين
!!عجبي


الثانية


عجبي عليك .. عجبي عليك يا زمن
يا بو البدع يا مبكي عيني دما
ازاي أنا أختار لروحي طريق
وأنا اللي داخل في الدنيا مرغما
!!عجبي


الثالثة


مرغم عليك يا صبح مغصوب يا ليل
لا دخلتها برجليا ولا كانلي ميل
شايلني شيل دخلت أنا في الحياة
وبكرة ح أخرج منها شايلني شيل
عجبي !!


الرابعة


سنوات وفايته عليا فوج بعد فوج
واحدة خدتني ابن والتانيه زوج
والتالتة أب خدتني والرابعة ايه
ايه يعمل اللي بيحدفه موج لموج ؟
عجبي !!


الخامسة


وأنا في الضلام .. من غير شعاع يهتكه
أقف مكاني بخوف ولا أتركه
ولما ييجي النور وأشوف الدروب
أحتار زيادة . . أيهم أسلكه ؟
عجبي !!


السادسة


نظرت في الملكوت كتير وانشغلت
وبكل كلمه (ليه ؟) و(عشانيه) سألت
اسأل سؤال . . الرد يرجع سؤال
واخرج وحيرتي أشد مما دخلت
عجبي !!


السابعة

خرج ابن آدم م العدم قلت : ياه
رجع ابن آدم للعدم قلت : ياه
تراب بيحيا .. وحي بيصير تراب
الأصل هو الموت والا الحياة ؟
عجبي!!


الثامنة


ضريح رخام فيه السعيد اندفن
وحفره فيها شريد من غير كفن
مريت عليهم . . قلت يا للعجب
الاتنين ريحتهم فيها نفس العفن
عجبي !!

التاسعة


ياما صادفت صحاب وما صحبتهمش
وكاسات خمور وشراب وما شربتهمش
أندم علي الفرص اللي أنا سبتهم
والا علي الفرص اللي ما سبتهمش
عجبي !!


العاشرة


غدر الزمان يا قلبي مالهوش أمان
وحاييجي يوم تحتاج لحبة ايمان
قلبي ارتجف وسألني .. أأمن بايه ؟
أأمن بايه ؟ محتار بقالي زمان
عجبي !!



الحادية عشر


يا باب أيا مقفول . . امتي الدخول
صبرت ياما واللي يصبر ينول
دقيت سنين . . والرد يرجع لي : مين ؟
لو كنت عارف مين أنا . . كنت أقول
عجبي !!


موعدنا مع أروع الرباعيات علي الاطلاق وهي أشهر رباعيه عرفتها في حياتي


الثانية عشر


أنا شاب لكن عمري ولا ألف عام
وحيد ولكن بين ضلوعي زحام
خايف ولكن خوفي مني : أنا
أخرس ولكن قلبي مليان كلام
عجبي !!

الثالثة عشر



أحب أعيش و لو أعيش في الغابات
أصحي كما ولدتني أمي وأبات
طائر .. حوان .. حشرة .. بشر .. بس أعيش
محلا الحياة . . حتي في هيئه نبات


الرابعة عشر


سهير ليالي وياما لفيت وطفت
وف ليله راجع في الضلام قمت شفت
الخوف .. كأنه كلب سد الطريق
وكنت عاوز أقتله .. بس خفت
عجبي !!


الخامسة عشر


عجبتني كلمه من كلام الورق
النور شرق من بين حروفها وبرق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!


السادسة عشر


رقبة قزازة وقلبي فيها انحشر
شربت كاس واتنين وخامس عشر
صاحبت ناس م الخمر ترجع وحوش
وصاحبت ناس م الخمر ترجع بشر
عجبي !!




السابعة عشر


كل اللي في الخمارة صابهم جنون
صبحوا الرجال يتبادلوا كاس المنون
وبدم ونبيت انكتب ع الجدار
( ياميت ندامه ع اللي قلبه حنون )
عجبي !!


الثامنة عشر


قالوا الشقيق بيمص دم الشقيق
والناس ماهياش ناس بحق وحقيق
قلبي رميته وجبت غيرة حجر
داب الحجر .... ورجعت قلبي رقيق
عجبي !!



التاسعة عشر



يوم قلت آه . . سمعوني قالوا فسد
ده كان جدع قلبه حديد و اتحسد
رديت علي اللايمين انا وقلت . . آه
لو تعرفوا معني زئير الأسد
عجبي !!

العشرين


بين موت وموت . . بين النيران والنيران
ع الحبل ماشيين الشجاع و الجبان
عجبي علادي حياة . . ويا للعجب
ازاي أنا - يا تخين - بقيت بهلوان
عجبي !!

الحادية والعشرين ....


دخل الربيع يضحك لقاني حزين
نده الربيع علي اسمي لم قلت مين
حط الربيع أزهاره جنبي وراح
و ايش تعمل الأزهار للميتين
عجبي !!


الثانية والعشرين


مهبوش بخربوش الألم والضياع
قلبي ومنزوع م الضلوع انتزاع
يا مرايتي يا اللي بترسمي ضحكتي
يا هلتري ده وش والا قناع
عجبي !!



الثالثة والعشرين ..... تحفة



حبيت . . لكن حب من غير حنان
وصاحبت لكن صحبه مالهاش أمان
رحت لحكيم و أكتر لقيت بلوتي
ان اللي جوة القلب مش ع اللسان
عجبي !!




الرابعة والعشرين .....




ليه يا حبيبتي ما بينا دايما سفر
ده البعد ذنب كبير لا يغتفر
ليه يا حبيبتي ما بينا دايما بحور
أعدي بحر ألاقي غيره اتحفر



الخامسة والعشرين


يا قرص شمس ما لهش قبة سما
يا ورد من غير أرض شب ونما
يا أي معني جميل سمعنا عليه
الخلق ليه عايشين حياة مؤلمه
عجبي !!


السادسة والعشرون


أعرف عيون هيه الجمال والحسن
واعرف عيون تاخد القلوب بالحضن
وعيون مخيفه وقاسيه وعيون كتير
وباحس فيهم كلهم بالحزن
عجبي!!

السابعة والعشرين


ايش تطلبي يا نفس فوق كل ده
حظك بيضحك وانتي متنكدة
ردت قالت لي النفس : قول للبشر
ما يبصوليش بعيون حزينه كده
عجبي!!

الثامنة والعشرين .....



يا حزين يا قمقم تحت بحر الضياع
حزين أنا زيك وايه مستطاع
الحزن ما بقالهوش جلال يا جدع
الحزن زي البرد . . زي الصداع
عجبي !!



التاسعة والعشرين .......



في يوم صحيت شاعر براحه وصفا
الهم زال والحزن راح واختفي
خدني العجب وسألت روحي سؤال
انا مت ؟ . . والا وصلت للفلسفه ؟
عجبي !!



الثلاثون


يا نجم . . نورك ليه كده بيرتجف ؟
هو انت قنديل زيت ؟ . . أو تختلف ؟
- أنا نجم عالي . . بس عالي قوي
وكل ما أنظر تحت أخاف انحدف
عجبي!!

الحادية والثلاثين


السم ولو في الدوا . . منين يضر ؟
والموت . . ولو لعدونا . . منين يسر ؟
حط القلم في الحبر واكتب كمان
. . والعبد للشهوات . . منين هو حر ؟
عجبي !!

الثانية والثلاثين



وقفت بين شطين علي قنطرة
الكدب فين والصدق فين يا تري
محتار ح أموت. .الحوت خرج لي وقال
هو الكلام يتقاس بالمسطرة ؟
عجبي !!


الثالثة والثلاثين



سرداب فى مستشفى الولاده طويل
صرخات عذاب ورا كل باب وعويل
..وفى الطريق متزوقين البنــات
متزوقين للحب والمواويل
عجبى !!

الرابعة والثلاثين .....



الدنيا أوده كبيرة للانتظار
فيها ابن آدم زيه زي الحمار
الهم واحد . . والملل مشترك
ومفيش حمار بيحاول الانتحار
عجبي !!


الخامسة والثلاثين


نسمة ربيع لكن بتكوى الوشوش
طيور جميلة بس من غير عشوش
قلوب بتخفق .. انما وحدها
هى الحياه كده .. كلها فى الفاشوش
عجبى !!

السادسة والثلاثون ....



يا طير يا عالي في السما طظ فيك
ما تفتكرشي ربنا مصطفيك
برضك بتاكل دود وللطين تعود
تمص فيه يا حلو . . ويمص فيك
عجبي !!



السابعة والثلاثين ....



كروان جريح مضروب شعاع م القمر
سقط من السموات فؤاده انكسر
جريت عليه قطه عشان تبلعه
أتاريه خيال شعراء ومالهوش أثر
عجبي !!


الثامنة والثلاثين ....



ما حد في الدنيا دي واخد جزاته
ولا حد بيفكر في غير لذاذاته
ماتعرفيش يا حبيبتي..انا وانتي مين ؟
انتي عروس النيل .. وانا النيل بذاته
عجبي !!

التاسعة وثلاثين ....



اخطفني ياللي تحبني ع الحصان
الدنيا قالت يوم في ماضي الزمن
اخطفني ياللي تحبني ع الفرس
الدنيا قالت . . قام خطفها الشيطان
عجبي !!


الاربغون ..........




من بين شقوق الشيش وشقشقت لك
مع شهقه العصافير وزقزقت لك
نهار جديد انا . . قوم نشوف نعمليه
انا قلت يا ح تقتلني . . يا ح اقتلك
عجبي !!



التكمله بالأسفل


رد مع اقتباس
اقرأ ايضا جديد الأخبار لحظه بلحظه على ايجي لفرز
قديم 07-13-2009   #2
AHMED
.:: الإدارة العـــامـــة ::.
 
تاريخ التسجيل: Jan 2008
الدولة: Zagazig
المشاركات: 39,473
افتراضي رد: رباعيات صلاح جاهين


الاربغون ..........




من بين شقوق الشيش وشقشقت لك
مع شهقه العصافير وزقزقت لك
نهار جديد انا . . قوم نشوف نعمليه
انا قلت يا ح تقتلني . . يا ح اقتلك
عجبي !!

الحادية والاربعون


قلبي عليل يا ناس وفي الكاس دواه
مديت له ايدي شربت م اللي جواه
جنبي الشمال خف . . واليمين اتوجع
وايه يداوي الكبد م اللي كواه
عجبي !!






دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت في ليل الشتا
لكن حاجات أكتر بترفض تموت
عجبي !!




43

.


يا اللي انت بيتك قش مفروش بريش
تقوي عليه الريح . . يصبح مفيش
عجبي عليك حواليك مخالب كبار
ومالكش غير منقار وقادر تعيش
عجبي !!



44


سمعت نقطه ميه جوه المحيط
بتقول لنقطه ما تنزليش في الغويط
أخاف عليكي م الغرق . . قلت أنا
ده اللي يخاف م الوعد يبقي عبيط
عجبي !!

45



جالك أوان و وقفت موقف وجود
يا تجود بده يا قلبي يا بده تجود
ما حد يقدر يبقي علي كل شئ
مع ان - عجبي - كل شئ موجود
عجبي !!

46



أنا كنت شئ وصبحت شئ ثم شئ
شوف ربنا . . قادر علي كل شئ
هز الشجر شواشيه ووشوشني وقال:
لابد ما يموت شئ عشان يحيا شئ
عجبي !!



47




يا مشرط الجراح أمانه عليك
وانت ف حشايا تبص من حواليك
فيه نقطه سوده في قلبي بدأت تبان
شيلها كمان . . والفضل يرجع اليك
عجبي !!

تابع بالأسفل

AHMED غير متواجد حالياً   رد مع اقتباس
قديم 07-13-2009   #3
AHMED
.:: الإدارة العـــامـــة ::.
 
تاريخ التسجيل: Jan 2008
الدولة: Zagazig
المشاركات: 39,473
افتراضي رد: رباعيات صلاح جاهين

48



كيف شفت قلبي والنبي يا طبيب
همد ومات والا سامع له دبيب
قاللي لقيته مخنوق بالدموع
ومالوش دوا غير لمسه من إيد حبيب
عجبي!!

49



تسلم يا غصن الخوخ يا عود الحطب
ييجي الربيع .. تطلع زهورك عجب
وليه بيمضي ربيع وييجي ربيع
ولسه برضط قلبي حته حطب
عجبي!!


50




بحر الحياة مليان بغرقي الحياة
صرخت خش الموج في حلقي ملاه
قارب نجاه ! . . صرخت قالوا مفيش
غير بس هو الحب قارب نجاه
عجبي !!



51




فارس وحيد جوه الدروع الحديد
رفرف عليه عصفور وقال له نشيد
منين منين . . ولفين لفين يا جدع
قال من بعيد ولسه رايح بعيد
عجبي !!



52





كان فيه قمر كأنه فرخ حمام
علي صغرة دق شعاع شق الغمام
أنا كنت حاضر قلت له ينصرك
إشحال لما ح تبقي بدر التمام
عجبي!!




53




كرباج سعاده وقلبي منه انجلد
رمح كأنه حصان ولف البلد
ورجع لي نص الليل وسألني . . ليه
خجلان تقول انك سعيد يا ولد
عجبي !!



54



مزيكه هاديه الكون فيها انغمر
وصيف وليل وعقد فل وسمر
يا هلتري الناس كلهم مبسوطين
ويا هلتري شايفين جمال القمر
عجبي!!




55






إنشد يا قلبي غنوتك للجمال
وإرقص في صدري من اليمين للشمال
ما هوش بعيد تفضل لبكرة سعيد
ده كل يوم فيه ألف ألف احتمال
عجبي!!


56



آه لو أنا ومحبوبي جزنا الفضا
في سفينه وحدينا .. وأشيا رضا
ساعه صفا تعجبنا نرجع لها
والهم قبل ما ييجي ... يبقي مضي
عجبي !!




57





حدوته عن جعران وعن خنفسه
اتقابلوا حبو بعض ساعة مسا
ولا قال لهم حد اختشوا عيب حرام
ولا حد قال دي علاقة متدنسه
عجبي !!

58




ياللي عرفت الحب يوم وانطوي
حسك تقول مشتاق لنبع الهوي
حسك تقول مشتاق لنبع الغرام
ده الحب . . مين داق منه قطرة . . ارتوي
عجبي !!




AHMED غير متواجد حالياً   رد مع اقتباس
قديم 07-13-2009   #4
AHMED
.:: الإدارة العـــامـــة ::.
 
تاريخ التسجيل: Jan 2008
الدولة: Zagazig
المشاركات: 39,473
افتراضي رد: رباعيات صلاح جاهين

59



زحام وأبواق سيارات مزعجة
اللي يطول له رصيف .. يبقي نجا
لو كنت جنبي يا حبيبي أنا
مش كنت أشوف إن الحياة مبهجه ؟
عجبي !!

60



يا ميت ندامه ع القلوب الخلا
لا محبه فيها ولا كراهيه ولا
حتي يا قلبي الحزن ما عادش فيك
معلهش ... لك يوم برضه راح تتملا
عجبي !!

61



غمست سنك في السواد يا قلم
علشان ما تكتب شعر يقطر ألم
مالك جرالك ايه يا مجنون ... وليه
رسمت ورده وبيت وقلب وعلم
عجبي !!



62



أنا اللي عمري اشتياق في اشتياق
وقطر داخل في محطه فراق
قصدت نبع السم وشربت سم
من كتر شوقي وعشمي في الترياق
عجبي!!

63




العشب طـــــــاطــــــــا للنسايم ونخ
أخضر طري مالهش في الحسن أخ
عصفور عبيط أنا .. غاوي بهجه وغنا
ح انزل هنا .. وانشا الله يهبرني فخ
عجبي!!

64



أوصيك يا إبني بالقمر والزهور
أوصيك بليل القاهرة المسحور
وإن جيت في بالك .. إشتري عقد فل
لأي سمرا ... وقبري إوعك تزور
عجبي!!

65



غمض عينيك وارقص بخفه ودلع
الدنيا هي الشابة وانت الجدع
تشوف رشاقه خطوتك تعبدك
لكن انت لو بصيت لرجليك ... تقع
عجبي!!




66



حاسب من الأحزان وحاسب عليها
حاسب علي رقابيك من حبلها
راح تنتهي ولابد راح تنتهي
مش انتهت أحزان من قبلها ؟
عجبي !!



67




يأسك وصبرك بين إيديك وأنت حر
تيأس ما تيأس الحياه راح تمر
أنا دقت مندا ومندا عجبي لقيت
الصبر مر وبرضك اليأس مر
عجبي !!



ياريت اللى عنده يضيف
تحياتى للجميع

AHMED غير متواجد حالياً   رد مع اقتباس
قديم 12-04-2009   #5
thescream
..:: عــضــو جـديـد ::..
 
تاريخ التسجيل: Jun 2009
المشاركات: 9
افتراضي رد: رباعيات صلاح جاهين

مشكوووووووووووور بارك الله فيك

thescream غير متواجد حالياً   رد مع اقتباس
قديم 01-25-2010   #6
سندريلا العشق
..:: السندريلا دودي ::..
 
تاريخ التسجيل: Aug 2009
الدولة: جوا قلبك يامصر
المشاركات: 1,507
افتراضي رد: رباعيات صلاح جاهين

ودي بقي شويه كمان رباعيته يامستر احمد


رباعيات الراحل صلاح جاهين




*انا شاب لكن عمرى الف عام

وحيد لكن بين ضلوعى زحام

خايف لكن خوفى منى انا

أخرس لكن قلبى مليان كلام

عجبى!!!


*يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول
عجبي !!!


*أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!


*سهيرت ليالي و ياما لفيت و طفت

و ف ليه راجع في الضلام قمت شفت

الخوف ... كأنه كلب سد الطريق

و كنت عاوز أقتله .. بس خفت

عجبي !!


*كان فيه زمان سحليه طول فرسخين

كهفين عيونها و خشمها بربخين

ماتت لكين الرعب لم عمره مات

مع إنه فات بدل التاريخ تاريخين

عجبي !!


*ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي !!!


*نوح راح لحاله و الطوفان استمر

مركبنا تايهه لسه مش لاقيه بر

آه م الطوفان وآهين يا بر الأمان

إزاي تبان و الدنيا غرقانه شر

عجبي !!


*علي رجلي دم .. نظرت له ما احتملت

علي إيدي دم.. سألت ليه ؟ لم وصلت

علي كتفي دم.. و حتي علي رأسي دم

أنا كلي دم .. قتلت ؟ ..... والا اتقتلت

عجبي !!


*ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي !!!!



*يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!!

*شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي لهيب

ودواك فرغ مني .... و إيه العمل

عجبي !!!

***أعرف عيون هي الجمال و الحسن

و اعرف عيون تاخد القلوب بالحضن

و عيون مخيفة و قاسية وعيون كتير

وباحس فيهم كلهم بالحزن

عجبي !!

*إيش تطلبي يا نفس فوق كل ده

حظك بيضحك و انتي متنكده

ردت قالت لي النفس : قول للبشر

ما يبصوليش بعيون حزينة كده

عجبي !!



*يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

عجبي !!!!

*في يوم صحيت شاعر براحة و صفا

الهم زال و الحزن راح و اختفي

خدني العجب و سألت روحي سؤال

أنا مت ؟ و لا وصلت للفلسفة

عجبي !!!


*علي بعد مليون ميل من أرضنا

من الفراغ الكوني بصيت أنا

لا شفت فرق بين جبال و بحور

و لا شفت فرق ما بين عذاب أو هنا

عجبي !!

*أنسان أيا إنسان ما أجهلك

ما أتفهك في الكون و ما أضألك

شمس وقمر و سدوم و ملايين نجوم

و فاكرها يا موهوم مخلوقه لك

عجبي !!


*نظرت فوق للنجوم و انا ساير

رجليا عترت في الحفر و الحجاير

بقيت أقول و انا ع التراب: يا سلام

مش بس عبره أخذت لكن عباير

عجبي !!!


*- يا نجم .. نورك ليه كده بيرتجف ؟

هو انت قنديل زيت ؟ أو تختلف

- أنا نجم عالي .. بس عالي قوي

و كل ما انظر تحت اخاف انحدف

عجبي !!!!


*السم لو كان في الدوا منين يضر ؟

و الموت لو عدونا .. منين يسر؟

حط القلم في الحبر و اكتب كمان

.. و العبد للشهوات .. منين هو حر؟

عجبي !!!


*وقفت بين شطين علي قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي !!!

*نسمة ربيع لكن بتكوي الوشـــــــوش

طيور جميلة بس من غير عشـــوش

قلوب بتخفق إنما وحـــــــــــــــــدها

هي الحياه كده .. كلها في الفاشوش

عجبي !!!!



*يا طير يا عالي في الســــــما طظ فيك

ما تفتكرشي ربنا مصطــــــــــــــــفيك

برضـــــــــــك بتاكل دود و للطين تعًًًًودً

تمـــــــــص فيه يا حلو .. و يمص فيك

عجبي !!!

*كروان جريح مضروب شعاع م القمر

سقط من السموات فؤاده انكســـــــــر

جريت عليه قطه علشان تبلعـــــــــــه

أتاريه خيال شعراء و مالهـــــوش أثر

عجبي !!!


*إخطفني ياللي تحبني ع الحصان

الدنيا قالت يوم في ماضي الزمان

إخطفني ياللي تحبني ع الـــــفرس

الدنيا قالت .. قام خطفها الشيطان

عجبي !!!!


*جالك أوان ووقفت موقف وجـــود

يا تجود بده يا قلبي يا بده تجــــود

ما حد يقدر يبقي علي كل شـــــــئ

مع إن – عجبي – كل شئ موجود

عجبي !!!


*أنا كنت شئ و صبحت شئ ثم شــئ

شوف ربنا .. قادرعلي كل شـــــــئ

هز الشجر شواشيه ووشوشني قال :

لابد ما يموت شئ عشان يحيا شئ

عجبي !!


*يا مشرط الجراح أمانة علـــــــــــيك

و انت ف حشايا تبص من حواليــك

فيه نقطة سوده في قلبي بدأت تبان

شيلها كمان .. و الفضل يرجع إليك

عجبي !!!


*كيف شفت قلبي و النبي يا طبيــــــــــــب

همد و مات و الا سامع له دبيـــــــــــــب

قاللي لقيته مختنق بالدمـــــــــــــــــــــوع

و ما لوش دوا غير لمسه من إيد حبيب

عجبي !!!!


*تسلم يا غصن الخوخ يا عود الحطـــــــــب

بييجي الربيع .. تطلـــــــــــع زهورك عجب

و انا ليه بيمضـــــــــــي ربيع وييجي ربيع

و لسه برضك قلــــــــــــــــــبي حتة خشب

عجبي !!!


*.. دي مزكرات و كتبتها من ســـــــــنين

في نوتة زرقا لون بحور الحنيــــــــــــن

عترت فيها .. رميتها في المهمـــــــلات

وقلت صحيح أما صحيح كلام مخبولين

عجبي !!


*دخل الشتا وقفل البيبان ع البـــيوت

وجعل شعاع الشمس خيط عنكبوت

وحاجات كتير بتموت في ليل الشــتا

لكن حاجات أكتر بترفض تمــــــوت

عجبي !!



-* الدنيا من غير الربيع مــــــــيته

ورقة شجر ضعفـــــــانه و مـــفـــــتــته

- لا يا جدع غلطان تأمل وشوف

زهر الشتا طالع فــــــــي عز الشـــــتا

عجبي !!!


*ياللي انت بيتك قش مفروش بريش

تقوي عليه الريح .. يصبح ما فيش

عجبي عليك حواليك مخالب كـــــبار

و ما لكش غير منقار و قادر تعيش

عجبي !!!!



*سمعت نقطة ميه جوه المحيـــــــط

بتقول لنقطه ما تنزليش في الغويط

أخاف عليكي م الغرق .. قلـــــت أنا

ده اللي يخاف م الوعد يبقي عبيط

عجبي !!!


*بحر الحياه مليان بغرقي الحياه

صرخت خش الموج في حلقي ملاه

قارب نجاه .. صرخت قالوا مفيش

غير بس هو الحب قارب نجاه

عجبي !!!


*كرباج سعاده وقلبي منه انجلد

رمح كأنه حصان و لف البلد

و رجع لي نصل الليل و سألني .. ليه

خجلان تقول انك سعيد يا ولد

عجبي !!!


*مزيكة هادية الكون فيها انغـــــمر

وصيف و ليل و عقد فل و سمر

يا هلتري الناس كلهم مبسوطين

و يا هلتري شايفين جمال القمر ؟

عجبي!!


*إنشد يا قلبي غنوتك للجمــــــــــــــــــال

و ارقص في صدري من اليمين للشمال

ما هوش بعيد تفضل لبكره سعيــــــــــد

ده كل يوم فيه الف الف احتمـــــــــــــال

عجبي !!


*آه لو انا و محبوب جزنا الفضـــــا

في سفينة وحدينا .. واشيا رضـــا

ساعة صفا تعجبنا نرجع لهــــــــــا

و الهم قبل ما ييجي .. يبقي مضـى

عجبي !!


*ياللي عرفت الحب يوم و انطــــــــــــوي

حسك تقال مشتاق لنبع الهـــــــــــــــوي

حسك تقول مشتاق لنبع الغــــــــــــــــرام

ده الحب .. مين داق منه قطره...ارتوي

عجبي !!!


*زحام و أبواق سيارات مزعجـــــة

للي يطول له رصيف.. يبقي نجـــا

لو كنت جنبي يا حبيبي أنــــــــــــا

مش كنت أشوف إن الحياة مبهجة

عجبي!!

*يا ميت ندامه ع القلوب الخـــــــــــلا

لا محبة فيها و لا كراهـــــــــــه ولا

حتي يا قلبي الحزن ما عادش فيـــــك

معلهش .. لك يوم برضه راح تتملا

عجبي !!


*فتحت شباكي لشمس الصبـــــــــــــــــاح

ما دخلش منه غيــــــــــر عويل الريـــاح

و فتحت قلبي عشان ابوح بالألـــــــــــــم

ما خرجش منه غير محبه و سمــــــــاح

عجبي !!!!


*غمست سنك في السواد يا قلـــــــــــــــم

عشان ما تكتب شعر يقطر ألــــــــــــــــم

مالك جرالك إيه يا مجنون ... و ليــــــــه

رسمت ورده وبيت و قلب و علـــــــــــم

عجبي !!!


*لو فيه سلام في الأرض وطمان و أمن

لو كان مفيش و لا فقر و لا خوف جبن

لو يملك الانسان مصير كل شـــــــــــئ

انا كنت اجيب للدنيا ميت ألف ابــــــــــن

عجبي !!


*حاسب من الاحزان و حاســـــــب لها

حاسب علي رقابيك من حبلـــــــــــها

راح تنتهي و لابد راح تنتهــــــــــي

مش انتهت أحزان من قبلهــــــــــا؟

عجبي !!!

**يأسك و صبرك بين إيديك و انت حر

تيأس ما تيأس الحياه راح تــــــــمر

أنا دقت مندا ومندا عجبي لقيــــــت

الصبر مر و برضك اليـأس مـــــــر

عجبي !!


**ولدي نصحتك لما صوتي اتنبــــــــــــح

ما تخفش من جني و لا من شبـــــــــح

و ان هب فيك عفريت قتيل إسألـــــــــه

ما دافعش ليه عن نفسه يوم ما اندبح

عجبي !!


*أنا قلت كلمة و كان لها معنييـــــــــن

كما بطن واحده و توأمين زي وشين

لو دنيا شر.. التوأم الخير يمـــــــوت

لو دنيا خير .. الشر ح يعيش مــنين

عجبي !!


*أنا اللي بالأمر المحال اغتــــــــــــوي

شفت القمر نطيت لفوق في الهـــــوا

طلته ما طلتوش إيه انا يهمنـــــــــي

و ليه .. ما دام بالنشوة قلبي ارتوي

عجبي !!


*عيني رأت مولود علي كتف أمـــــــــــه

يصرخ تهنن فيه يصرخ تضــــــــــــمه

يصرخ تقول يا بني ما تنطق كـــــــلام

ده اللي ما يتكلمش يكتر همـــــــــــــه

عجبي !!!!


*ياللي بتبحث عن إله تعــــــــــــبده

بحث الغريق عن أي شئ ينجـــده

الله جميل و عليم و رحمن رحــيم

أجمل صفاته .. وانت راح توجده

عجبي !!!


*لا تجبر الانسان و لا تخـــــــــيره

يكفيه ما فيه من عقل بيحيــــــره

اللي النهارده بيطلبه و يشتهــــيه

هو اللي بكره ح يشتهي يغيـــــره

عجبي !!


*و لو اتضنيت و فنيت وعمري انفرط

مش عاوز الجأ للحلول الوســـــــــط

و كمان شطط و جنون مانيش عــاوز

يا مين يقول لي الصح فين والغلــــط

عجبي !!


*عاد الربيع كأنه طعم الحــــــــــــــــــب

و الحب نار جوه العروق بتصـــــــــب

اتمتع ازاي بيه وانا متقطـــــــــــــــع

من كتر خوفي لا في الخطيئة يطب ؟

عجبي !!


*في الهو ماشي يا بهلوان إش إِش

يا فراشة منقوشة علي كل وش

شقلبت عقلي و عقلي شقلبني

و كنت باحسبني بقيت ما اندهش

عجبي !!

*وقفت ساعة الصبح باغسل سناني

قالت لي شايف قوتي و لمعاني ؟

إيش تطلب اليوم مني ضحكة أسد ؟

والا ابتسامة اعلانات أمريكاني ؟

عجبي !!


*ما آنتاش بتلعب ليه يا روح بابــــا ؟

و لا عسكري و لا لص في عصابة ؟

إلعب أسد أو ديب رهيب أو غـــــزال

دي الدنيا في نهاية المطاف غابـــــة

عجبي !!!


*إيه اللي خدته من مرور السنــــــين

يا قلبي الا دمعتك و الأنيــــــــــــــين

بتئن و ترجع و بتفرح و ترجع تحــن

مع إن مش كل البشـــــــــــر فرحانين

عجبي !!!!


*لولا اختلاف الرأي يا محـــــترم

لولا الزلطتين ما لوقود انضرم

و لولا فرعين ليف سوا مخاليف

كان بيننا حبل الود كيف اتبرم ؟

عجبي !!!!

*يا وردة قلبي معاكي في الريح لعب

لا تعبتي م الريح و لا قلبي تعــــــــب

احنا كده : نرتاح في صخب الجنون

و في السكون بنخاف قوي و نترعب

عجبي !!!

*بلياتشو قال إيه بس فايدة فنونــــي ؟

و تلات وقق مساحيق بيلونونـــــــي

و الطبل و المزامير و كتر الجعـــــــير

إذا كان جنون زبوني زاد عن جنوني

عجبي !!!


*الضحك قال يا سم ع التكشيـــــــر

امشير و طوبه وانا ربيعي بشيـر

مطرح ما باظهر بانتصر ع العدم

انشالله أكون رسماية بالطباشيــر

عجبي !!!!


*قالوا السياسة مهلكة بشكل عـــــــــــام

و بحورها يا بني خشنة مش ريش نعام

غوص فيها تلقي الغرقانين كلهــــــــــم

شايلين غنايم .. و الخفيف اللي عـــــام

عجبي !!!


*يومي علي الله تنتهي و تغيــــب

الشمس و تعود تاني يوم لهاليب

زي الحياة مأساه و من كترهــــا

بقي لا انتهاءها و ابتداءها عجيب

عجبي !!


*علم اللوع اضخم كتـــــــــاب في الأرض

بس اللي يغلط فيه يجيـــــــــبــه الأرض

أما الصراحة فأمرها ســـــــــــــــــاهل

لكن لا تجلب المال و لا تصون العرض

عجبي !!!

*أنا كان لي أب . و كان رئيس محكـــمه

ستين سنة .. في قضية واحدة أترمي

ستين سنة و طلع براءة و خــــــــرج

يشكي الحياة و الموت لرب السمـــــا

عجبي !!!!

* قالوا ابن آدم روح و بدنه كفـــــــــــن

قالوا لأ بدن . قالوا لأ ده روح في بدن

رفرف فؤادي مع الرايات في الهــــــوا

أنا قلت لأ روح في بدن في وطــــــــن

عجبي !!!!


سندريلا العشق غير متواجد حالياً   رد مع اقتباس
قديم 02-03-2010   #7
ßσгkαЙ
..:: عــضــو رهيب ::..
 
تاريخ التسجيل: Dec 2009
المشاركات: 792
افتراضي رد: رباعيات صلاح جاهين

تسلم ايدك
ومشكووووووووووووووور على مجهودك الرائع

ßσгkαЙ غير متواجد حالياً   رد مع اقتباس
قديم 02-13-2010   #8
chemicgirl
..:: عــضــو نــشيــط ::..
 
تاريخ التسجيل: Feb 2010
الدولة: tanta
المشاركات: 202
إرسال رسالة عبر مراسل Yahoo إلى chemicgirl
افتراضي رد: رباعيات صلاح جاهين

شكرا جدا انا بموت في ربعيات صلاح جاهين

chemicgirl غير متواجد حالياً   رد مع اقتباس
قديم 03-11-2010   #9
mido828
..:: عــضــو متميز ::..
 
تاريخ التسجيل: Feb 2010
المشاركات: 327
افتراضي رد: رباعيات صلاح جاهين

مشكووووووووووووووووووووووووور

mido828 غير متواجد حالياً   رد مع اقتباس
قديم 03-30-2010   #10
منشMستر
..:: عــضــو متميز ::..
 
تاريخ التسجيل: Apr 2009
الدولة: في البيت اكيد
المشاركات: 346
افتراضي رد: رباعيات صلاح جاهين

*انا شاب لكن عمرى الف عام

وحيد لكن بين ضلوعى زحام


خايف لكن خوفى منى انا

أخرس لكن قلبى مليان كلام

عجبى!!!


*يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول
عجبي !!!


من احب مقولاته إلا قلبي
تعبناك يااحمد انت وسندريلا العشق
مشكورين

منشMستر غير متواجد حالياً   رد مع اقتباس
إضافة رد

الكلمات الدلالية (Tags)
جاهين, رباعيات, سلاح
تعليقات زوار الموقع على الفيس بوك


أدوات الموضوع
انواع عرض الموضوع

الانتقال السريع


الساعة الآن 01:08 PM.


Follow @elmaazon تابع ايجى لفرز على الفيس بوك وتويتر لحظه بلحظه